Державин укулары башланды

Казанда XIV Халыкара «Державинукулары» фәнни-гамәли конференция башланды.

Быел ундүртенче тапкыр оештырылса да, Казанда аның әле дүртенче генә узуы. Мәгълүм булганча, якташыбыз шагыйрь Гавриил Державин Россиянең беренче юстиция министры булган кеше. «Державин укулары»да хокук өлкәсендәгесоциаль-икътисади мәсьәләләргә, хокук фәненең теоретик һәм практик сорауларына, гражданнарның хокукый мәдәниятен һәм хокукый үзаңын формалаштыру проблемаларына багышлана. Быелгы чараның төп темасы – «Хокук өлкәсендә информацион технологияләр һәм Россиянең цифрлы икътисады үсеше». 

Конференциядә Гомумроссия дәүләт юстиция университеты профессорлары, докторантура һәм аспирантурада укучылар, студентлар, чит ил галимнәре, студентлары – барлыгы 400 катнашучы булачак. Алар арасында – Сергей Плуготаренко (җәмәгать эшлеклесе, Россия электрон коммуникацияләр ассоциациясе директоры), Роберт Ястржембски (Варшава университеты профессоры), Ольга Александрова (Тихоокеанск дәүләт университеты профессоры). 

Ачылыш тантанасы бүген иртәнге 11 дә Казан федеральуниверситетының Император залында уза.