Яңа ел чыршылары

Гүзәл ХӨСНЕТДИНОВА белеме (Казан сәнгать училищесын, Казан федераль университетының дизайн факультетын тәмамлаган) һәм һөнәре белән генә түгел, рухы белән дә дизайнер. Өендәге һәр деталь раслый моны. Көзге яфраклардан ясалган картинасы да, вак-вак кәгазь кисәкчекләреннән җыелган Венеция күренеше дә, шау чәчәктәге алмагачы да – барысы да аның чиксез идея һәм бай фантазия иясе булуын сөйли. Гүзәл ханым өчен табигатьтәге һәрнәрсә илһам чыганагы. Аның кулында чуерташ та җанлана, корыган ботаклар да «үсә», нарат күркәләре исә Яңа ел чыршысына әверелә.  Ул тәкъдим иткән чыршыларның идеясен аңа аяк астындагы нарат күркәләре «пышылдаган». Ярты сәгатегезне кызганмасагыз, Яңа ел бизәге сезне дә сөендерер.



Чыршыны үзегез теләгән биеклектә һәм үзегез теләгән төстә ясый аласыз. Аны ничек итеп бизәү дә фәкать сезнең фантазиядән генә тора.

Кирәк: 



нарат күркәләре (алар бик күп кирәк булачак);
катыргы. Аның радиусы чыршы биеклегенә тигез. Төсе исә кулланачак нарат күркәләре төсенә туры килергә тиеш;
күркәләрне буяр өчен баллонлы акрил буяу;
диаметры 4, 2, 1,5 см булган шарлар – чыршы уенчыклары;
диаметры 3 см булган йон йомгаклар (шарларның һәм йомгакларның төсе күркә төсенә туры килергә яки контраст булырга мөмкин);
шарлар төсенә туры килә торган эре сәйләннәр (диаметры 0,4 см);
кайнар җилем. «Момент» җилеме белән дә эшләргә мөмкин, ләкин аңа вакыт күбрәк китәчәк;
яссыборын (плоскогубцы);
кайчы;
монтаж күбеге.

Эш барышы:



Иң элек күркәләрне әзерләргә кирәк. Моның өчен аларны 15 минутка кайнар мичкә тыгып торабыз. Күркәләр ачылырга тиеш. Беришләренең уртадагы телен яссыборын  белән кисеп алабыз. 



Катыргыдан чыршы биеклегенә тәңгәл ярымәйләнә кисәбез.



Аннан конус ясап, читен кайнар җилем белән ябыштырабыз.



Ныклык өчен, конусның эчке ягына монтаж күбеге сиптерәбез. Күбек булмаса, ансыз гына да ярый. 



Өстәлгә кирәкмәгән кәгазь җәеп (моның өчен йомырка савыты бик уңай), күркәләрне тезәбез (кайберләрен арткы ягы белән дә куябыз) һәм буяулы баллоннан сиптереп, үзебез теләгән төскә буйыйбыз. Бу эшне  урамда яки балконда башкарсаң яхшырак, чөнки буяуның исе каты. Буяу 30 минут чамасы кибә.



Чыршыны бизәр өчен йон йомгаклар ясарга кирәк. Без, мәсәлән, кызыл һәм табигый йон төсендәге йомгаклар кулландык. Сез үзегезгә ошаган төсне сайлагыз. Йомгакны тиешле зурлыкта чорнагач, җеп очын кайнар җилем белән ябыштырабыз. Йомгакларны зуррак та, кечерәк тә итәргә мөмкин.



Конусның аскы итәгенә әйләнә буенча күркәләрне ябыштыра башлыйбыз. Арага йон йомгакларны һәм шарларны да кыстырып калдырабыз. Шарлар яхшырак берексен өчен, аларның җеп тага торган өлешен яссыборын белән уеп алабыз. Күркәләрне дә, шарларны да бер-берсенә мөмкин кадәр якынрак урнаштырабыз – катыргы күренеп калмасын. Игътибар итегез: кайбер күркәләрне арткы ягы белән дә ябыштырдык.



Соңгы этап – чыршыны бизибез. Бу эш күркәләрнең урталарына, бушрак калган урыннарга вак сәйләннәр беркетүдән гыйбарәт. Җилемне күркә араларына да тамызабыз, чыршыбыз тотрыклырак булыр. Чыршы очына матур гына бер күркә беркетәбез, аның урасына кечерәк бер шар яки сәйлән ябыштырабыз – йолдыз булып янып торсын!



Яңа ел чыршысы әзер. Бәйрәмнәрегез күңелле үтсен!

Фото: Ксения Богданова

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    9774
    5
    124
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    5652
    1
    77
  • 6705
    2
    46
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    7902
    1
    44
Реклама
Соңгы комментарийлар
  • 18 сентябрь 2020 - 10:15
    Без имени
    Бик матур хикэя !!! Укыйсы да бик кунелле булды !!! Эйдэ бергэлэшеп устерсеннэр инде сабыйларын .... Лэйлэ узе дэ югалтуны кичергэн бит !!!Бэхет елмайган димэк .... Бэхетлэре булсын барча балаларнын да .... Кеше бэхет очен туа,бэхетле булсын hэркем ....
    Син минем балам!
  • 18 сентябрь 2020 - 14:00
    Без имени
    Бик яхшы эсэр,бик азлар гына анлый шул язмышнын кисэтуен.Яшь чагымда ирем бн ачуланышкач,сойлэшмим дип уземэ-узем суз биреп,ярты кон сойлэшмэсэм,ике улымнын берсе нык итеп авырый башлый иделэр,температуралар бн.Шуннан сойлэшэ башлыйсын инде,уртак борчу килгэч.Купме сынадым,гел шулай була иде,аннары тэкэбберлегемне читкэ куеп,элэгешсэк тэ,сойлэшмичэ йормэдем,мин хаклы булсам,ярар,Аннан минем Бер жирем жэ кимеми дип,уземне тынычландыра идем.Бер тирэ,аерылыйм микэн эллэ дигэн уйлар да кергэлэде,аннары уйладым,этилэре балаларга минем шикелле ук якын,бигрэк тэ ир балага,этилэреннэн аерып алсам,барыбер мине гаеплэрлэр,алар да бит ир кешелэр,алга таба узем генэ доес тэрбия бирэ алырмынмы дип,барысын уйлап торып калдым.Аллага шокер,хэзер шуна соенеп бетэ алмыйм,инде 45-ел яшибез.Балалар да гаилэле,аларга гел тигезлектэ уз балаларын узлэренэ устерулэрен телим.Балалар бэхете эти-энидэн тора.
    Бала хакы
  • 18 сентябрь 2020 - 14:47
    Без имени
    Шуннан ни булды?
    Яңгыр 
  • 18 сентябрь 2020 - 15:05
    Без имени
    Фото, фото, купме хатирэ саклый. Ойгэ кайткач, экрен генэ фотоальбом алып, карап утырырга яратам. Менэ балачак, менэ усмер чак, менэ мин инде усеп житкэнмен. Бу ваеыт аралыгында ни генэ булмады, ни генэ тормышта алышынмады. Сагынып искэ аласын. Тагын бер кайтыр идем дип эченнэн генэ хыялланасын.
    Фотолар дәвалый? 
  • 17 сентябрь 2020 - 09:00
    Без имени
    БИК шэп кинэшлэр.Истэ калдырырга кирэк эле.
    Әни кешенең өйләнгән улына киңәшләре
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...