Бәйрәм сые - үрдәк

Мастер-классыбызның бүгенге хуҗасы — Г. Камал исемендәге Татар дәүләт академия театры артисты Илдус ГАБДРАХМАНОВ. Безнең егетләребез булдыра алмаган эш бармыни соң ул?! Сәхнәдә генә түгел, өр-яңа фатирларының иркен, матур аш бүлмәсендә дә ут уйнатты Илдус абый. «Үрдәк пешереп күрсәтәм мин сезгә, — диде яраткан артистыбыз. — Моңарчы үрдәк пешереп караган юк иде әле, берочтан үзем дә өйрәнермен. Гади генә түгел, кәләпүшле үрдәк ул!» Шаярткан гынадыр инде ул, бер дә пешергәне булмаса, моның кадәр тәмле итеп әзерли алмас иде. Үрдәк телеңне йотарлык килеп чыкты.

 

Кирәк:

* үрдәк;

* 1 айва;

* 1-2 алма (әчерәк, катырак булсын);

* бер уч караҗимеш;

* сарымсак;

* тоз-борыч,

* ярты лимон.

Бизәр өчен:

* төрле төстәге татлы борыч;

* яшел тәмләткечләр;

* ярты авокадо;

* 3-4 караҗимеш.

Эш барышы:

Үрдәкне юып, суын саркытабыз, эчен-тышын тоз белән ышкыйбыз.

Сарымсакны пресс белән изеп яки вак угычтан уып, үрдәк түшкәсенә сылыйбыз.

Алма белән айваны эрерәк кисәкләргә турыйбыз, караҗимешне яхшылап юабыз. Барысын бергә аралаштырып, сыйган кадәр үрдәк эченә тутырабыз.

Үрдәкнең эчен җеп белән тарттырып тегәбез. Агач таякчыклар белән генә эләктереп куйсагыз да була.

Лимонны урталай бүлеп, үрдәк өстенә ярты лимон сутын сыгабыз, һәр ягын шуның белән ышкыйбыз.

Үрдәкне полиэтилен җиңгә (рукав) тыгып, баш-башларын яхшылап бәйлибез, өстен бер-ике җирдән энә белән тишкәлибез.

Үрдәкне ике сәгатькә 180 градус кызулыктагы мичкә тыгабыз. Өсте көярлек булса, бераздан мичне азрак кысабыз. Үз шулпасында тәмле булып изрәп пешә ул.

Инде үрдәгебезне матурлап табынга бирү хәстәрен күрик.

Ник дисәгез, бу – бәйрәм сые, табынның бизәге булсын.

Зур матур тәлинкәгә салат яфраклары тезеп чыгабыз. Аның өстенә боҗралап туралган татлы борыч, телемләп туралган авокадо, укроп белән кыяклы суган тезәбез. Борыч боҗраларын караҗимеш белән бизибез. Тәлинкә уртасына бөтен көйгә үрдәкне куябыз. Аны табынга чыккач кына өлешләргә бүләчәкбез.

Соусны исә кечкенә касәгә салып, һәр кешенең янына куялар. Бәйрәмнәрегез ямьле, ашларыгыз тәмле булсын!

Үрдәк итенең тәмен ачып җибәрү өчен (хәер, теләсә кайсы ит белән дә килешә), нарат җиләгеннән соус ясыйк. Булгач, булгач, ресторандагыча булсын.

Кирәк

* 300 г нарат җиләге (брусника);

* 300 г шикәр комы;

* 1 әфлисун;

* 1 лимон;

* 4 данә канәфер;

* 4 борчак хуш исле борыч;

* 2 чәй кашыгы дарчин (корица).

Эш барышы:

Нарат җиләген юып, суын саркытабыз. Җиләкнең яртысын алып калып, калганын блендерда издерәбез.

Калган җиләкне һәм шикәр комын кушып янә яхшылап туглыйбыз.

Әфлисунның кабыгын вак угыч белән кырып, җиләк янына кушабыз. Әфлисун сутын да блендерга өстибез.

2 аш кашыгы лимон суты, 2 чәй кашыгы дарчин өстәп, барысын бергә соңгы кат туглыйбыз да, утка чыдам савытка салып, плитә өстенә куябыз. Әледән-әле болгаткалап торабыз. Кайнап чыга дигәндә, уттан алабыз.


Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Юлдаш Бүген – 2 гыйнвар. Алиянең генә туган шәһәрен инде өч ел күргәне юк. Күңел ярасы өч ел буе төзәлмәде... Төне буе елап чыкканнан соң кисәк кенә җыенды да, өч ел элек Мәскәүгә чыгып китте ул...
    7473
    1
    71
  • Яңа ел төне сере – Сәлам! Тагын бер ел үтеп китте. Очрашу төне җитте...  Телефон экранында көтелгән һәм таныш сүзләрне күрүгә Ләйлә  елмаеп куйды. Онытмаган! Быел да үзе беренче яза... Яңа ел төнен каршы алганда нәкъ төнге өчтә... Менә инде унынчы ел шулай...
    8571
    2
    62
  • Тапкыр малай Әнисе тиз генә кайтмады. Ул, гомумән, кайтмады. Хәбәре дә юк, үзе дә. «Суга төшкәндәй югалды», – дип пошынып, елап-сыктап йөрде Фатиха апа. Әтисен госпитальдән кабат фронтка җибәргәннәр. «Хәдичә килеп җитә алмады», – дигән ул хатында. Ризык төягән Хәдичә, мөгаен, ач гидайлар кулыннан кичкәндер дигән уйда тукталдылар. 
    5704
    3
    55
  • Хат язучы Көтелмәгән хат Айдарның бөтен күңелен актарып ташлады. Кайтасы көнен минутлап санап көтә солдат. 
    4224
    0
    47
Реклама
Соңгы комментарийлар
  • 24 гыйнвар 2022 - 09:59
    Без имени
    Эйе, балалар бер дэ дорес эшлэмилэр, акыллы ир булса, яратсан, бер нигэ дэ карамыйча кушылыгыз. Килешерлэр тора-бара, минем бер танышым 70яшендэ чыкты бер бабайка, бик матур, тату яшилэр, соенеп бетэлми, балалары да йорешэлэр, ризалаштылар.
    Кызларым каршы булса да, кияүгә чыгаргамы?
  • 24 гыйнвар 2022 - 09:31
    Без имени
    Исэнмесез,тормыштан алынган эсэр ,куп мени шундый вакыйгалар. Рэхмэт сезгэ ,ошады
    Колынлы бия
  • 24 гыйнвар 2022 - 12:09
    Без имени
    Андый белемнәрне гаиләдә, мәктәптә бирү яхшы булыр иде!
    Акыллы хатын – хәзинә
  • 24 гыйнвар 2022 - 20:35
    Без имени
    Без сонгы поколение эти- энине дэ,балаларны да рэнжетудэн куркучылар. Балалар хэзер эгоистлар аларны тынларга тугел,узенэ ничек унайлы ,ничек рэхэт шулай яшэргэ вакыт житкэн. Хэзер бары тик узегез турында гына уйлагыз.
    Кызларым каршы булса да, кияүгә чыгаргамы?
  • 24 гыйнвар 2022 - 21:29
    Без имени
    Шулай шул, яндагы бәхетнең күпләр кадерен белми. Не было бы счастья, да помогло несчастье подружек)
    Яратып кочаклау
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда