​Форум үз эшен башлады

Бүген VII Бөтендөнья татар яшьләре форумының пленар утырышы булып узды. Делегатларны республика җитәкчелеге исеменнән Татарстан Дәүләт Советы рәисе Фәрит Хәйрулла улы Мөхәммәтшин сәламләде.

«Корстон»да узган утырышка 900гә якын делегат җыелган иде. Беренче эш итеп, аларны форумның форматы белән таныштырып үттеләр. Оештыручылар быелгы чарага яңа сулыш өрергә булган. Мисал өчен, быел "Акыл фабрикасы" рәвешендә биш мәйданчыкта сөйләшүләр узачак. Ә иртәгә яшьләр 50дән артык проектны төзүдә катнашачак.

Форумны рәсми рәвештә ачу өчен сүз Татарстан Дәүләт Советы рәисе Фәрит Хәйрулла улы Мөхәммәтшинга бирелде. «Республика җитәкчелеге, президентыбыз Рөстәм Миңнехановтан башлап, бөтен дөнья буйлап сибелгән татар милләтенә бик игътибарлы», – дип башлады ул сүзен һәм делегатларга Рөстәм Миңнеханов белән беренче президент Минтимер Шәймиевның сәламнәрен җиткерде. «Безгә хәзер  тарихыбызны онытмыйча, яшьләр ярдәме белән киләчәгебезне корырга кирәк. Телебезне ничек саклап калырга, ничек популярлаштырырга – бу сораулар безне бик борчый. Шуларны хәл итү юнәлешендә бергәләп эшлик. Алда бурычлар күп, ләкин эшләнгән эшләр дә әз түгел. Шуңа күрә мондый очрашуларның кирәк икәнлеген белеп эш итәбез. Кайтып киткәч тә бер-берегезне онытмагыз, аралашыгыз, Татарстан турында башка милләтләргә дә сөйләгез. Тагын шулай күрешергә насыйп булсын», – дип мөрәҗәгать итте Фәрит Хәйрулла улы. Төбәкләрдә актив иҗтимагый эшчәнлек алып барган, татар милләте үсешенә үз өлешен керткән яшьләрне бүләкләп тә китте.

Татар яшьләре форумының рәисе Тәбрис Яруллин 2 ел эчендә нинди эшләр башкарылуы турында хисап тотты. «VI форумда кабул ителгән резолюциянең күп өлеше эшләнде», – дип билгеләп үтте ул. Форум проектларыннан «Мин татарча сөйләшәм», «Печән базары», «Акыл фабрикасы» кебекләренә аерым тукталып үтте. 

Быелгы форум азагында, ягъни 7 августта, яңа резолюция кабул ителәчәк һәм совет сайланачак. Аның эшчәнлеге ике ел дәвам итәчәк.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2178
    28
    234
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5942
    2
    86
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан