"ТАТАР РАДИОСЫ"НЫҢ ҖАНЛЫ КОНЦЕРТЫННАН МЕҢ МИЗГЕЛ - ФОТОРЕПОРТАЖ

 

Казанның "Пирамида" концертлар залында "Татар радиосы"ның туган көненә багышланган, елның иң җанлы музыкаль чарасы - "Җанлы концерт" узды. Тамашаның үзенчәлеге шунда - артистлар инструменталь ансамбльгә кушылып тере тавышка җырлады.


 

Концерт җырчы Айгөл Рәхимованың "Сәбәбен тап" җыры белән башланып китте. Беренче бүлектә барлыгы 15 җырчы чыгыш ясады. Тамашачы Ринат Рахматуллинның "Чакыр гына мине", Ильмира Нәгыймованың "Алтын балдаклар", Рамил Айметдиновның "Сиңа", Дилә һәм Булат Нигъмәтуллиннарның "Өч син җырым", Раяз Фасыйховның "Ярат әле", Ләйсән Гыймаеваның "Кил яныма", Закир Шаһбанның "Кайда син гармун", Алсу һәм Азат Фазлыевларның "Күгәрченем-гөлкәем", Рамил Галимҗановның "Арабызга чит кертмәм", Илсөя Бәдретдинованың "Тукта вакыт", Ришат Фазлыйәхмәтовның "Яшәтәсе килә әнкәйләрне", Зөһрә Шәрифуллинаның "Су буенда учак яна", Хәмдүнә Тимергалиеваның "Җомга" җырларын тыңлады. Фирдүс Тямаев башка артистлардан аермалы буларак, ике җыр белән чыгыш ясады: "Язмыш" һәм "Санаулы дуслар". Олы буын җырчыларын тамашачы аеруча җылы алкышлады.



 

"Быел "Татар радиосы"на 16 яшь тулды. Мондый масштаблы концертны елына бер тапкыр уздырабыз. Юбилей елын зурлап үткәргәч, быел тере тавышлы концерт оештырырга булдык. Әмма бу тамаша беренче тапкыр гына үткәрелми. Хәтерләсәгез, берничә ел элек "Яңа сулыш" исемле концертларны да шулай ук инструменталь ансамбль белән оештырган идек. Концертта олы буын артистлары белән яшьләрне сәхнәгә чиратлаштырып чыгарырга тырыштык. Бүген уналты ел дәвамында хит булган популяр җырлар яңгырады. Концерт бик яхшы узды, халыкның энергетикасын тоеп эшләгәндә, шундый рәхәт", - диде Татар-информ хәбәрчесенә "Җанлы концерт"ның алып баручысы һәм сценарий авторы Гөлназ Сәфәрова.




 

Концертны барлыгы дүрт кеше алып барды: "Татар радиосы" ди-джейлары Гөлназ Сәфәрова, Айваз Садыйров, җырчы Эльмира Кәлимуллина һәм Г.Камал театры артисты Искәндәр Хәйруллин. Гөлназ белән Айваз үзләре дә җырлап күрсәтте. Мәсәлән, Иркәнең "Карлыгач" җырын алар болай үзгәрткән: "Безнең авыл урамында балалар күренмиләр. Капкалар да бикләнмәгән, этләр дә йөгермиләр. Безнең инешнең ярына оя корган чегәннәр. Көн саен нидер пешерәләр, юкка чыга бәрәннәр!" Халыкка ошады бугай, көлешә-көлешә кул чаптылар.





 

Алып баручылар кайбер артистларны кызык итеп тәкъдим итте. Әйтик, Эльмира Сөләйманованы чыгарганда, аның ялтыравык ташларны бик яратуын, ялтыраган бөтен әйберне муенына, кулына, күлмәгенә куюын әйттеләр. "Соңгы арада аның янында оялчан, аз сөйләшүчән, ләкин бик моңлы итеп җырлаучы Галимҗанов фамилияле егет күренгәли. Әлмәт шәһәрендә очратып, асрамага алган, ди ул аны", - диде Гөлназ Сәфәрова.



 

Концертта иң үзенчәлекле киемле җырчы - Мөнир Рахмаев иде. Ул янәсе җылы якта ял иткән җиреннән тиз генә "Җанлы концерт"ка очып кайтты. Шуңа да Мөнир сәхнәгә башка ир-атлар кебек кәчтүм-чалбардан түгел, ә футболка һәм шортыдан чыкты.



 

Хәмдүнә Тимергалиеваның рэпер киеменнән төшкән видеосын "Җанлы концерт"та тәкъдим иттеләр. Анда Хәмдүнә апа хатын-кызларга колготки турында лайфхак сөйли. "Соңгы арада кайбер җырчылар миңа карап ютуб-каналлар ачты. Җырчы булсагыз, җырлап кына йөрегез! Безнең интернетка кагыласы булмагыз, бу - безнең сыер, без аны савабыз!" - диде "блогер" Хәмдүнә Тимергалиева. Ул шулай ук тиздән яңа социаль проект ачып, фонограммага җырлаучы артистларны җырлаудан туктатырга җыенуын да белдерде.





 

Концертның икенче бүлеге халкыбызның яраткан җырчысы Хәния Фәрхине искә алу белән башланды. Экранда аның "Онытылыр димә" җыры яңгырады. Эльмира Кәлимуллина "Бәллүр чыклар", Мөнир Рахмаев "Ә мин әле яшь", Ильвина "Вакыт - дәва", Илдар Әхмәтов "Сиңа илтмәгән юл", Азалия Зиннәт "Күз нурым", Ландыш Нигъмәтҗанова "Мәхәббәт угы", Илназ Баһ "Бер күрешү - үзе бер гомер", ИлСАф "Кайталар кыр казлары", Эльмира Сөләйманова "Балан ачы шул балам", Артур-Марат "Әгәр мине бик сагынсаң", Иркә "Сыналган мәхәббәтем", Идрис Газиев "Мин барсына әзер мәхәббәттә", Айдар Галимов "Гомер буйлап барам" җырларын башкарды.



 

Концерт Татарстанның халык артисты Салават Фәтхетдиновның чыгышы белән тәмамланды. Беренче җырын җырлагач, "әле генә "Әллә ялгыш, әллә язмыш" җырын башкардым. Үзем җырлыйм, үземнең көләсем килә. Әллә ялгыш килдем монда, әллә язмыш алып килде? Шулай да бер күрешү - бер гомер! Чакырган кешеләргә зур рәхмәт!" - диде ул. Концертта Салават Зәкиевич та, Фирдүс кебек, үк ике җыр җырлады.














































чыганак: http://intertat.ru/shou-biznes-yanalyklary/salavat-f-tkhetdinov-anly-kontsert-ta-ber-k-resh-ber-gomer-/
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    7476
    2
    51
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4341
    0
    34
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2254
    0
    33
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    3046
    1
    31
  • Бергә булырга язмаган безгә... Хәзер аңлыйм: мин бик тырыш, яхшы укучы бала булганмын. Һәм шуның өстенә соң өлгергәнмен. Мәктәптә кайберәүләр бишенче класстан ук егетләр белән аралашып, егет сөйгәнгә исләрем китеп карый идем. Артык хисләнеп тормыйча гына дөньяны җигелеп тартучы әти-әни үрнәге дә шул булгандыр. Алар артык мәхәббәт маҗараларыннан башка гына, димләп өйләнешкән кешеләр иде. Егет сөю бер оят эш төсле тоелган миңа.
    2555
    0
    16
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда