Күңелемнең тулган чагы...

Күңелемнең тулган чагы...

Күңелемнең тулган мәле... 
Саксыз кагылмагыз әле. 
Үзәк өчгеч авыр сүзләр 
Җанга яра ясый бары... 

Күңелемнең тулган чагы... 
Сорауга дәшмәм, тынлык бары... 
Каш җыерган усал караш 
Кешене ямьсез итә бары... 

Күңелемнең тулган мәле... 
Зинһар, эндәшмәгез әле! 
Кирәкмәс, артык сүзләр белән 
Юатмагыз мине бары... 

Күңелемнең тулган чагы... 
Күз яшем дә тамар әле. 
Сабырлыкның да чиге бар 
Саксыз кагылмагыз, ЯМЕ!!!" 

 

Уңыш бусагасы!

Тәгәрәп бара алтын яфрак 
Көзләргә алып керә... 
Җәйләрдә калыйк дисәк тә, 
Ул алга ашыктыра... 

Борылып карыйм да артка 
Кул болгый сабый чагым, 
Үсмер чак та янына чыккан 
Һәм гаилә корган көнем! 

Моңаймыйм, ерак бу мизгелләр 
Кул да сузмыйм " Кил!" диеп. 
Тормышымның бу вакыты 
"Яз"лар төсен калды киеп... 

Ә җәйләрдә ике улым, 
Таянычым - иптәшем! 
Әлһәмдүлилләһ гыйбәдәттә, 
Аллаһ минем юлдашым!!! 

Газиз әти-әни һәм дә сеңлем - 
Без бит җәйге болында... 
Абый да безнең белән 
Тик... чәчәк каберендә... 

Ашыктырма алтын яфрак 
Җәйләрнең тәмен белик! 
Кочак-кочак бәйләм белән 
Уңыш бусагасына килик! 

 

Апа-сеңел

(Сеңлем Гүзәлиягә багышлап) 

Апа-сеңелле булу 
Бик рәхәт бу дөньяда! 
Кайгың-зарыңны сөйләргә 
Якын кешең булганда!!! 

" Апа" диеп сеңлең дәшсә, 
Дөнья яктырып китә, 
" Сеңлем" диеп апа янса... 
Туганлыкка ни җитә? 

Апа-сеңел - бертуганнар, 
Җан сердәш тә, дуслар да! 
Ике араны ныгытып 
Өзелмәс җепләр ята! 

Рәхәт туганга барып 
Серләреңне сөйләргә, 
"Исеңдәме..." диеп башлап 
Бергәләп чәй эчәргә. 

Апа-сеңелле булганга 
Әти-Әнигә рәхмәт. 
Туганлык - нык терәк!!! 
Бу дөньяда бик кирәк!!! 
 

Алсу йөзеңдәге сызыклар!!!

(Әнием - Нурания Рахматулла кызының тормыш юлы)
Көзгеләргә карыйсың да,әни, 
“ Каян чыккан бу сызыклар?” – дисең. 
Һәрбер җыерчыкның аның 
“ Үз юлы, тарихы бар!” – димен. 

Менә монсы – авыл юлы була, 
Яшьлегең дә, гаилә корган чагың. 
Яшеренгән ул сызыкта,ике 
Өйнең утта “дөрләгәне” тагын! 

Ә монысы зур шәһәргә килгәч, 
“ Ничек яшәрбез?” диеп сызылган. 
Гаиләм: өч балам, әти-әни... 
Төрле уйлар белән йөрәк сызланган... 

Тыныч, үрнәк гаилә булып 
Әти белән яшисез иңгә иң. 
Ике кызың,оныкларың бар, 
СөбханАллаһ! Күзләр тимәсен. 

Алсу йөзеңдәге тирән итеп 
Күпләп сызып киткәне... 
Газиз балаң, улың, абыемның 
Бик яшьли дөньядан киткәне... 

Бу җыерчык яңа гына булган 
Янындагы күз яше дә кипмәгән. 
Әниең – ак яулыклы әбиемнең 
Елмайган йөзе күңелдән китмәгән. 

Җыерчыклар,әни, булыр алар! 
“ Әйдә, булсын!”, диген,кайгырма! 
“ Коръән”укы,имин тормыш телә, 
Безне, әни, догадан калдырма! 

Көзгеләргә кара да син,әни! 
И, Раббым,  бир,  диген, саулыкны, 
Тагын... тагын телә, әнием, 
Әти белән тигез картлыкны!!! 

 

* * *

Сабый күңеле ап-ак кәгазь 
Ни теләсәң шуны язасың! 
Туган телдә сөеп-яратсаң 
Гомерлеккә “ бәхет” отасың! 

“Әтием” һәм “әнием” диеп, 
Газиз балаң, сина,  дәшә бит!!! 
Туган телгә мәхәббәт уят! 
Туган тел юлдаш, дус та бит! 

фото: https://pixabay.com/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 17 сентябрь 2021 - 07:08
    Без имени
    Астагы фикерләрне укыдым да, язарга булдым әле. Әни кешене бит беренче чиратта кызының никахсыз яшәве борчый. Өйләнмичә генә яшәуне гадәти хәл итеп карый купчелек хатын-кыз. Гражданский брак, дигән булалар. Сожительство ул. Гражданский брак - ЗАГСта теркәлу ул. Дин буенча өйләнешуне тыйган Совет заманында туган суз. Ничек кенә булмасын, официаль рәвештә өйләнмәгән егет уз өстенә җаваплылык алмый бит. Димәк, теләсә кайсы вакытта ташларга мөмкин. Әнине шул борчый. Кызык, , балага узганмын бугай, дисә, егет нәрсә дияр иде икән? Гаилә корырга риза булыр микән? Әллә төшер, диярме?
    Кызыбызны югалтабыз...
  • 15 сентябрь 2021 - 20:54
    Без имени
    Яраббым син тиле мэллэ .Ир диеп кем баласына ташлый Хайваннар да балаларын ташламый
    Булачак иремә мин кирәк, улым кирәкми
  • 15 сентябрь 2021 - 22:03
    Без имени
    Хатынын маржамыни?
    Әнвәр Нургалиев: «Мәхәббәтебез шушы подъездда башланды»
  • 15 сентябрь 2021 - 22:14
    Без имени
    Алла сабырлык бирсен, купме аталы ятим усэ…
     Алиментка бирсәң... 
  • 16 сентябрь 2021 - 05:32
    Без имени
    Ир дип мин баланы беркайчанда ташламас идем ин беренче урында минем балаларым тора
    Булачак иремә мин кирәк, улым кирәкми
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан