Актанышта авариядә вафат булган егетнең дус кызы: "Ул миңа ике сәгать буе шалтыраткан"

12 июнь көнне Татарстанда Актаныш–Мөслим трассасының 25нче чакрымында юл һәлакәте булуы турында "Интертат" электрон газетасы язган иде. Актаныш районы хакимияте Аппарат Советы җитәкчесенең шоферы Айвар Тутаев “Хендай Соната” эш машинасын урлап алып чыга һәм дусты белән йөреп кайтырга уйлый. Нәтиҗәдә, алар төнге 2ләр тирәсендә, тизлекне арттыру сәбәпле, Аккүз авылы борылышында юл читенә “оча”. Шофер фаҗига урынын ташлап китә, ә салонда үлем белән көрәшкән дустын очраклы рәвештә узып баручылар күреп ала. Әмма егетне коткарып калып булмый, ул хастахәнәдә җан бирә.
 
“Интертат.ру” хәбәрчесе мәрхүм Владимирның дус кызын эзләп тапты. Исемен күрсәтмәүне үтенеп, ул безгә менә ниләр сөйләде.


Социаль челтәрдәге аккаунтына Владимирның фотосын урнаштырган кыз исемен күрсәтмәүне сорады

– Мин аны 8 еллап беләм. Шалтыратышып, сөйләшеп тора идек. Дөрес, күрешүләр сирәк кенә эләгә иде. Шат күңелле, “приятный” егет. Миңа һәрвакыт: “Үзеңне сакла”, дип әйтеп торды, әмма үзен саклый алмады. Без бер-беребезне сүзсез дә аңлый идек. Җаннар якынлыгы бар иде ничектер безнең арада. Бик тыныч кеше. Хатын-кыз белән ир-ат арасында дуслык булмый диләр, юк, Владимир минем өчен чын дус иде. Сүзсез дә аңлаштык. Минем кәефем булмаса да, шалтырата идем аңа. Юата иде. Өйләнгәнче үк таныш идек без. Гаиләсе турында сөйләшмәдек, ул үзе дә сүз кузгатмый иде бу хакта. 4 яшьлек кызы калды. Менә аның турында сәгатьләр буе яратып сөйли ала иде.
 
Соңгы тапкыр без аның белән 11 июнь көнне сөйләштек. Белмим, сизендеме соң ул шунда, соңгы арада гел күрешергә кирәк дип тәкърарлый иде. Мин авылга кайтсам,  ул “шалтырат, яз” дия иде. Шимбә көнне авылга кайткач, аңа шалтыраттым. Ул Казанда төзелештә эшләде, соңгы бер-ике айда Актанышта иде, дус егетенә йорт салырга булышты. Мин шалтыраткач ул: “Фундамент салып бетердек, мунчалар керәсе бар, тегесе-монысы”, диде. Шуннан соң ул миңа шалтыратмады. Үз гомеремә беренче тапкыр, шул төндә телефонның тавышын сүндереп, йокларга яттым. Чөнки иртән торып  эшкә китәсе бар иде. Мине Ходай саклагандыр шулай, мин дә шул машинага утырган булыр идем, бәлки. Владимир миңа төнге 12нче яртыдан 2 яртыга кадәр шалтыраткан. Ә мин исә төне буе йоклый алмыйча боргаланып чыктым. Иртән торсам, телефонда “пропущенный” шалтыратулар. "Килдеңмени", – дип сорар өчен аның номерын җыям. “Недоступен”. Тагын бер таныш түгел номердан шалтыратканнар. Шуны җыйдым. Телефонның аргы башыннан исә миңа бу төндә ниләр булуын хәбәр иттеләр. Башта бу хәлгә ышанмадым, шаярталар дип уйладым.
 
Әлеге кыз “Интертат.ру” хәбәрчесенә рульдә булган Айварны белмим, ишеткәнем дә, күргәнем дә юк, диде. Аның гамәленә карата да ике төрле фикердә ул.
 
– Бер карасаң, Ходай шулай язган булган инде. Булышкан булса, дип тә уйлыйм. Ул шок хәлендә булгандыр. Үзем андый хәлдә калмагач, әйтеп булмый. Үзем шул хәлдә калсам, башыма да килмәс иде ашыгыч ярдәм чакыртырга, утырыр идем дә утырыр идем. Икенче яктан карасаң, ир кеше, бөтен көчен җыеп, берәр нәрсә эшләсә була иде. Бәлки исән дә калыр  иде дустым, – диде.

Владимирның хатыны Ландыш фаҗигадән соң, иренең телефоныннан номерын табып, бу кызга шалтыраткан. Башта уртак тел таба алмасалар да, соңыннан аңлашалар. Дустының хатынына Владимир белән 10 еллык дуслыгы турында сөйли. "Инде хәзер дошманлашудан мәгънә юк, мәрхүм ирне кире кайтарып булмый...", дигән фикергә киләләр.
 
Айвар Тутаев әлегә “больничный”да. Шуннан соң аны район администрациясе эштән җибәрәчәк. Тутаевка карата җинаять эше ачылган, ул берничә маддә буенча гаепләнә. Айвар Тутаев администрациягә сынау срогы  белән эшкә урнашкан булган, әмма ул срокны үтә алмаган.
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4327
    10
    113
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    12762
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2689
    9
    87
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13333
    4
    73
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    10666
    13
    73
Реклама
Соңгы комментарийлар
  • 29 сентябрь 2022 - 14:49
    Без имени
    Очень жизненно интересная история!👏👏👏
    Үз кызы итеп кабул итте
  • 29 сентябрь 2022 - 13:17
    Без имени
    Искиткеч шагыйрэ!
    Лена Шагыйрьҗан шигырьләре
  • 29 сентябрь 2022 - 20:53
    Без имени
    ФӘгыйләүүүүү, сез кая?) дәвамын көтәбез бит, һаман язмыйсыз. Языгыз инде, тизрәк укыйсы килә биииииит!!!!😻
    Гомерем усал кайнана, исерек ир белән үтте 11
  • 28 сентябрь 2022 - 08:57
    Без имени
    Эчә инде ул,туктамый хәзер.Алма агачыннан ерак төшми шул.Ераграк тәгәрәгәне бик сирәк аның.Бер ни эшли дә алмыйсыз,кызганыч.Ә кызыгыз,нәрсә булса да булыр инде диеп,буйсынган тормышы белән....
    Бүре баласын бүреккә салсаң да...
  • 27 сентябрь 2022 - 18:49
    Без имени
    Кияугэ чыкканда баласы бар икэнен белмэдегез мени? Ул беренче хатыны хэм баласы янына кире китэргэ дэ момкин, беренче хатын Аллахтан
    Баладан көнләшәм
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда