Ш. Мәрҗани исемендәге тарих институты һәм «Миллиард. Татар» интернет басмасы «Безнең авыл» / «Мир татарской деревни» дип аталган үзенчәлекле фотоконкурс башлап җибәрде.
Әлеге конкурска Татарстан һәм татар дөньясы белән бәйле фотолар кабул ителә. Аның максаты: татар авыллары белән бәйле фотобанк булдыру, картографик интернет-сервисларның панорама һәм фото базаларын тулыландыру.
«Бу конкурсны оештыру идеясе Яндекс Карты һәм 2 ГИС интернет-сервисларны карап чыкканнан соң туды. Аларда авылның бер фотосы, бер күренеше күрсәтелмәгән. Татарстанның һәрбер почмагын һәм Россиядәге һәр татар авылын цифрлаштыру өчен, без әлеге проектны уйлап чыгардык», – диде чараны оештыручыларның берсе, «Миллиард. Татар» проектының креатив директоры Илгизәр Вахитов.
Конкурста катнашу өчен Татарстандагы авылларның яки Россиянең башка төбәкләрендәге татар авылларының күренешен, истәлекле тарихи урыннарын фотога төшереп, картографик интернет-сервисларга урнаштырырга (Яндекс Карты, 2ГИС) һәм конкурсны оештыручыларга җибәрергә кирәк. Фотоларны урнаштырып булмаса, аларны барыбер конкурска җибәрергә мөмкин. Тик бу очракта гариза тутырырга кирәк булачак.
Эшләр 8 августтан 30 сентябрьгә кадәр кабул ителә. Нәтиҗәләр 11 октябрьдә ясалачак.
Турнирның приз фонды 9 мең ярым.
Беренче урын алучыга – 5 мең,
икенче урынга – 3 мең,
өченче урынга – 1,5 мең бүләк.
«Видео» номинациясендә җиңүчегә бүләк – «Акыллы колонка»
Тулы мәгълүмат «Миллиард. Татар» сайтында.
Следите за самым важным и интересным в Telegram-каналеТатмедиа
Комментарий юк