Бәхет кошы: ул нинди була?

«Бәхет кошы». Татарстан язучылар берлеге әгъзасы, Буа шәһәрендә яшәп иҗат итүче язучы Гөлнур АЙЗАТның яңа китабы шулай атала. Буа дәүләт драма театры бинасында авторның шушы китабын киң катлау укучыларга тәкъдим итү кичәсе булып узды.

Хәер, Гөлнур Айзатны кемдер беренче чиратта: «Ул – минем укытучым!» – дияргә мөмкин. Әйе, Гөлнур Хәлил кызы – Татарстанның атказанган укытучысы, аның шәкертләре байтак.

Күпләр өчен ул – популяр җырлар авторы. Быел аның «Моңлану» дигән җыры «Болгар радиосы» уздырган «Алтын йолдыз» милли-музыкаль премия бәйгесендә «Иң моңлы җыр» номинациясендә җиңде. (Гөлнур тугач, әтисе Хәлил ага патефон алып кайта. Юкка булмагандыр ул!)

Социаль челтәрләрдә утыручылар аны катлаулы хатын-кыз язмышлары турында бәян итүче язучы буларак якын күрә. Әсәрләренең һәр өзеген табадан төшкән кебек көтеп торучылар, яратып укып баручылар байтак. Алай гына да түгел, повесть һәм хикәяләренең геройларын да күп вакыт шушы интернет киңлекләреннән таба язучы. Тормыш сындырып сынаган сынаулардан җиңеп чыга алган хатын-кызлар арабызда байтак бит. Күпләр аңа үзенең язмышын сөйли, йөрәк серен ача. Тормышның үзеннән алып язылганга, гади тел белән кәгазьгә төшерелгәнгә укучы аның әсәрләрен яратып укый да. (Бер генә мисал. Гөлнур Айзат исеме безнең журнал укучыларга да яхшы таныш. Соңгы вакытта, сайтыбыз эшли башлагач, без аның белән бигрәк тә тыгыз элемтәдә торабыз. Гыйнвар башында безнең сайтка урнаштырылган «Көзге моң» дигән хикәясен, санаулы көннәр эчендә, биш меңгә якын кеше укыды. Әллә никадәр комментарий калдырдылар:

«Елаттыгыз... Бик көчле язгансыз!» (Нәфисә, Уфа);

«Бик гыйбрәтле хикәя» (Илһамия, Казан);

«Роман-повестьларга торырлык әсәр. Рәхмәт, Гөлнур! Җаннарны актарды...» (Гыйльмулла абый, Балтач);

«Бер сулышта укып чыктым. Кайлардан табып бетерәсез бу геройларыгызны?Алар бит кемнәрнеңдер прототиплары. Зур рәхмәт Сезгә! Күпләр өчен гыйбрәт булырлык хәлләр: күз яшьләре төшә шул алар. Тик аны Данис аңламый ахрысы. Сезгә иҗади уңышлар теләп калам». (Дамира, Чаллы);

«Бик куркыныч булып китте... Җәмгыять, яшен тизлеге белән, җәһәннәмгә тәгәри. Әсәр күңелемне яралады, шуңа кичә бер сүз яза алмадым» (Әлфизә).

Казан, Ульяновск, Апас... Китап бәйрәменә кунаклар шулай ераклардан да килде. Дуслар, туганнар, классташлар, якташлар... Китап укучылар! Арада иң кадерле кунаклар, мөгаен, «Бәхет кошы» китабына кергән кайбер әсәрләрнең геройлары булгандыр. Аларның һәрберсе өчен дә бу кичә зур вакыйга иде. Күпләре язучы белән сәхнәдә бу көнне беренче тапкыр гына очрашты. (Әйткәнемчә, танышу-аралашу, дуслашулар моңарчы интернет аша гына булган.)

Кичә Гөлнур Айзат сүзләренә язылган җырлар белән үрелеп барды. Авторның җырларын башкару өчен Р. Ваһапов исемендәге Халыкара татар җыры премиясе лауреаты Сиринә Зәйнетдинова бу көнне Буага махсус кайткан иде. Сиринә белән бергә иҗат иткән «Моңлану» җырының язылу тарихын да искә төшерде сәхнәдә Гөлнур ханым.

– Азат абыегыз (Азат Касыйм улы Айзетуллов – Гөлнур ханымның ире, Буа муниципаль районының элеккеге башлыгы) өченче көн комада ята... Алда ни көткәнен әле беребез дә белми, билгесезлек... Бик соң гына больницадан кайттым. Буш салкын өй... Берүзем... Әмма тәннән бигрәк җаным туңа... Ул авыр көннәрдә күңелемне җылытучы – иҗат булды. Утырып шушы шигырьне яздым.

Моңланмыйча узып буламени

Бәхет белән сагыш арасын...

«Вконтакте»да карыйм – Сиринә дә йокламый. «Бер шигырь яздым, сиңа җибәрим әле», – дим. Ә иртән инде ул миңа шалтыратты: «Гөлнур апа, көе туды бу җырның», – ди...

Китап кичәсе шундый матур хатирләргә дә бай булды. Апас районы Әнәле авылында туып-үсеп, Буа районының Ташкичү авылына килен булып төшкән Гөлнур Айзатның тамырларына да күз салдык (нәсел шәҗәрәсенең 18 буын тамырын ачыклаган Гөлнур ханым!), аның бәхетле әни булуына да куандык (сәхнәгә улы Идеал белән кызы Назлыгөл дә күтәрелде), якташларының аны ничек якын иткәнен, аның белән горурлануларын да тойдык (Әнәлеләр күп булып килгәннәр – сәхнәне тутырып басып тордылар. «Безнең авыл клубында сезнең иҗатыгызга багышланган почмак булачак!» – дип вәгъдә итеп киттеләр)... Ә китап укучының аны ничек яратканын әйтеп тә тормыйм! Буа дәүләт драма театры бинасында алма төшәр урын да булмады бит!

