Салават Фәтхетдинованың әнисе – Тәкълимә апа: “Салаватны кыз туар дип көткән идем”

Карап торуга бик кырыс булып тоелса да, «Инстаграм» фотоларын карап, аның бик тә бала җанлы, нечкә күңелле икәнен аңлыйсың. Ә әнисе өчен ул зур юаныч һәм ныклы таяныч. Улы хакында Тәкълимә апа үзе шулай ди.


 


       

 

– Тәкълимә апа, исәнмесез! Улыгыз туган көн белән!

– Рәхмәт, балам. 58 ел да үтеп киткән икән. Әле яңа гына туган кебек. Салават – өченче балам. Ике абыйсы булгач, өченчегә инде кыз булыр дип көткән идем. Әмма малай туганына бер дә үкенмим. Салаватым – иң зур терәгем, юанычым.

Алты бала әнисе мин, алтысын да өемдә таптым. Салаватның кендек әбисе Разия исемле апа иде, ул хәзер мәрхүмә. Өйдә тапкач, нинди тән авырлыгы белән туганнарын да белмим. Әмма Салават эре икәне хәтердә калган, буе да зур гына иде.

Кызганычка каршы, бүген алты баламның өчесе генә исән, өчесе  гүр иясе. Балаларың белән мәңгегә хушлашу җиңелдән булмады.

– Салаватның туган көненә Казанга бармыйсызмы?

– Юк, балам. Соңгы арада кан басымым күтәрелә, юл йөрүе авыр. Ерак юл түгел, хәтта икенче урамдагы клубка концерт карарга да төшә алмыйм. Дару гына эчеп торам. Хәлем начарайгач, Салават ярдәмче яллады. Хәзер тормыш бераз җиңеләйгән кебек.

Бар игелекләре өчен Салаватка мәңге рәхмәтлемен! Үз тырышлыгы белән бар нәрсәне дә булдырды. Бер дә хурларлык бала түгел. Мәктәптә дә гел «5»легә укыды. 10 класс тәмамлады да, клубка мөдир булып эшкә чыкты. Армиясенә дә барды, югары белем дә алды. Кабатлап әйтәм: бар уңышына да үз тырышлыгы, үз тырмашуы белән иреште.

Һәрвакыт шалтыратып, хәлемне белешә, вакыты була калса – кайтып керә. Күчтәнәчен төяп алып кайта, акчасын мул итеп калдыра. Соңгы тапкыр Әниләр көненә кайткан иде. Мин Тәтешледә дәваханәдә яттым, Ләйсән белән килеп, хәлемне белде. Гыйнвар ахырында авылда мәктәптә бәйрәм булачак, шунда да кайтырга тиеш. «Инәй, тамак ачты, ашарга пешердеңме?» – дип кайтып керә ул. Бәрәңге ризыкларын бик ярата, шуны пешерәм. Шулпа салам, шәңгә куям...

.

  
 

– Тәкълимә апа, балаларыгызның уңышларына куанып, бәхетле картлыкта яшим, дип әйтә аласыз инде?

– Аллага шөкер! Улым Рәфил дә бик булган, кызым Инзилә дә! Олы улымның баласы Айдар Фәтхетдинов та – сәхнәдә танылган шәхес. Аның белән дә бик горурланам. Интегеп яшәүләрем – артта, яшьлектә калды. Көн буе көтү көтә идем, ә төн буе алты балама ашарга әзерли идем. Салават әле дә булса: «Әни, ничек итеп берүзең безне алтыбызны аякка бастырдың син?» – дип шакката инде. Хәзер йортым да шәһәрдәгечә: газы бар, суы кергән. Салават шаккатмалы мунча салып бирде. Дөньям – шәп, шөкер итеп яшисе генә!

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 21 октябрь 2021 - 11:53
    Без имени
    Салаватка озын гомер, гайлэ бэхете янадан Яна унышлар телэп калам
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2062
    27
    227
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5860
    2
    83
Реклама
Соңгы комментарийлар
  • 21 октябрь 2021 - 08:34
    Без имени
    Молодцы
    Оясында ни күрсә...
  • 20 октябрь 2021 - 17:53
    Без имени
    Заяга узган гомерлэр....ииии,уткэннэрне кайтарып булсын иде... башкачарак бэлки булыр иде....иде....иде.....
    Иремнән уңмадым 
  • 19 октябрь 2021 - 19:01
    Без имени
    Бу бит кеше тугел, бу кешедэн ничек кирэк шулай котылырга кирэк. Бу бит русча эйтсэк "Урод"
    Мәхәббәттән нәфрәткә бер адым икән
  • 19 октябрь 2021 - 15:22
    Без имени
    Аңлый балалар күбрәк булсын иде,сирәктер шул.Кайберләре ата кыланганны эшли шул.
    «Кагыласы булма әнигә!»
  • 19 октябрь 2021 - 11:37
    Без имени
    Рәхмәт,бик яхшы хикәя
    ​ Ястык
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан