Арча районында  хатын-кызлар «ябык клубка» җыелды

 

«Сөембикә» журналының «Матур булыйк» проекты Татарстан шәһәр һәм районнарында дәвам итә. 

 Моңарчы Түбән Кама шәһәрендә, Чирмешән районында узган проектларда хатын-кызларны  зәвык белән киендеререгә генә өйрәтсәк, Арча районында зур десант белән бардык.  Чүпрәк – кеше күрке, билгеле, тик хәзер кием-салымга гына түгел, бит тиресен карау, эчке матурлыкны, психологик халәтне камилләштерүгә дә ихтыяҗ зур. Хатын-кызлар  хакында язган «Сөембикә», әлбәттә, моны белә. Шуңа күрә дә «Матур булыйк» проектына әлеге өлкәдән дә белгечләр чакырып, хатын-кызларны тагын да бәхетле итәргә  булды. Шулай итеп, Арча районына дизайнер, косметолог, психолог алып барды.  

Арча сәнгать мәктәбендә оештырылган очрашуны ханымнар «ябык клуб» дип атады. Анда районның хатын-кызлар җәмгыятенә кергән укытучылар, табиблар, муниципаль җирлек башлыклары, урта звено җитәкчеләре  җыелган иде. Җәмгыятьнең хуҗабикәсе Альмира Гатауллина чара югары дәрәҗәдә узсын өчен, җан атып йөрде. Без килүгә сәхнәгә дефилега чыгасы гүзәл затларны бизәндереп тә куйганнар иде.  

Замана ничек кенә алга барса да, без үз  милли йөзебезне онытырга тиеш түгел. Бу, билгеле, үз-үзебезне тотышыбызда, телебездә, мәдәниятебездә генә түгел, киенү рәвешендә дә чагылырга тиеш. Шуны исәптә тотып,  «Сөембикә» журналының баш редакторы урынбасары Рәмзия Кашапова киемнәрдә миллилегебезне чагылдырган маркерлар  хакында сөйләде. Баксаң, барысы да гап-гади: яка чылбыры, хәситә кебек аксессуар тагып куйсаң, әллә каян татар хатын-кызы булуың күренеп торачак.  

Екатеринбургтан Мәскәүгә күргәзмәгә барырга чыккан «Тааруга» автор –остаханәсе дизайнерларының юлы Арча аша узды. Алар журнал проекты кысаларында хатын-кызларга  яңа ел коллекциясен тәкъдим итте. (Казанда ул әлегә юк!)  Бохо стилендә тегелгән чәчәкле, озын, изүе ябык, җиңле киемнәр ханымнар күңеленә хуш килде. «Себердән үк булсалар да, нәкъ безнең киемнәргә охшаш бит болар», –  диештеләр. Модельләрдә әлеге киемнәрдән тулы образлар да тудырды дизайнерлар. Укытучылар, табиблар, җитәкчеләр сәхнәгә дефилега чыгып, үзләренең  гүзәл хатын-кыз булуларын тагын бер кат раслады. 

Хатын-кызның  киеме генә түгел, бит тиресе дә камил булырга тиеш. Аны карау, крем сайлау серләрен Арчаның гүзәл затларына ResedaODor маркасының хуҗабикәсе Резеда Нурисламова өйрәтте. Залдагылар косметологның  бәһасез киңәшләрен язып та барды. Күпләр үзләренә яңалык ачты. Моннан кала, Резеда ханым  махсус диагностика җиһазында  һәр килгән хатын-кызның бит тиресен тикшереп, индивидуаль киңәшләрен дә бирде. Нәрсәгә нәрсәгә, ә  косметологка барырга вакыты җитмәгән гүзәл затлар өчен бу зур бүләк булды.  

Хәзер бик күп хатын-кызлар психология белән кызыксына. Мөнәсәбәтләрне җайлау, җәмгыятьтә үзеңне табу өчен күпләр әлеге белгечкә мөрәҗәгать итә. «Матур булыйк» проекты бу җәһәттән психологны да җәлеп итте. Зөлфия  Әлмөхәммәтова ир белән хатын-кыз арасындагы мөнәсәбәтләрне камилләштерү буенча лекция сөйләде, психология техникаларына өйрәтте. 

«Безнең районда төрле күргәзмәләр була, ләкин мондый форматта булганы юк иде әле», – диде Арча районы башлыгы урынбасары Гөлнара Гарипова  «Матурлык буенча белгечләргә барып җитеп булмый, ә монда алар үзләре килде», – дип, журналга рәхмәтен җиткерде. «Чын матурлык бәйрәме булды бу», – диделәр ханымнар мастер-класстан соң:  

Наилә Дәүләтшина: «Бик файдалы әйберләр хакында сөйләделәр». 

Альбина Фатыйхова: «Без бит чынлап та хатын-кыз, чибәр булырга хакыбыз бар дип тыңлап утырдык. Бәябезне үстердек. Эшкә матур һәм стильле итеп киенеп йөрисе килә башлады». 

Фәгыйлә Борһанова: «Шушы яшемә җитеп, бит тиремне тикшерткәнем юк иде, кызыксынмадым да.  Менә бүген яшь барган саен табигый  матурлык  кына җитмәвен, үз-үзеңне карарга кирәклеген аңладым.  Караган бит төсле, дип тиккә генә әйтмиләрдер инде ул (көлә).  Психолог киңәшләре бик ошады. Югыйсә без үз-үзебезгә психолог булып яшибез бит. Хатын-кыз барысына да җитешергә, ә иң элек үзен карарга тиеш. Менә шушы фикерне кат-кат расладылар бүген сәхнәдән. Бар яктан уйланып оештырылган. Рәхмәт сезгә!» 

 Кызыктыгызмы? Матур буласыгыз киләме? Димәк, «Сөембикә» журналы десанты сезгә дә барып җитәчәк! 

                                       

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 12 декабрь 2019 - 16:56
    Без имени
    Күңелле кичә булды. Рәмзия Анваровна сезгә аерым рәхмәт!
Хәзер укыйлар
  • 7900
    1
    69
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    7879
    1
    54
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    5796
    2
    53
  • Югалткан мәхәббәт Фәридә Казандагы сәүдә йортында йөргәндә үзенең яшьлек мәхәбәтен очратып, имәнеп китте. «Айрат!» – дигән cүз әйтерсең хатынның теленнән кош кебек чыгып атылды.
    4145
    1
    46
Реклама
Соңгы комментарийлар
  • 12 май 2021 - 11:54
    Без имени
    Дура - бердэнбер туры килгэн суз. Ничек шулкадэр узенне яратмаска була ул,анламыйм
    Сабыр төбе – кара упкын
  • 11 май 2021 - 13:31
    Без имени
    Нигэ мэктэпкэ кереп балаларны.атып ктергэч кенэкуркыныч чаралары курелэ?Кая булган охрана?
    «Әни, аталар, без парта астында....»
  • 11 май 2021 - 14:59
    Без имени
    Аллаһы тзгалә сабырлыклар юирсен. Сабыйларга шифа бирсен Раббыбыз.
    Террорист кулыннан зыян күрүчеләр арасында хәзрәт балалары да бар
  • 11 май 2021 - 23:40
    Без имени
    Аллаһ ярдәменнән , рәхмәтеннән бер мизгелгә дә калдырмасын! Балалар исән - сау терелеп чыксыннар! Бик авыр кайгыгыз белән уртаклашам..Аллаһ Раббым сабырлык, түземлек бирсен. Әмин!
    Террорист кулыннан зыян күрүчеләр арасында хәзрәт балалары да бар
  • 12 май 2021 - 11:24
    Без имени
    Бик кызганыч.Яшь кыз баланың гомере өзелде.Ата- анасы,туганнары өчен бик зур кайгы. Хезмәт юлын күптән түгел генә башлаган укытучы,мәктәпне,балаларны яратып эшләгән бит ул. Авторга әйтәсе сүзем шул- Эльвира чын укытучы,шуның өчен үзенә авыр булса да мәктәбен,укучыларын калдырып китә алмаган.Мәктәп тормышы белән яшәгән,укучылары ,аның өчен,иң кадерле кешеләр булганнар.Ул җаны,тәне,йөрәге белән тырышып эшләгән.Эх,Эльвира кебек укытучылар күбрәк булсын иде.
    Эльвира Игнатьева: «Май аеннан яши башлармын...»
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»