...«Бәхетләргә юллар һәрчак урау», дип яза ул. Аның тормыш юлына да гел генә хәтфә үлән түшәлеп тормаган. Төрлесе булган. Бүген дә – сынауның яңасы: аның өчен иң зур максат хәзер авыру ирен аякка бастыру. Ул бирешергә җыенмый: шушы авыр, мәшәкатьле чагында да китабын нәшер итәргә, аны укучысына җиткерергә үзендә көч тапкан.

Бәхет кошын кемнәр күрде икән,

Кемнәр тотты аның канатын?

Шул бәхетне гомер буе куып,

Кулларымны мең кат канаттым...

Башкалар өчен «бәхет» төшенчәсе нәрсәне аңлатадыр, язучы Гөлнур Айзат аны иҗатта күрә. Уңышлар телик аңа – илһамлы сәгатьләр алып килә торган бу кош гел аның янәшәсендә генә әйләнсен!

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 15 апрель 2021 - 20:13
    Без имени
    Минем тыйнак кына иҗатыма карата шундый җылы сүзләр язган автор-Гөлнур Хәсәншинага гаиләбез ,якыннарым исеменнән олы рәхмәт сүзләрен җиткерәм.Татар хатын-кызының язмышын күп кырлы итеп яктырткан яраткан журналыбыз"Сөембикә"гә укучылары күп булуын теләп калам.
Хәзер укыйлар
  • Киткәннәрне нигә туктатырга? Гөлнара, матур төшләр күреп, татлы йокыга талган иде... Менә ул Камышлыкүл болынында яланаяк йөгереп йөри. Бу аның кыз чагы икән бит.
    6557
    0
    96
  • "Син безгә кыз килеш килмәдең..." Минем икенче балам ашыгыбрак – алты ай ярымнан ук туды. Нигә болай иртәләгәндер, андый сәбәп тә юк к
    9178
    0
    73
  • 4302
    0
    49
  • Бүләк Уфада яшәп иҗат итүче язучы Дилә Булгакова хикәяләрендә нечкә хис, драматик лиризм өстенлек итә, геройның иң тирән күңел кичерешләре ачыла. Укучылар аның шигырьләрен, нәсерләрен, балалар өчен язылган әкиятләрен дә яратып кабул итә. Ә аның шигырьләренә язылган «Кыр казлары», «Сагынам», «Үпкәләмә» кебек җырлары халык арасында бик популяр.
    3431
    3
    37
Реклама
Соңгы комментарийлар
  • 15 апрель 2021 - 10:33
    Без имени
    Йомшак күңелле балалар үзләре башлап сөйләшергә дә белмиләр шул. Минем дә бердәнбер улымның йөрегән кызлары үзеннән олы була. Ахрысы, кызлар үзләре кыюрак минем улымнан. Берни дә әйтеп булмый. Үзе тормышын үзе корсын, дип, барысына да риза мин.
    Улыбыз өч балалы хатын алган...
  • 15 апрель 2021 - 08:49
    Без имени
    Мескен апа, жылап укыдым. Рэхмэт Фагилэ
    Сания апа бәхете
  • 15 апрель 2021 - 09:13
    Без имени
    Тиле Бергена торле булмый шул! Анны биргэн акчаларын нык жыеп тоталар иде..узендэ берэр торып урын кара Иден бу кон килэчэге кон кебек ачык иде лэбаса!
    Бумеранг законы 
  • 15 апрель 2021 - 06:36
    Без имени
    Кайчандр улда бит хатыныкы г-на булган син аны аертп алдын.алай бэхетле булп буламы. Тап башканы буйдак аерылганны. Хэм яшэ гаилэ короп балан булгач бэлхем иялэшерсен. Купме хатын ялгыз тормош алып бара. Авыр булсада. Баласы дип Яши. Парлы матур гаилэне бозоп аерп яшэмэгез. Гел тормош ак полосадангна тормый. Ометлэнеп яхшы хыяллар, эчкерсезлек уцсезлек б, н яшэргэ кирэк. Кешегэ хэттэ дошманынада яхшы телэк телэсэ, узендэ унай ягы б, н кайтр.
    Бумеранг законы 
  • 15 апрель 2021 - 06:49
    Без имени
    Гомер буе матур тороп булмый, аннан баланы сонга калп тапсан, устеруе читен. 35 тэ2 табалар.ул барбр хатынын ташламый, тормош алып баррга ул яхшы, балалары очендэ яхшы эни. Атнага 1 Ир курэм дип ят инде. Ялгзак булып. Анлаш. Анын б, н. Яшьлек утэ сизмисен олгайганны. Хатыны белсэдэ дэшми. Топле. Ул бары синен назын рэхэтлеген алыр оченгнэ килэ бит. Утрып чэйдэ эчмэгэч. Бу ярату тугел. Э син куркасын авырлыктан тормош алып бара алмам башка б, н дип. Акча эз булсада житэ. Куп булсада бетэ. Парлы булып анлашп яшэгэндэ житэ.
    Cөяркәм фатир бүләк итте
Реклама
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи