20 минутта әзер була торган кетчуп

Без сезгә бик ансат һәм тиз әзерләнә торган кетчуп рецепты тәкъдим итәбез. Бернинди крахмалсыз һәм озын-озак кайнатуларсыз да куе килеп чыга ул. 

Кирәк:
3 кг кызыл помидор. Итләчрәк помидорлар яхшы була.
1 баш эре суган;
1 баш сарымсак;
3 аш кашыгы шикәр комы;
2 чәй кашыгы тоз;
1 чәй кашыгы коры горчица порошогы
50 мг 9 процентлы аш серкәсе;
0,5 чәй кашыгы кара борыч;
1 дәфнә (лавр) яфрагы.

Помидорларны юып, иттарткычтан чыгарабыз. Сарымсак белән суганны да иттарткычтан чыгарырга кирәк. 

Тѳбе калын кәстрүлгә помидорларны,  сарымсак белән суганны салып, пешерергә куябыз.  Помидорлар кайнап чыгып, берничә минуттан үтә күренмәле суы аерыла башлагач, вак тишекле иләкне батырып, чама белән 0,5 литр суын аш чүмече белән сѳзеп алабыз. Помидорлар сулырак булса, күбрәген дә алырга мѳмкин. 10 минуттан утны сүндереп, пешкән помидорларны блендер белән ваклыйбыз. 

Вакланган помидорларны вак иләк аша сѳзәбез. Блендер белән изгәч, бик тиз тѳшеп бетә ул. Иләктә калганын да кашык белән яхшылап баскаласаң, орлыгы һәм кабыклары гына кала. 

Әлеге массаны кабаттан кәстрүлгә салып, кайнатып чыгарабыз. 3 аш кашыгы шикәр комы, 2 чәй кашыгы тоз, ярты чәй кашыгы борыч (кимрәк тә сала аласыз),  горчица порошогы, 1 дәфнә яфрагы, 50 мг аш серкәсен салып, тагын 7 минут чамасы пешерәбез дә, сүндереп, парланган пыяла банкаларга тутырып, калай капкач белән ябабыз. 0,5 литрлы 3 банка чыга. 

Бик тәмле, куе килеп чыга. Эшләве дә тиз. 


 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  •  Гомерем усал кайнана, исерек ир белән үтте 5 Бер көнне иртән торып бәлеш пешерергә уйладым. Бәрәңге турадым, суган әрчедем, камыр бастым. Духовкада кургаш кәгазь астында ике сәгать ярым эчендә бәлешем изелеп пеште. Ләкин хуш исе урамга кадәр чыккан итле бәлешемне ашарга насыйп булмады.
    11888
    4
    110
  •  Исерек ир, усал кайнана белән гомерем узды 3 Рәфис белән 3 ел очрашып йөрсәк тә, мәхәббәтебез үбешүдән ары узмаган иде. Беренче зөфаф төнебезне мин куркып, дулкынланып көттем.
    11385
    4
    80
  • Исерек ир, усал кайнана белән гомерем узды 2 Рәфискә кияүгә чыгарга җыенуымны әнием ошатмады, ул мине кабаттан үгетләргә кереште: «Кызым, тагын бер тапкыр уйлап кара әле! Габдулла белән Сания авылда иң усал гаилә булып санала, Санияне тиккә генә «юха елан» дип йөртмиләр. Алай гынамы, бу гаиләдә эшнең бетәсе юк: 50 сутый бакчалары, абзарларында өч сыер, кырыкка якын сарык...
    9263
    1
    55
  • Юлда кем очрамас... Кичә яшүсмер кызым эштән кайтты да, «Әни, син хәзер мине ачуланачаксың», – ди. Сагайдым. Ачуланасымны алдан ук белеп торгач, нинди ярамаган эш эшләде икән? 
    8582
    1
    51
  • Уеннан уймак Барысы да бәхәсләшүдән башланды. Хатын-кызлар, бигрәк тә йөрәкләре янып торган яшь кызлар бәхәсләшмәсен икән ул. Аларның яшьлек дәрте егетләрне үзләренә карату гына түгел, дөньяны әйләндереп бастыра ала... 
    4087
    0
    48
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда