Камыр ашлары

Өмеҗе бәлеше

автор, 10 август 2018 - 00:00
637
0
0
Өмеҗе – Барда татарлары телендә кура җиләге дигән сүз.  Мондый бәлешне дә фәкать Барда якларында гына пешерәләр. Ә безгә аны Пермь кызы, яшь җырчы Чулпан Юсупова пешереп күрсәтәчәк. 
Хәтерләсәгез, татар эстрадасына «Кыр казлары» җыры белән килеп кергән иде ул. Җыр-моң белән яшәгән әнисеннән күчкән бу талантын үстерү өчен, мәктәпне тәмамлауга ук туп-туры Казанга, мәдәният мәркәзенә юл тота Чулпан. Хыялы – фәкать җырчы гына булу. Казан дәүләт университетының музыка факультетын тәмамлый, берара театр училищесында вокал дәресләре бирә. Тамашачы аны тәүге тапкыр «Сандугач керде күңелгә» конкурсында күрә.  Бүген инде Чулпан үзен тулысы белән иҗатка багышлаган. Аның бүтәннәрне кабатламас үз репертуары, үз тамашачысы бар. Алда тагын бер хыялы көтә – элеккеге ретро җырларга яңа сулыш өрү.
Сәхнәдән бушауга ул тизрәк гаиләсенә, улы Солтан янына ашыга. Өйдә туры килгән сирәк минутларында тәмле камыр ашлары пешереп, якыннарын сыйлаудан ямь таба. Ул тәкъдим иткән бәлешне вакыт ягы бик чамалы булганда да пешереп өлгертеп була. Аңа нибары 20 минут кирәк. 
 
 

Кирәк: 

* 3 йомырка;
* 120 г атланмай;
* 0,5 стакан шикәр комы;
* 2 стакан он;
* 300 г кура җиләге;
* 0,5 бал кашыгы чәй содасы һәм аш серкәсе;

крем өчен: 
* 0,5 стакан кибет каймагы һәм 0,5 стакан шикәр комы.
 

Эш барышы:

1. Тирән савытка йомырка сытып, бүлмә температурасында йомшартылган атланмай, шикәр комы салып, кашык белән бик яхшылап туглыйбыз. 

 
2. Шушы сыеклыкка ярты бал кашыгы аш серкәсендә сүндерелгән чәй содасы кушабыз. 
 
3. Аннары 2 стакан он салып, төерләре калмаслык итеп кашык белән туглыйбыз. Камыр куе каймак кебек булырга тиеш.


4. Камырны төбе майлы табага бушатып, кашык белән өстен тигезлибез. Камыр өстенә кура җиләге тезеп чыгабыз. Җиләкләрне чак кына камырга батыра төшәргә кирәк.


Җәй көне пешерсәгез, кура җиләгенең яңа өзелгәнен кулланырсыз, әлегә катырылган җиләкләрдән пешереп торабыз. Кура җиләге урынына төше алынган чия яки кара карлыган да тәмле була.

5. Бәлешне 30 минутка 180–200 градус кызулыктагы мичкә тыгабыз.


6. Ул пешкән арада ярты стакан кибет каймагына ярты стакан шикәр комы туглап, крем әзерләп куябыз. Шикәр комы эреп бетәргә тиеш. Яратсагыз, бер чеметем генә ванилин да куша аласыз.


7. Бәлешне мичтән алуга, өстеннән крем агызабыз. Аның чак кына бәлешкә сеңеп киткәнен көтәбез дә, матур итеп кисеп, табынга чыгарабыз.

 
Матурлык өчен өстенә уылган шоколад сибәргә, бөтнек яфрагы белән бизәргә мөмкин.
Чәйләрегез тәмле булсын!

Галерея

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Төркәлү
Cимвол калды:
Хәзер укыйлар
Реклама
Соңгы комментарийлар
Реклама
Фотогалерея
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Барлык язмалар
© 2011 - 2021. Сөембикә. Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: Сөембикә
№ свидетельства о регистрации СМИ, дата: Эл № ФС77-67913 от 6.12.2016 г.
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Маликова Лариса Николаевна
Адрес редакции: 420066, г. Казань, ул. Декабристов, д. 2
Телефон редакции: (843) 222-09-77
E-mail редакции: suumbike@tatmedia.com, ssuum@yandex.ru
Для сообщений о фактах коррупции suumbike.dir@tatmedia.com
Учредитель СМИ: АО «ТАТМЕДИА»
Политика о персональных данных
Антикоррупционная политика
Телефон АО «ТАТМЕДИА»: (843) 222 09 84
Яндекс.Метрика
16+