Илсөя Бәдретдинова: "Гомеремдә куркуны белмәдем"

Җырчы Илсөя Бәдретдинова турында үтә кызык фактлар.


1. Баллы ризыкларны җене сөйми. «Организмым баллыны кабул итмәгәнгәдер, бәлки. Баллы әйберне ашыйсым да килми. Гомерем дә бер тапкыр чәйгә яки кофега шикәр салып эчкәнем юк. Тортлар, туңдырмалар яратмыйм», – ди җырчы үзе. Менә, ком сәгате кебек, иң оста сынчы ясагандай камил буй-сынының сере кайда икән! Ә без баш ватабыз...




2. Ә иң яраткан ризыгы беләсезме нәрсә? Гомер ышанмыйсыз – балалар өчен бәләкәй банкаларга тутырылган пюрелар. «Үлеп яратам шуларны!» – ди Илсөя. Чынлап та, бигрәк тә тәмле шул алар. Ә, тагын яшел чәй ярата икән әле.

3. Рәсем ясарга һәвәс. Кайчандыр гәҗитләргә карикатуралар да ясаганы булган.



4. Бик кайнар су белән юынырга ярата. «Кеше андый суга кулын да тыга алмый, ә миңа нәкъ шундый өтеп ала торган су белән юынуы рәхәт», – ди җырчы.

5. Көн саен чәч юа. «Шулай итмәсәм, үземне тынычсыз хис итәм. Хәтта көненә икешәр тапкыр да юам әле», – ди ул.

Похожее изображение

6. Илсөянең гардеробында кышкы итекләр юк. Башлыгы һәм перчаткалары да юк. «Кышкы аяк киемен бөтенләй кимим. Кыш буе язгы-көзге юка аяк киеменнән йөрдем».  

7. Иң яратмаганы – икейөзле кешеләр. Кешедән бер күңеле кайтса, ничекләр генә гафу үтенсә дә, кабул итә алмый.
 
8. Пычрак аяк киеме белән йөргәнне яратмый. «Өстендә нинди генә яхшы кием булса да, аяк киеме пычрак икән, ул кешедән гайрәтем чигә», – ди Илсөя Бәдретдинова.



9. Ә менә яратканы – песиләр. Йомшак, нәни песи баласын күрсә, кесәсенә салып алып кайтып китүдән үзен чак-чак тыя.

10. Техниканы ярата. Машинада, мотоциклда, снегоходта җилдерү аның иң яраткан шөгыле. «Гомеремдә куркуны белмәдем. Мин техниканы яраткан кебект, техника үзе дә мине ярата. Хәтта бер тапкыр утырып карамаган нәрсәләрне дә бер кабызудан йөртеп алып китәм».

Похожее изображение

11. Җырчы беркайчан да кычкырып-акырып сөйләшми. Кешеләрнең дә шулай сөйләшкәннәренә ачуы килә аның.

12. Улы белән  аның кебек яшүсмер халәтенә төшеп сөйләшә. Шуңа да улы белән сердәшләр кебек якын алар. «Кайчак хәтта минем әни булуымны да онытып җибәрә», – ди Илсөя улы Нариман турында.

13. Дару үләннәре җыярга оста. «Җәй буе үләннәр җыеп киптерәм дә, кыш көне шуларны төнәтеп эчәм».

Фотолар Илсөя Бәдретдинованың ВКонтактедагы шәхси төркеменнән алынды - https://vk.com/ilsiya_badretdinova

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (3)
Cимвол калды:
  • 4 октябрь 2022 - 03:26
    Без имени
    Чибэр, монлы тавышлы, уз стиле булган жырчы. Хэзер зифа буйлы элбэттэ, э жырлый башлады, тазарак иде.
  • 4 октябрь 2022 - 03:26
    Без имени
    Җырны йөрәге аша үткәреп җырлый. Молодец.
  • 4 октябрь 2022 - 03:26
    Без имени
    Кабатланмас Илсоя! Эфэрин!
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4621
    11
    115
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13230
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2867
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11454
    13
    76
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13878
    4
    73
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда