Җиләкле, чикләвекле... күркә ите!

Фото: Ксения Богданова

Яңа елны каршылау – дуслар-туганнар җыелып, мул табыннар белән үткәрә торган бәйрәм. Якыннарны моңарчы авыз итмәгән ниндидер ят ризык белән дә шаккаттырасы килә. Үзе бик катлаулы да булмасын ул, шул ук вакытта тәмле һәм бәйрәмчә дә булсын. 




«Сөембикә» журналының баш мөхәррире Гөлнара САБИРОВА үз укучыларыбызга сер итеп кенә бер хикмәтле рецепт өйрәтмәкче. Бәйрәм табынының төп бизәге булырдай ул ризык – сюрпризлы күркә ите. Әйдәгез әле, быел Яңа елга күркә пешерик! 

 


Кирәк: 




күркәнең түш ите – 1 кг чамасы; 

100 г кипкән мүк җиләге; 

100 г чикләвек; 

150 мл гранат яки чия согы (әчкелтем булсын); 

150 г сохари оны; 

50 мл сөт өсте (каймак); 

1 йомырка; 

1 лимон; 

100 г үсемлек мае; 

30 г имбир; 

3 тырнак сарымсак; 

3 тармак розмарин; 

3 бадьян (мәҗбүри түгел); 

1-2 таяк дарчин (корица); 

30 г бал; 

тәменчә тоз-борыч; 

түшкәне бәйләргә сүс бау. 

Соус өчен: 

100 г мүк җиләге; 

100 г нарат җиләге; 

100 г гранат яки чия суы; 

10 г артыш җиләге (можжевельник); 

1 тармак розмарин; 

30 г акмай. 

 

Эш барышы: 

Кипкән мүк җиләгенә гранат яки чия согы салып, бүрттерергә куябыз. Тиз кирәк булса, кайнатып чыгарабыз. Шунда ук тәм өчен 1 тармак розмарин да кушабыз. 



Күркә түшен буйга ярып, китап ачкан сыман ачабыз да, пленка белән каплап, җиңелчә генә тапыйбыз. Аннан иткә тоз, борыч, уылган лимон кабыгы, лимон суты, үсемлек мае сибәбез. Кул белән суккалап, тәмләткечләрне иткә сеңдерәбез. 



Чикләвекне блендерда ваклап (тукмак белән дә төяргә була, ләкин он ясарга кирәкми, чикләвек икәне сизелсен!), тирән савытка салабыз. Шунда ук сохари оны, сутыннан сыгып алган җиләкләрне, 1 йомырка, үсемлек мае, ваклап туралган розмарин кушып, болгатабыз. Корырак булса, тагын 1 йомырка кушарга була. 



Әзер эчлекне ит өстенә җәеп, кашык белән тигезлибез. Тагын бер кат каймак (сөт өсте) ягабыз  һәм итне рулет сыман тәгәрәтеп төрәбез. Итнең баш-башларын каплап, ачылып китмәсен өчен агач таякчыклар белән беркетәбез. Рулетның үзен сүс бау белән тыгызлап бәйлибез. 







Зур табага үсемлек мае салып, кыздырырга куябыз. Тәме чыксын өчен вакламый гына ике тырнак сарымсак, 1 тармак розмарин, пычак очы белән сытылган артыш җимешен салабыз. Шушы хуш исле майда рулетның һәр ягын алланганчы кыздырабыз. 




Балга лимон суты, вак угычтан уылган имбир, үсемлек мае салып, яхшылап туглыйбыз да пумала ярдәмендә рулетка ягабыз. 

Итне тирән табага салып, төбенә бераз су өстибез дә 35 минутка 200 градуслы мичкә тыгабыз. Бау астына тәм өчен бадьян,дарчин кыстырабыз (болары мәҗбүри түгел). 

Мичтән алып, итне бераз суытабыз. Уртача калынлыктагы телемнәргә туралган күркә итен салат яфраклары, розмарин тармаклары белән матурлап бизибез. 



Табынга соус белән бирәбез. Соус өчен: гранат яки чия согына җиләкләрне салып, кайнатып чыгарабыз. Бераздан тәмләткечләр белән май салабыз. Сыеграк килеп чыкса,  чеметем генә крахмал өстәргә була. 

Яңа ел йортыгызга бәрәкәт, иминлек, бәхет алып килсен! Барыгызны да бәйрәм белән тәбрик итәбез! 

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 24 сентябрь 2021 - 09:49
    Без имени
    "Сөембикә" кызларына Аллаһ Тәгалә иҗади сәләтне дә, булдыклылык, уңганлыкны да бик мулдан биргән, әлхәмдүлиЛләһ! "Булганнан бар да була" дигән татар халык мәкале баш мөхәрриребез Гөлнарага карата әйтелгән икән. Афәрин! Матур, игелекле эш-гамәлләрегез өчен рәхмәт барыгызга да. Яңа елда да бергә булыйк. Кызлар, һәммәгезгә дә иман байлыгы, күңел тынычлыгы, саулык-сәламәтлек, иҗат уңышлары, бәхет-сәгадәт теләп калам.
Хәзер укыйлар
Реклама
Соңгы комментарийлар
  • 22 сентябрь 2021 - 22:45
    Без имени
    Оятсыз йэштэр! Иномарка, ял итеу хэзэр проблема тугел. Хаман Ата инэ елкэхендэ йэшэргэ оят бит хезгэ. Узегез генэ елкэ кимереу етмэйме ни, тыумаган балагызга урын Таба алмай ятахыгыз
    Тумаган килеш балама урын юк
  • 23 сентябрь 2021 - 06:38
    Без имени
    Башка кешегез булгач, ник хатыныгыз белән дә йокладыгыз соң? Баланы җил ясамагандыр бит?
    Авырлы хатынны ташлап китү – ир эшеме?
  • 23 сентябрь 2021 - 09:47
    Без имени
    Молодец,көрашче.Бу бәхет күпләргә эләкми.Бәхет телим сезгә һәм сәламәтлек.
    Синең мәхәббәтең коткарды
  • 21 сентябрь 2021 - 20:37
    Без имени
    Гаиленен нигезенде ярату хем хермет булса гаиле бехетле була, ЭХМЕТ абый Фэния алдада Аллахы фатихалап торсын гаилегезне бэхетле булыгыз.
    Әхәт белән Әхмәт
  • 21 сентябрь 2021 - 18:35
    Без имени
    ...телсез калдым. Көтеп алынган оныкка урын юк ((( Хәлегездән килә бит, үзегезгә фатир алыгыз.Арендага акча түләгәнче, ипотекага түлибез, ди, хәзер яшьләр.
    Тумаган килеш балама урын юк
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан