“Ут алган өрәңге агачын” циклыннан

 
***
 
Күгелҗем-күк төсне юмартлап
 
Җиһанга тараткан көз-рәссам.
 
Бу төсне үз иткән, яраткан
 
Вәкарьле мәһабәт Пикассо.
 
Күңелгә үрелә көз моңы,
 
Пыскаклап сибәли яңгыры.
 
Күгелҗем-күк кебек төсләрдән
 
Җаннарым тик эзли яз җыры.
 
“Кем моңсу, шул ихлас»,– дигәнең,
 
Дөрестер Пикассо, дөрестер.
 
Шулай да, мәхәббәт дигәне,
 
Бернигә буйсынмас бер хистер.
 
Көзге яфраклар
 
Яфраклар кузгала, яфраклар
 
Озынмы барасы юллары?
 
Көзге көн йөзенә сибелгән
 
Алтынсу-балавыз нурлары.
 
Сагалап йөри җил үзләрен,
 
Күкләргә килгәндәй дәшәсе.
 
“Ул кадәр югары менмәгез,
 
Барыбер җирләргә төшәсе!”
 
Очыртып-уйнатып арыгач,
 
Җил китеп, каядыр югалды.
 
Алтынсу-балавыз нур чәчкән
 
Яфраклар түбәнгә юл алды.
 
...Җәй буе кинәнгән күңелгә
 
Моңсулык, юксыну үрмәли.
 
Кыштырдап уйларым әйләнә
 
Коелган яфраклар тирәли.
 
Талпынып кына калалар…
 
Талпынып кына калалар 
Очмыйлар йорт казлары. 
Хуҗабикə салган ризык 
Тарта җиргə аларны. 
Күктə сыный канатларын 
Кыйгак-кыйгак кыр казлар. 
Кардəшлəре өйалдында 
Көч биреп каңгылдыйлар. 
Кешелəрнең дə язмышы 
Нəкъ казларныкы кебек- 
Кемдер күклəргə атыла, 
Кемдер каңгыра җирсеп.
 
Ут алган өрәңге агачын
 
Ачы көз уртасы җиткәндә 
Ут алган өрәңге агачын. 
Әйтергә телиме ул безгә 
Гомернең туктамый агасын. 
Ут алган өрәңге агачын, 
Торналар тезелеп киткәнгә. 
Сизә шул аның да йөрәге – 
Кайтмасын, кайтмасын үткәнгә. 
Өрәңге агачын көз-рәссам 
Яндыра, кыздыра жәлләми. 
Бер йотым су җитәр иде дә, 
Кирәкми аңарга әллә ни. 
Ут алган өрәңге агачын, 
Торналар тезелеп киткәнгә. 
Сизә шул аның да йөрәге – 
Кайтмасын… Кайтмасын үткәнгә.

Реклама

Иң мөһим һәм кызыклы язмаларны Татмедиа Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 20 февраль 2020 - 22:57
    Без имени
    Эсэр бик эчтэлекле язылган,аерылып булмый укудан.Рэхмэт сезгэ.
    Ай сылуы-5
  • 20 февраль 2020 - 11:28
    Без имени
    Нигэ 15 ел 19 ел нишлэп ул хашэрэтлэрне тотып атмыйлар яки пожизненно бирмилэр. Мина калса алар аннан ерткыч булып чыгалар. Э 16 яшлек кызны нишлэп утыртканнар нигэ самозащиты дип кабул итмэгэннэр?
    ​Мәхәббәт «уеннары»
  • 20 февраль 2020 - 11:44
    Без имени
    Оятсыз хатын башта балага ата кирэк биргэн булып причина эзлэгэн Аннан сон калдырган баласын.
    Каты режимлы «никах»
  • 20 февраль 2020 - 15:33
    Без имени
    Искитке
    Ике туй – бер ир
  • 19 февраль 2020 - 10:08
    Без имени
    Елый елый укыдым.Ул баланын урыннары жэннэттэ булсын.Калганнарга сабырлык, озын гомэрлэр бирсен ходаем.
    Бу дөньяның бар чәчкәсе – сиңа
Реклама
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...