Иске Татар бистәсендә хәйрия концерты узды

Ял көне Казан үзәгендә хәйрия ярминкәсе һәм татар эстрадасы артистлары, күренекле шагыйрьләр катнашында зур концерт узды.

Казанның «Иске шәһәр» префектурасы, «Болгар» радиосы, «Ярдәм» Милли ислам хәйрия фонды тарафыннан оештырылган әлеге хәйрия чарасыннан җыелган акчалар «Ярдәм» фондының 2015 елда Татарстанның Теләче районы Иске Җөри авылында ачылган «Гаилә җылысы» балалар йортына тапшырылачак.

Концерт җәйге кояшлы көндә Казанның тарихи өлешен тәшкил итүче Иске Татар бистәсендәге җәяүлеләр йөри торган Каюм Насыйри урамында, ачык һавада корып куелган сәхнәдә барды. Шунда ук юл буйлап тезелеп киткән сәүдә рәтләрендә дини китаплар, татар басма продукцияләре, чигүле түбәтәйләр, калфаклар, бизәкле күн читек һәм чүәкләр, төрледән-төрле кул эшләре, милли сувенирлар сатылды. Танылган каллиграф Нәҗип Нәккаш теләгән кешегә тугралар ясады. Хәйрия акциясендә Татарстанның Милли музее һәм аның филиалы булган Каюм Насыйри музее да катнашты: музейларның кызыклы басма продукцияләре, кунакларга чүлмәкчелек осталыгына өйрәтүче мастер-класс тәкъдим ителде.  Халык эстрада йолдызлары концертын тамаша кылып, ярминкәдән ошаган әйберләрне сатып алып, хәйрия акчалары җыю өчен куелган махсус тартмаларга үзләре теләгән кадәр акчалар салды.
- Без хәйрия чараларын даими оештырып торабыз. Бу юлы Иске Татар бистәсе префектурасы белән «Болгар» радиосы зур ярдәм күрсәтте, аларга бик рәхмәтлебез. Концерт та, ярминкә дә бик матур килеп чыкты. Бу көнне җыелган акчаларны «Гаилә җылысы» приюты эшчәнлегенә юнәлтеләчәк. Чөнки анда яшәүче ятим ун баланы тәрбияләү, дәвалау, әлбәттә, чыгымнар таләп итә. Киләчәктә Балтач районының Борбаш авылында авыр тормыш шартларында калган балалар өчен пансионат ачу ниятебез бар. Без җәмгыятебездә милләтебезгә хас шәфкатьлелек сыйфатларын югалтмаска, булдыра алганча ятим, авыру балаларга бу тормышта үз урыннарын табарга булышырга тиеш, - ди «Ярдәм» мөселман тернәкләнү үзәге вице-президенты Лилия Сәлахетдинова.
Хәйрия максатын тоткан бәйрәмдә катнашучыларны «Иске шәһәр» префектурасы префекты Марат Усманов сәламләде. Татар моңына күмелгән, татар милли һөнәрчелеге үрнәкләрен таныткан мондый чаралар борынгы Иске Татар бистәсенең рухи яңарышына этәргеч ясавын ассызыклады ул. «Ярдәм» фонды җитәкчесе Илдар хәзрәт Баязитов үз чиратында заманында татар телен, милләтнең динен, мәдәниятен, традицияләрен саклап калган Иске Татар бистәсендә хәйрия эшчәнлеге дәвамлы булачагына ышаныч белдереп, оештыручыларга рәхмәт йөзеннән Марат Усмановны фондның «Шәфкатьле йөрәк өчен» ордены белән бүләкләде.
Мәгълүм булганча, Иске Җөридәге балалар йортында ДЦП инвалиды, Даун синдромлы, аутист, начар күрүче сабыйлар һәм яшүсмерләр яши. Аларны үз өстенә әни җаваплылыгын алып кайгыртучы, «Ярдәм» укыту-тернәкләнү үзәге җитәкчесе Мәликә ханым Гыйльметдинова да хәйриячеләргә, артистларга, олы йөрәкле Казан халкына рәхмәтләрен җиткерде. «Иске шәһәр» префектурасына «Ярдәм» фондының Рәхмәт хатын тапшырды.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  •  Гомерем усал кайнана, исерек ир белән үтте 5 Бер көнне иртән торып бәлеш пешерергә уйладым. Бәрәңге турадым, суган әрчедем, камыр бастым. Духовкада кургаш кәгазь астында ике сәгать ярым эчендә бәлешем изелеп пеште. Ләкин хуш исе урамга кадәр чыккан итле бәлешемне ашарга насыйп булмады.
    13166
    4
    112
  •  Исерек ир, усал кайнана белән гомерем узды 3 Рәфис белән 3 ел очрашып йөрсәк тә, мәхәббәтебез үбешүдән ары узмаган иде. Беренче зөфаф төнебезне мин куркып, дулкынланып көттем.
    12003
    5
    80
  • Исерек ир, усал кайнана белән гомерем узды 2 Рәфискә кияүгә чыгарга җыенуымны әнием ошатмады, ул мине кабаттан үгетләргә кереште: «Кызым, тагын бер тапкыр уйлап кара әле! Габдулла белән Сания авылда иң усал гаилә булып санала, Санияне тиккә генә «юха елан» дип йөртмиләр. Алай гынамы, бу гаиләдә эшнең бетәсе юк: 50 сутый бакчалары, абзарларында өч сыер, кырыкка якын сарык...
    9698
    1
    55
  • Юлда кем очрамас... Кичә яшүсмер кызым эштән кайтты да, «Әни, син хәзер мине ачуланачаксың», – ди. Сагайдым. Ачуланасымны алдан ук белеп торгач, нинди ярамаган эш эшләде икән? 
    9017
    1
    55
  • Уеннан уймак Барысы да бәхәсләшүдән башланды. Хатын-кызлар, бигрәк тә йөрәкләре янып торган яшь кызлар бәхәсләшмәсен икән ул. Аларның яшьлек дәрте егетләрне үзләренә карату гына түгел, дөньяны әйләндереп бастыра ала... 
    4542
    0
    49
Реклама
Соңгы комментарийлар
  • 17 август 2022 - 08:30
    Без имени
    Гел дорес сузлэр генэ сойлисен
    Илсөя Бәдретдинова әйтсә, каты әйтә!
  • 16 август 2022 - 17:54
    Без имени
    Мин сезнең өчен бик шатмын, бер-берегезне кабат тапкансыз.
    Ике туй – бер ир
  • 15 август 2022 - 20:31
    Без имени
    Уземнең телем сынып бетте моны укыганда.
    Баланы сөйләшергә өйрәтәбез! 
  • 14 август 2022 - 12:38
    Без имени
    Менә болай яшәү сабырлык дип аталмый,куркаклык,хакларыңны өйрәнмиче таптату дип атала Гөмер бер генә,тазалык бер генә,бала хакы бер генә яшәү хакы бер генә бирелә.тормышыңда авырлыкны да,җиңеллекне дә только кеше үзе сайлый,славыйлыгын күрсәткән килмиче,кемнедер гаеп итеп күрсәтә, ә башы бары үзендә дөрес сайламаган өчен ,болар барысыда ТҮЛӘҮле АЛЛАһ каршында котылгысыз хакларны таптаткан өчен.Акыл алырдай хәлләр дә, гыйлемен (психология)дә биреп тора,гел шулай тормоз да торучыларны куатләп иии мескенем,түз инде,нишлатәсең язмышыңдыр диеп,чыгыш юлы барлыгын күрсәтмичә тилмереп үлүен көтеп торган кебек.Хатыннар исегезгә төшерәм тиран авыру, ирләр б н тору катгый тыела КОРЬӘНдә.Талак сүрәсен АЛЛАһ,бу хәлләр буласын белеп, кешеларне кисәтү өчен җибарде.Бу темага китеп язып була,язганнардан да мәгьнә эзләп гыйбрәт алып бик була.
     Исерек ир, усал кайнана белән гомерем узды 3
  • 13 август 2022 - 23:40
    Без имени
    Искиткеч. Үземнең әтием күз алдыма килеп басты. Бик сагынам әтиемне
    Әткәем
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда