Евгения Тарасова белән Владимир Морозовны аэропортта каршы алу

4 март кичендә “Казань” Халыкара аэропортында 2018 елгы Кышкы Олимпия уеннарыннан көмеш медаль белән кайтучы Евгения Тарасова белән Владимир Морозовны каршыладылар.

Казанның Дәрвишләр бистәсе кызы – фигуралы шуу буенча халыкара дәрәҗәдәге күп ярышларда җиңүләр яулаган, бүгенге көндә Россиядә парлы фигуралы шуу буенча лидерлар Евгения Тарасованы һәм аның партнеры Владимир Морозовны каршыларга Татарстан спортының җитәкче даирәләре генә түгел, ә иң бәләкәй фигуралы шуучы балалар да килгән иде.

- Евгения – син иң яхшысы! – дип алкышлап каршылады алар хәзер инде үзләренә тере үрнәк булган спорт йолдызын.
- Нейтраль әләм астында Россиядән килгән олимпиячеләр булып чыгыш ясасагыз да, сез чын мәгънәсендә ватанпәрвәрлек үрнәге күрсәттегез! Без сезнең белән, сез безнең белән булдыгыз. Бу хис һәрдаим сизелеп торды. Медальләр арасында Татарстанныкылар булу да – безгә аерым дәрәҗә өсти. Сезгә бик зур рәхмәт! – дип котлады спортчыларны ТРның яшьләр эшләре һәм спорт министры Владимир Леонов.
- Казанда каршыларга киләчәкләрен белә идем, ләкин болай ук зурларсыз дип көтмәдем! Сезгә бик зур рәхмәт! – дип шатлыгы белән уртаклашты Женя Тарасова.
- Фигуралы шуу белән кызыксынуыгыз, безгә теләктәшлек белдереп, җан атып торуыгыз өчен рәхмәт! Безгә бик ярдәм итәсез, - дип кушылды аңа Володя Морозов.

Көньяк Кореянең Пхенчхан шәһәрендә узган XXIII Кышкы Олимпия уеннары Татарстан өчен уңышлы булды. Россия зачетындагы 17 медальнең 4се (ике көмеш, ике бронза медаль) – Татарстан спортчыларыныкы. 5 мартта алар ТР Президенты Рөстәм Миңнеханов белән очрашачак. Шулай ук ТР Премьер-министры Алексей Песошин Пхенчхан Олимпиадасында призлы урыннар алган спортчыларга акчалата бүләк ясау турыңдагы карарны имзалады. Көмеш медаль өчен – 2,5 миллион сум, бронзага – 1,7 миллион сум бирәчәкләр.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 21 апрель 2021 - 11:49
    Без имени
    И аллакаем, Тәрбия газетасын чыгарган Газинур дип аңладым инде. мин укытучы кеше бик күп ачык дәресләремне 10-15 еллап шул гэзетада бастырдым бит. ирле-хатынлы газета чыгардылар алар. Раббым сабырлык бирсен сезгә, балаларыгызга.
    Кияүгә сүз әйтмәгез!
  • 21 апрель 2021 - 11:44
    Без имени
    Әллә ничә кат укыдым да укыдым. Шулай искә төшергәләп тору киорәк икән дип уйладым тормыш һәм яшәү турында. бу турыда язып яхшы иткәнсез.
    Үреләм дә карыйм күңел түрләремә...
  • 21 апрель 2021 - 23:40
    Без имени
    Бик авыр хэллэр,ачы хэсрэт.Бу турыда укыганым булган икэн,исемэ тошердем.Куз яшьлэре ирексездэн ага гына.Бала хэсрэтлэрен курсэтмэсен,ходаем.
    ​Күбәләк булып очты...
  • 22 апрель 2021 - 05:54
    Без имени
    Бездэ энкэй дип йорет алар энинен энтченрахмат
    Якын ерак әбекәем
  • 22 апрель 2021 - 06:13
    Без имени
    Бик авыр хэл,Аллам сакласын ,куз яшьлэрсез укып булмый!!!
    ​Күбәләк булып очты...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»