Болгардагы кунакханәгә исемне син дә сайла!

http://ati-times.tatar-inform.ru/voting/bolgar/ - ТАВЫШ БИРҮ

Болгар шәһәрендә апрельдә төзелә башлаган кунакханәгә исем сайлый башладылар. Бүген “Болгар шәһәрендә төзелеп килүче кунакханәгә – иң яхшы исем” конкурсы финалистлары өчен тавыш бирү старт алды. Ошаган исем өчен интернетта тавыш бирергә мөмкин.

Исегезгә төшереп үтәбез: әлеге конкурс быелның 11 августында башланып китте. Анда Россия гражданнары белән берлектә чит ил кешеләре дә катнашты. Төп таләп - кунакханәнең исеме татар, рус һәм инглиз телләрендә яңгырашлы булырга тиеш. Гаризалар социаль челтәрләр аша #гостиницаболгар хэштегы белән кабул ителде.

Конкурс комиссиясе финалда катнашыр өчен иң яхшы биш исемне сайлап алган. Биш финалист арасында укучылардан алып республика фондлары вәкилләренә кадәр бар. Җитмәсә, Болгардагы кунакханәгә исемне татарстанлылар гына түгел, Башкортостан, Пермь крае, Самар, Түбән Новгород, Кемерово өлкәләре кешеләре дә сайлаган. Төзелеп килүче кунак йортына 185 вариантта исем җибәргәннәр. Кайбер исемнәр 4-5 тапкыр кабатланган. Мондый очракта кабатланган исемне кем беренче булып җибәргән, шуны сайлап алганнар.

Тәкъдим ителгән исемнәр арасында - “Кол Гали”, “Бөек Болгар”, “Хан Палас”, “Кәрван Сарай”, “Алмыш”. Иң яхшы исем өчен бүгеннән алып 12 ноябрьгә кадәр тавыш бирергә мөмкин.

“Кол Гали” исемен “Яңарыш” фонды тәкъдим иткән. Ул фонд исеменнән “Яңарыш” фонды попечительләр советы әгъзасы, Татарстан Дәүләт Советы депутаты Разил Вәлиев чыгыш ясады.

- Болгар җире Татарстан өчен бик әһәмиятле урын. Борынгы дәүләтебезнең тарихи каласында төзелә торган кунак йортының исеме дә шул тарихи төбәккә тәңгәл, халкының күңеленә ятышлы булырга тиеш. Ә Кол Гали – татар халкының бөек шәхесләренең берсе. Әгәр дә әлеге кунакханәгә “Кол Гали” исеме бирелсә, бу, беренче чиратта, тарихыбызга ихтирам күрсәтү булачак. Әлеге кунакханәдә булган кеше Кол Гали белән кызыксына башлар. Бүген Болгар җирлегенә килеп төшү белән, безне Кол Гали каршы ала. Бу исем – кунак йортына иң туры килеп торганы. Хәтта Кол Гали үзе дә моннан 800 ел элек “Кыйссаи Йосыф” әсәрендә кунакханәнең техник ягын, бизәлеше буенча проект та тәкъдим иткән:

“Әмер бирде Йосыф: “Төзүчеләр килсен,
Гаҗәп биек, таза сарай бина кылсын,
Ул сарайның буе 40 аршын булсын,
Биеклеге дә шулкадәр булсын имди”, – дип тәмамлады сүзен Разил Вәлиев.

Уфадан Айзилә Басариева “Бөек Болгар” исемен тәкъдим итеп, бу исемнең үзе турында үзе үк әйтеп торуын билгеләп үткән. Ә тумышы белән Пермь краеннан булган, хәзерге вакытта Казан шәһәрендә укучы Ленард Солтанов исә кунакханәгә “Алмыш” исемен бирергә тели. “Алмыш – тарихка Болгар дәүләтендә мөселман динен кабул иткән беренче хан буларак кереп калган”, – ди ул.

Татарстан мөфтие урынбасары Рөстәм хәзрәт Хәйруллин фикеренчә, Болгар шәһәрендәге кунакханәнең исемендә тарихи традиция сакланырга тиеш. Рөстәм хәзрәт исә Болгарның хан резиденциясе булуын ассызыклады. Конкурс финалына ул “Хан Палас” исеме белән чыккан.

