«Зөләйха күзләрен ача»да Йосыф ролен уйнаган Исмәгыйль Низамиевне нигә әрлиләр?

 

Бу атнада татар дөньясы гөж килә. Сәбәбе – федераль каналда күрсәтелә башлаган «Зөләйха күзләрен ача» фильмы. Тамашачылар ике лагерьга бүленде. Ярсулар шуның кадәр көчле ки, киноны яратмаучылар хәтта шәхесләргә бәйләнә башлады. Бер гөнаһсыз балалар да тәнкыйть утына тотылды. Бусы инде тәрбиянең дәрәҗәсен күрсәтә түгелме?!

Күргәнегезчә, фильмда Россия кино йолдызлары белән бер мәйданда Татарстан театр артистлары да уйный. Алар Мәскәү артистлары белән бер дәрәҗәдә уйный дип әйтер идем мин. Массовкада гына түгел, сүзле рольләрдә булулары да сөендерә. Зөләйханың 7-8 яшьлек улын Татарстанның атказанган артисты, Кариев исемендәге яшь тамашачылар театры актеры Илнар Низамиевнең улы Исмәгыйль башкара.

– Театр артистлары балалары кебек үк Исмәгыйль дә сәхнә артында үсте. Күп кенә спектакльләрдә катнашты, клипларда төшкәне бар. Актерлык һөнәре аның өчен ят түгел, – ди әтисе Илнар Низамиев. – «Зөләйха күзләрен ача» фильмында уйнарга кастинг игълан ителгәч: «Барып карамыйсыңмы, улым?» – дип сорадым. Безнең гаиләдә балаларны көчләп, колагыннан тартып «үстерү» дигән әйбер юк. Өч балабыз – өчесенә өч төрле тәрбия. Иң элек аларның теләкләренә колак салабыз. Исмәгыйль кызыксынып китеп, кастингка барырга ризалык бирде. Анда бик күп балалар килгән иде. Исмәгыйль кереп китте дә чыкмый да чыкмый. Бик озак тоттылар аны. Чыккач, тагын бер керде әле. Режиссер: «Улыгызда шаблоннар юк, аның үз карашы бар», – диде. Шуңа ошатканнардыр инде, Исмәгыйльне сайлап алдылар».

Исмәгыйль Татарстанда, Мәскәүдә уннан артык күренештә төшә. Аны һәрвакыт әтисе, йә дәү әнисе озатып йөри. «Иң авыр бирелгән күренеш – соңгысы булды», – ди Илнар Низамиев. Анда Йосыф агач башында утыра, аңа бүреләр ташланмакчы була. «Агач башына беренче менгәннән соң елап төште. Миңа сиздермәскә тырышты. Түзде», – дип искә ала әтисе. Үзәккә үтәрлек бик салкын көн була ул. Әтисе үзе дә бик жәлли улын. Инде сырхауханәгә эләгербез микән дип борчыла. Исмәгыйль бу күренешне дә зур осталык белән башкара, саулыгына да зыян килми. «Режиссерлар бик ошаттылар, һәрвакыт мактап тордылар», – дип горурлана Илнар Низамиев.

– Улыгызны акча өчен йөртәсез дип әйтүчеләр дә булды. Гонорары үзенә бала-чага әйберләре алырга җитте. Бала үзе теләгәч, без аны бушка булса да йөрткән булыр идек. Аның өчен федераль дәрәҗәдә төшерелгән кинода уйнау зур мәктәп, олы бер тәҗрибә булды, – дип куана әти кеше. Куанычлары белән уртаклашыр өчен социаль челтәрләрдәге битенә «Зөләйха күзләрен ача» фильмында улының уйнавын әйтеп, шатлыгын уртаклаша. Һәм... Үзенең, улының адресына ямьсез хатлар килә башлый. Хәтта «сатлыкҗан» дигән сүзләр укырга туры килә фото астындагы шәрехләмәләрдә.

– Мондый сүзләрне укыгач, шаккаттык. Баланың ни гаебе бар? Сүз улым турында баргач, бигрәк күңелгә тиде. Ярый әле үзе укымый. «Татар башын татар ашар» дип тикмәгә генә әйтмиләр, күрәсең», – ди Илнар.

Әйе, «Зөләйха күзләрен ача» фильмы бик күп каршылыклы фикерләр тудырды. Монысы бөтенләй икенче тарих, икенче мәсьәлә. Ә кечкенә йөрәген учына кысып, чын күңелдән ролен уйган балага пычрак ату бернинди кысаларга сыймый. Ул кинода үзен – шундый ук бер гөнаһсыз баланы уйный. Йосыф та бит әнисенең Себергә җибәрелүенә, әнисенең урыс комендантын яратуына (ә бәлки, Зөләйха аны баласының киләчәге турында уйлап яраткандыр?!) гаепле түгел. Аның үз самими дөньясы! Исмәгыйль Низамиев та шул ук хәл дә түгелме соң?! Әлеге фильмда төшү баланың зур кино дөньясына беренче адымнары. Аның өчен олы бер җиңү ул. Исмәгыйль әлегә сәяси вазгыятьтән, өлкәннәрнең бигүк чиста булмаган тормышыннан азат. Ул әлегә канатлар гына чыгара. Исмәгыйльне бүген төрле кастингларга чакыралар, Мәскәүдән дә тәкъдимнәр килә икән. Кечкенә зур актерга уңышлар телим. «Булдыра безнең татар егетебез», – дип горурланырга язсын.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (4)
Cимвол калды:
  • 25 апрель 2020 - 16:39
    Без имени
    Искиткеч,фильм.Исмагыйль бик оста яшь актер. Бер да аптырыйсы юк. Хазер кешега ярап була торган заман тугел инде. Молодчина ул!. Урамда шалак палак килеп йормаган шундый зур даражале актерлар белан кинога тешкан. Булганнан барда була!
  • 21 апрель 2020 - 11:01
    Без имени
    Мин Башкортстаннан кон саен котеп алам Бик охшый фильм нигэ бу кадэр спор икэн барда дорес хэллэр эби бабаларыгыздан мэглумэт алыгыз Безнен кайнанам клуб кебек ойдэн мунчага куып чыгарып пеплушкаларда этилэрне Себергэ алып киттелэр диеп сойли иде малай рольне бик килешли уйный Чулпан Хэммэтова да шатланыгыз татар балалары шундый матур мэгнэле фильм булганга
  • 21 апрель 2020 - 08:57
    Без имени
    Элбэттэ, артистларнын бер гаебе дэ юк. Аларнын вазифасы: узлэренэ йоклэнгэн рольне яхшы итеп уйнау. Алар уз вазифаларын бик яхшы башкаралар, Чулпан да, Исмэгыйль дэ бик яхшы уйныйлар.
  • 20 апрель 2020 - 23:25
    Без имени
    Кешегэ бертукктамый пычрак ату бик куплэрнен канына сенгэн бугай инде ул.Булган ,булдырган кешедэн хэрвакыт конлэшэлэр.Кунелгэ авыр алмаска гадэтлэнергэ кирэк.Унышлар юлдаш булсын ул балага
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    9873
    5
    125
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    5726
    1
    77
  • 6850
    2
    48
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    7974
    1
    44
Реклама
Соңгы комментарийлар
  • 18 сентябрь 2020 - 10:15
    Без имени
    Бик матур хикэя !!! Укыйсы да бик кунелле булды !!! Эйдэ бергэлэшеп устерсеннэр инде сабыйларын .... Лэйлэ узе дэ югалтуны кичергэн бит !!!Бэхет елмайган димэк .... Бэхетлэре булсын барча балаларнын да .... Кеше бэхет очен туа,бэхетле булсын hэркем ....
    Син минем балам!
  • 18 сентябрь 2020 - 14:00
    Без имени
    Бик яхшы эсэр,бик азлар гына анлый шул язмышнын кисэтуен.Яшь чагымда ирем бн ачуланышкач,сойлэшмим дип уземэ-узем суз биреп,ярты кон сойлэшмэсэм,ике улымнын берсе нык итеп авырый башлый иделэр,температуралар бн.Шуннан сойлэшэ башлыйсын инде,уртак борчу килгэч.Купме сынадым,гел шулай була иде,аннары тэкэбберлегемне читкэ куеп,элэгешсэк тэ,сойлэшмичэ йормэдем,мин хаклы булсам,ярар,Аннан минем Бер жирем жэ кимеми дип,уземне тынычландыра идем.Бер тирэ,аерылыйм микэн эллэ дигэн уйлар да кергэлэде,аннары уйладым,этилэре балаларга минем шикелле ук якын,бигрэк тэ ир балага,этилэреннэн аерып алсам,барыбер мине гаеплэрлэр,алар да бит ир кешелэр,алга таба узем генэ доес тэрбия бирэ алырмынмы дип,барысын уйлап торып калдым.Аллага шокер,хэзер шуна соенеп бетэ алмыйм,инде 45-ел яшибез.Балалар да гаилэле,аларга гел тигезлектэ уз балаларын узлэренэ устерулэрен телим.Балалар бэхете эти-энидэн тора.
    Бала хакы
  • 18 сентябрь 2020 - 14:47
    Без имени
    Шуннан ни булды?
    Яңгыр 
  • 18 сентябрь 2020 - 15:05
    Без имени
    Фото, фото, купме хатирэ саклый. Ойгэ кайткач, экрен генэ фотоальбом алып, карап утырырга яратам. Менэ балачак, менэ усмер чак, менэ мин инде усеп житкэнмен. Бу ваеыт аралыгында ни генэ булмады, ни генэ тормышта алышынмады. Сагынып искэ аласын. Тагын бер кайтыр идем дип эченнэн генэ хыялланасын.
    Фотолар дәвалый? 
  • 17 сентябрь 2020 - 09:00
    Без имени
    БИК шэп кинэшлэр.Истэ калдырырга кирэк эле.
    Әни кешенең өйләнгән улына киңәшләре
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...