17нче "Татар җыры" турында 17 факт

Иң кыйммәтле күлмәкне кем киде, Салават ни өчен килмәде, Айдар Галимов "барс"ын кемгә бүләк итте...
 
1. Быел 26 җырчыга "Алтын барс" сыны бирелде.
2. Җырчыларны 17 номинациядә бүләкләделәр. 
3. Азалия Зиннәт берьюлы ике "барс" сынына лаек дип табылды: "Иң зәвыклы җырчы" һәм "Иң яхшы клип авторы" номинацияләрендә.
4. Ә менә моңарчы ел да катнашып килгән Салават Фәтхетдинов быелгы "Татар җыры"нда күренмәде. Мәскәүдә концерты булу сәбәпле килә алмады, дип аңлатты оештыручылар аның юклыгын.
5. Тантананы Гөлназ Сәфәрова белән Айваз Садыйров алып барды. Аларның "Татар җыры"н бергә алып бара башлауларына быел биш ел булган икән. Ә Сәфәрова "Татар җыры"н алып баручы ролендә быел сәхнәгә 11нче тапкыр чыкты.
6. Җыр бәйрәменә Президент Рөстәм Миңнеханов та килгән иде. Ул сәхнәгә чыгып сүз әйтмәде, җырчыларга хөрмәтен бер кәрзин чәчәк бәйләме рәвешендә генә белдерде. 
7. Күптән түгел Хәния Фәрхи үзенең беренче "Алтын барс"ын урлатуы хакында сөйләгән иде. Брошь рәвешендәге "барс"ны концерт костюмына тагып йөргән ул, ә бер районда бүләкне чәлгәннәр. "Татар җыры"н оештыручылар бу гаделсезлеккә битараф кала алмаган. Быел Хәния Фәрхигә, гадәти "барс"тан тыш, брошь рәвешендәгесе дә бирелде. 
8. Ришат Фазлыйәхмәтов белән Иркәгә "Алтын барс"ны Татарстанның Дәүләт Советы депутаты, шагыйрь Разил Вәлиев тапшырды. Котлау сүзләре белән беррәттән сәхнәдән шигырь дә ирештерде ул. Анда сүз күптән түгел булып узган "Үзгәреш җиле" фестивале турында барды:
Килде фәрман үзгәрергә,
Исеп үтте "җил"ләре,
"Җил"ләре дә китеп барды,
Көтәм "яңгыр" килгәнен...
9. Айдар Галимов быелгы "барс"ын узган ел дөньяга килгән оныгы Сафиягә багышлады.
10. "Барс" сынын беренче тапкыр алучылар арасында Лилия Хәйруллина, Гөлназ Батталова, Рамил Закиров кебек яшь җырчылар, шулай ук әлегә исеме тамашачыга яхшы таныш булмаган Алимэ Сафина, Руслан Зөлкәрнәев, Ринат Гыйльфанов кебек башкаручылар да бар иде.
11. Җырчы Иркә тантанага авырган килеш килүен белдерде. Температурасы югары булуга һәм тамагы авыртып торуга карамастан, "тере тавыш"ка җырлады ул. Быелгы "барс" аның коллекциясендә җиденчесе инде.
12. Оештыручылар: "Быел фәкать "тере тавыш" кына булачак", - дип ышандырган иде. Чыннан да, җырчыларның күпчелеге үз тавышына җырлады. Тамашачылар фикеренчә, бер-ике чыгыш кына фонограммага булды.
13. Быел сәхнәне бизәүдә декорацияләр кулланылмады, фәкать компьютер графикасы һәм биючеләр генә тамашаны җанландырды.
14. Оештыручылар әйтүенчә, быел без "Татар җыры"нда күргән костюмнарның иң кыйммәтлесе - Азалия Зиннәтнеке. Аның бәясе - 400 мең сум.
15. Ә иң арзан күлмәк 40 мең сумга төшкән.
16. Быелгы "Татар җыры"ның гомуми бюджеты 12 млн сум дип бәяләнде.
17. Быел "ТМТВ" телеканалына 5 яшь тула. Шул уңайдан апрель аенда узачак тантанага да чакырдылар "Татар җыры" сәхнәсеннән.
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    11176
    5
    141
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    6813
    1
    90
  • 7807
    2
    52
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    8853
    1
    49
Реклама
Соңгы комментарийлар
  • 23 сентябрь 2020 - 15:08
    Без имени
    👍👍👍
    ​ Адашкан шәүләләр
  • 23 сентябрь 2020 - 19:18
    Без имени
    Великовозрастный балаларны карарга жигелергэ кем кушты? Узегез гаепле бит!!!
    Ана рәнҗүе төшәргә дә мөмкин
  • 23 сентябрь 2020 - 15:25
    Без имени
    Шундый тәрбияви әсәрләр иҗат итүчеләр бик сирәк шул.Урының җәннәт түрләрендә булсын иде,Туфан абый
    Сиңа дигәне...
  • 24 сентябрь 2020 - 05:08
    Без имени
    Купме бала устерергэ кочен житэ, шул кадэр табарга кирэк минемчэ. А не плыть по течению. Башны да эшлэту кирэк.......
    ​Туасы Җаннар хакына
  • 24 сентябрь 2020 - 10:43
    Без имени
    Кирэкми ул кире кайту. Шундый яхшы ирен була торып. Калсын кунел турендэ генэ...
    Кар бөртеге
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...