Логотип
Яңалыклар

«Ел студенты» быел кем булыр?

25 гыйнвар – Россиядә Студентлар көне буларак билгеләп үтелә. Беренче тапкыр бу көн Россия Президенты Указы нигезендә 2005 нче елда уздырыла башлый.
Быел да Казанда Студентлар көне зур бәйрәм чаралары белән узачак. Россиядәге башка төбәкләрдән аермалы буларак, республикабыздагы югары уку йортларында белем алучы студентларны бу көнне тагын бер дулкынландыргыч мизгел – «2016 елның иң яхшы студенты» дәүләт премияләрен тапшыру тантанасы да көтә. «Пирамида» сәхнәсенә иртәгә 100 студент күтәреләчәк. Болар – төрле номинацияләрдә җиңү яулаучылар. 18 номинация арасында, гадәттәгечә, быел да иң популярлары – «Ел интеллекты», «Җәмгыять эшендә иң актив катнашучы», «Ел спортчысы», «Иҗади шәхес» һәм «Гран-при». Гомумән, 2016 елгы премиягә лаек булу өчен студентлардан моңарчы күрелмәгән күләмдә гариза кергән (567). Җиңүчеләргә дипломнар һәм кыйммәтле бүләкләр тапшырылачак. Ә менә «Гран-при»га лаек булучы дөньяның теләсә-кайсы ВУЗында уку мөмкинлеге алачак.
Моннан тыш, бу көнне аспирантлар, адъюнктов, курсантларга да Татарстан Республикасының махсус дәүләт стипендияләре тапшырылачак. Быел андый бәхет 90 кешегә елмайган.

Следите за самым важным и интересным в Telegram-каналеТатмедиа

Комментарий юк

Хәзер укыйлар