Кунакханәгә “Кәрван Сарай” исемен кушу идеясен “Сөембикә” журналы журналисты Сөмбел Гаффарова биргән. “Юлчылар ял итә торган урынны элек нәкъ менә “Кәрван Сарай” дип атаганнар. Бу исем үзе дә әкияттәге кебек яңгырый. Минемчә, Болгарда булган турист вакытка сәяхәт кыла сыман. Экскурсия дәвамында кеше Болгарның тарихы, мәдәнияте турында күп мәгълүматка ия була. Ә “Кәрван Сарай”, дип аталган кунакханә исә сәяхәт итүчегә нәкъ менә үзен борынгы замандагы юлчы итеп тоярга мөмкинлек бирер”, – ди конкурс финалисты.

Спас районы халкы да Болгардагы кунакханәнең язмышы, аңа биреләчәк исемгә битараф түгел икән. Спас районы башлыгы урынбасары Сергей Тюнев районлыларның кайсы исемне хуплавын да белдерде. Район халкы “Кол Гали” исемен хуп күрә икән.

Болгардагы кунакханәгә иң яхшы исемнең хуҗасын Болгарда тантаналы рәвештә бүләкләячәкләр. Конкурс җиңүчесен хөрмәтле кунак буларак Болгар кунакханәсенә өч көнлек ялга да җибәрәчәкләр.

Кунакханәгә исемне сайларга һәр татарстанлы ярдәм итә ала. Моның өчен бары тик “Яңарыш” фонды, Туризм буенча дәүләт комитеты, “События” порталы яки “Татар-информ” мәгълүмат агентлыгы сайтында үзеңә ошаган исем өчен тавыш бирергә генә кирәк.

Бу якшәмбе көнне "Мәдәният дөньясында" тапшыруында турыдан-туры эфирда тавыш бирү дә булды. 

сылтама: http://intertat.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
    14705
    1
    83
  • «Төшләремдә  ак күлмәктән син...» – «Шевроле круз» машинасында йөри торган малаегыз бармы? – дип сорыйлар Иршат абыйдан. – Әйе. – Авария булган, килегез... Өс-башларына нәрсә туры килә, шуны киеп, кайнанасы Галиябану апага берни әйтмичә өйдән атылып чыгып китәләр...
    11043
    1
    61
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    5394
    3
    48
  • Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
    4830
    3
    40
Реклама
Соңгы комментарийлар
  • 27 гыйнвар 2023 - 11:48
    Без имени
    Эллэ кем булып кыланган хатыннарга ирлэрэ тузэлэр -тузэлэр дэ күңеллэре кайткач шартлатып сындыралар.Андый ирлэрне иплэп кенэ игьтибарлы,назлы хатыннар элэктереп ала хэм тормышын койли.
    Бәхетле булам дисәң
  • 27 гыйнвар 2023 - 10:37
    Без имени
    Бик матур!
    Зәңгәр күлдә ай коена
  • 27 гыйнвар 2023 - 17:40
    Без имени
    Мин дэ килешэм язган комментарийлар белэн. Мэхэббэт утте дип, яна яр эзли башласан,санарга бармагын житмэс. Яшьлектэгечэ калмый инде ул мэхэббэт, тормыш узган саен ,сурелэ. Бер-беренэ хормэт, иялэшу белэн алышына. Баштарак дорлэрлэр эле, э еллар узгач,олыгая башлагач, кем-кемгэ кирэк? Узеннеке узеннеке инде, бергэлэп корган тормыш, бергэлэп устергэн балалар,оныклар. Энэ шулары белэн кызыклы да инде ул тормыш дигэнен. 2 гаилэ бозып.. алда ни котэ аларны. Балаларга, оныкларга узенеке кирэк, чит эби-бабай тугел!!!
     «Мин аны  сыйныфташлар очрашуыннан алып кайттым...» 
  • 28 гыйнвар 2023 - 08:54
    Без имени
    Иртэ таннан укып рэхэтлэнеп еладым.Мин узем Зэйдэ яшим,10яшьтэ энисез калдык,10бала.Безнен эти бар иде,бу балалар кургэнне курмэдек.Сабыйлар бер тапкыр эни дип эйтергэ тилмергэннэр,бер тапкыр эни кочагына сыенмаганнар.
    Сыгылганнар гел сынмый
  • 28 гыйнвар 2023 - 12:38
    Без имени
    Бик матур эсэр
    Шикләнү
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр