Яңа елга 1 көн алдан казны тозлы сулы чиләккә салып куябыз (10 л суга 1 кг тоз).
Икенче көнне казны судан алып, эченә зуррак итеп туралган яшел алма белән 1-2 лимон тутырабыз (төгәл исәбе юк, каз эченә никадәр сыя, шуның кадәр. Соңыннан бу алмаларны соус урынына кулланабыз). Казга тоз да, горчица ише тәмләткечләр дә сылыйсы юк, болай да бик тә тәмле булып пешә. Эчен тегеп, аякларын бер-берсенә елыштырып бәйлибез дә, казны полиэтилен җиңгә тыгып, кызган газ миченә урнаштырабыз. Ул 2 сәгать эчендә пешеп чыга. Көеп китмәсен дип, казны карап торырга, йөзе килә башлагач, утны киметергә кирәк булыр. Бу рецепт та озак еллар дәвамында сыналган, бик тәмле, яхшы рецепт.
Следите за самым важным и интересным в Telegram-каналеТатмедиа
Лариса Маликова,
Комментарийлар
0
0
Лариса ханым, ничә градуста пешерәсез?
0
0
0
0
Хәерле көн! 220 градуста берәр сәгать пешерәм (йөзе килгәнче), аннан соң 150-180 градуста пешереп бетерәм. Яңа ел бәйрәмнәрегез күңелле узсын!
0
0