«Сөенеч хатлары»

Бүген бәйрәм белән котлап, бер-беребезгә открыткаларны сирәк юллыйбыз. Ә менә элегрәк һәр бәйрәмгә илнең төрле почмакларыннан «сөенеч хатлары» агылыр иде.Шулкадәр күңелле була торган иде ул! Берсеннән-берсе матуррак бу открыткалар, шул елларның хатирәсе булып, әле дә китап, фотоальбом эчләреннән килеп чыккалый. Төргәк-төргәк булып җыелган ул сөенеч хатларын атлас тасма белән бәйләп, кадерләп саклый да идек әле без. Әй күңелле чаклар! Тукта, ник ямансулыйбыз? Туганнарыбызны бәйрәм белән котлап, «сөенеч хатлары»н бүген дә юлларга була ләбаса. Өстәвенә, «Сөембикә»нең бүгенге кунагы – алтын куллы Эльмира ГАЛЛӘМОВА безгә ул открыткаларны үзебезгә ясарга өйрәтәм дип тора. Искиткеч матур, бердәнбер, мәңге кабатланмас итеп! Аларның һәрберсендә берәр Яңа ел әкияте яши сыман. Бик мавыктыргыч, җанга рәхәт шөгыль бу.

 

Кирәк:

кардсток дип аталган бер табак кәгазь (А4 форматында). Без сөт төсендәгесен кулланабыз;

скрапбукинг өчен ак төстәге акварель кәгазь (җирлегенә төрле рәсемнәр басып төшерелгәне). Шулай ук А4 форматлы бер табак кирәк булыр;

декоратив бизәкләр: котлау сүзләре язылган стикер, тасма, чыршы, бәләкәй генә букет, кәгазьдән кисеп ясалган өй, яшел чыршылар, бияләй, кар бөртекләре, ачкыч бәйләме;

«Момент кристалл» җилеме;

ике ягы да ябышкак тасма;

кайчы, линейка, үткен пычак.



 

Эш барышы:

кардсток кәгазеннән 15х21см зурлыгындагы бер кисәк кисеп алабыз (А4 форматының нәкъ яртысы була). Тактага куеп, үткен пычак белән киссәң – яхшырак. Кискән өлешне урталай бөклибез. Бөкләгәнче, берәр очлы әйбер белән бөкләм эзен сызып чыксаң – кулай.

Ак төстәге акварель кәгазен 10х14,5 зурлыгында кисәбез. Бу – открытканың алгы бите булачак, бизәкләр шушыңа беркетелә.

 

Ике ягы да ябышкак тасмадан кечкенә генә дүрт шакмак кисеп алып, алгы битнең арткы ягыннан дүрт почмакка ябыштырып куябыз. Икенче ягының кәгазен әлегә кубармый торабыз.

 

Иң аскы почмакка «Момент» җилеме белән котлау сүзе язылган стикерны ябыштырабыз. Аның өстенә киңлеге 0,5 см булган ак бөрчекле яшел тасма ябыштырыла. Тасма читләрен битнең арткы ягына кайтарып ябыштырып куябыз.

 

Тасма өстенә кәгазьдән киселгән өч чыршы ботагы һәм бәләкәй чәчәк бәйләме ябыштырыла. Бәйләмнең әзерен сатып алырга да була, пенопласт шарларын буяп, үзегез дә ясый аласыз. Серкәчләрне исә кибеттән алдык. Букетны яшел тасма белән бәйләп, өстенә кечкенә генә нарат күркәсе куябыз.

 

Әлеге открытканың тагын бер бизәге – шейкер, ягъни тәрәзә.

Моның өчен диаметры 6 см булган чипборд (кибетләрдә сатыла), үтә күренмәле катырак папкадан шушындый ук зурлыкта киселгән түгәрәк, алтын төсендәге ялтыравык кагазь боҗра (аның да диаметры 6 см) кирәк.

Ялтыравык боҗраны үтә күренмәле түгәрәк тирәли «Момент» җилеме белән ябыштырабыз. Аннары бу чипбордка ябыштырыла.

 

Шейкерны открыткага ябыштырганчы, эчкә алтын төсендәге каты фольгадан киселгән йолдызлар һәм сәйлән бөртекләре тыгып калдырабыз (алар ябыштырылмый). Түгәрәк уртасына кечкенә генә бер чыршы да ябыштырып куйсаң матур.

 

«Тәрәзә» өстенә кечкенә алтын түгәрәк ябыштырыла – чыршы уенчыгын хәтерләтсен әле! Бер читенә ак кәгазьдән киселгән бияләйләр «элеп» куябыз. Мондый бизәкләрне кибеттән дә алырга була, аларны кисү өчен биг-шот дип аталган махсус җайланма да бар.

 

Шушының белән открытканың алгы бите әзер. Инде ябышкан тасманың кәгазен кубарып, аны открытканың үзенә ябыштырып куйыйк. Ябышкак тасма урынына җилем генә дә кулланып була, әмма алай открытка ялпак булачак. Безгә исә аның кабарынкы булуы ошый.

 

Эчке якның сул битен ак кар бөртекләре белән бизибез.

 

 

Икенче открытка да нәкъ шушы тәртиптә ясала.

Беренче эш итеп алгы битнең сул кырына җилем ярдәмендә 4 см киңлегендәге көмеш җепле пәрәвез тасма (кибеттә паутинка дип сатыла) ябыштырабыз.

 

Аның өстеннән ике чыршы ябыштырыла. Бу очракта инде ябышкак тасма кулланабыз. Чыршыларның биеклеге – 7 см.

 

Уң як почмакка каты ак кәгазьдән челтәрләп киселгән өй урнаштырабыз (ябышкак тасма ярдәмендә). Өй ике катлы итеп киселгән. Аскы каты – агач фактурасын хәтерләткән кәгазь. Аларны бер-берсенә җилем белән ябыштырабыз.

Өй кыегын көмеш төсле фольгадан киселгән йолдызлар, түгәрәкләр белән бизибез. Болар – кибеттән сатып алган әзер наклейкалар.

 

Алгы битнең аскы итәгенә рәшәткә «тотабыз».

 

Куе кызыл төстәге каты кәгазьдән 7х5 зурлыгында турыпочмаклык кисеп алабыз. Игътибар: турычпомаклыкның сыртлары туп-туры түгел, эчкәрәк кереп, уеп алынган. Аның уртасына котлау сүзе язылган стикер ябыштырдык. Безнең очракта ул әзер наклейка иде. Бер-ике җиргә ялтыравык йолдызлар һәм түгәрәкләр «төртеп» чыгабыз.

 

Турыпочмаклыкның аскы почмагына ябышкак тасма белән ачкыч бәйләме беркетәбез. Бәхет ишекләрен ачар ачкычлар булсын алар!

Инде моны ябышкак тасма ярдәмендә алгы битнең өстенә ябыштырыйк та, бизәгән битебезнең үзен дә открыткага беркетик.

 

Открытканың эчке ягы кызыл төсле бер пар бияләй белән бизәлә.

 

«Сөенеч хаты»быз әзер! Инде открытка зурлыгындагы ак биткә котлау сүзләребезне языйк та, хат эченә кыстырып, якыннарыбызны сөендерергә ашыгыйк!

Яңа ел белән тәбриклибез сезне!

 

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    1709
    26
    194
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5353
    2
    74
Реклама
Соңгы комментарийлар
  • 16 октябрь 2021 - 22:17
    Без имени
    Илдя чыпчык улми. Тукмалып торырга ярамый.
    Мәхәббәттән нәфрәткә бер адым икән
  • 17 октябрь 2021 - 07:44
    Без имени
    Яшьлэр монда ни причём. Халыкнын дини наданлыгыннан килэ бу хэллэр. Дини агарту эшлэре алып барырга кирэк. Семьядан башлап, диния нэзэрэте дэ яшьлэргэ тэрбия биру остендэ эшлэргэ тиеш, мячетлэр салалар, э яшьлэрне мэчеткэ Тарту эшлэрен тиешенчэ кутэрмилэр...
    Кызыбыз өйләнә – улымны киленгә бирәм!
  • 17 октябрь 2021 - 19:39
    Без имени
    Әтисез читен була дигәнсез?Ә әнисез?Лилия исемле бер җырчы интервью бирде,сездә тыңнагансыздыр бәлки.Әниемә әти җайсыз сукты ди,35 яшендә мәрхүм булды әнием ди.Кабатларга уйлыйсыңмы?Ноги в руки и бегом ул тиледән....
    Мәхәббәттән нәфрәткә бер адым икән
  • 15 октябрь 2021 - 11:55
    Без имени
    Минем уйлавымча. хыянэтне. гафу итэрге. ярамый. минем дэ баштан утте. эле. мин. бала авырып. больницада яттым. э ул. жилбэзэк кызны. ойге керткен. ир атнын. башы. юк анын. алар. узлэре очен гене. яшилэр. бала да. кирэкми. хатын. да. картайганчы. хыянэт итэ. минеке. шулай булды.
    Нигә мине чүпрәк итәләр?!.
  • 15 октябрь 2021 - 15:13
    Без имени
    Бик матур,тату,тырыш,тэуфикле гаилэ - Эхмэтшиннар гаилэсе.Алдагы коннэрдэ дэ матур,тату,бэхетле булып яшэгез! Зур унышлар сезгэ!
    Оясында ни күрсә...
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан