Камал театрының Кече сәхнәсендә Хәсән Туфанның зур шигърияте яңгырады

Камал театры Хәсән Туфан һәм Туфан Миңнуллин әсәрләре буенча куелган “Агыла да болыт, агыла...” шигьри спектакленең премьерасын тәкъдим итте.


Спектакльнең режиссеры – Айдар Җаббаров, рәссам – Булат Ибраһимов.

 

 

Камал театрының Кече сәхнәсеннән Зур шигърият яңгырады - Хәсән Туфан һәм Туфан Миңнуллин әсәрләре буенча куелган “Агыла да болыт агыла...” шигьри спектакленең премьерасы булды.

Камал театры тәкъдим иткән шигъри спектакль классик шагыйрь Хәсән Туфан шигырьләреннән һәм Туфан Миңнуллин тарафыннан күптән язылган “Агыла да болыт агыла...” пьесасындагы диалоглардан тора. Туфан Миңнуллинның талантлы каләменнән төшкән ул диалоглар шулкадәр оста куелган, тамашачыда аларны дәвам иттерү теләге туа – латыш егете Паулус, украин егете Мартинюк, Клавдия булган эпизодларны карыйсы да карыйсы килә. Бәлки, Айдар Җаббаров Камал театрында куелмаган бу пьесаны дөньяга чыгарырга да уйлар.

Хәсән Туфан - сөргенлек газаплары, якыннарын югалту ачысын кичергән шагыйрь. “Хәтта Х.Туфанны урыслар да “святой” дип йөрткәннәр. Шагыйрь йөрәгендәге чамасыз сагыш хисләре аның әүлиялыгын барыбер басып киткән бит. Шулай булмаса, йөрәкләрне актара торган, күңелләрне сызлата торган шигырьләр яза алыр идемени шагыйрь?” – дип язган Туфан Миңнуллин Хәсән Туфан турында. Әлеге күңелләрне сызлата торган шигырьләрне Татарстанның атказанган артисты Алмаз Сабирҗанов, театрның яшь актерлары Илнур Закиров, Раил Шәмсуаров, Фәннур Мөхәммәтҗанов, Йосыф Бикчәнтәев укыды. Финалда Россиянең атказанган, Татарстанның халык артисты Илдус Әхмәтҗанов чыкты.



“- Кайт!.. - дип хатлар килделәр...
Юллар... озын иделәр...
Кайттым.
- Бусы алкалары,
Бусы — кабере... — диделәр”, - дигән йөрәкне актарырдай юлларны ул укыды.

Әлеге шигъри спектакль Йосыф Бикчәнтәевнең дебюты иде. Камал театрының баш режиссеры Фәрит Бикчәнтәев һәм актриса Люция Хәмитованың улы үзен ритмны һәм сүзне нечкә тоемлый торган актер итеп күрсәтте. Хәсән Туфан сөргендә булган якларда яшәгән Клавдия ролендә - Камал театрының яшь артисты Айгөл Абашева, татар телендә ярыйсы гына сөйләшә башлаган кызга бу роль килешеп тора иде.

Тамашачы шигъри спектакльне яшь режиссер Айдар Җаббаровның зур уңышы дип бәяләде. Тамашачының яшьле күзләре режиссер һәм артистлар адресына яңгыраган рәхмәт сүзләренең чын күңелдән икәнлеген раслый иде.


“Илдус Әхмәтҗанов ничек сөйләде бит, ә! Шәп! Илдус ул Илдус инде!” – дип сокланды озак еллар шушы театрда әдәби бүлек мөдире вазыйфасын башкарган, драматург Юныс Сафиуллин. Аннары борчылып: “Спектакльдә Луиза (Хәсән Туфанның хатыны, театр артисткасы Луиза Салигәскәрова - Р.М) җитеп бетмәде, - дип өстәп куйды. – Шигырьләрне дә җентекләбрәк сайларга мөмкин иде”.

“Бу бик әйбәт формат, әмма без аны куллана алмыйбыз, чөнки Кече сәхнәбез юк, - диде спектакль карарга килгән Туфан Имаметдинов, Казан Яшь тамашачы театрының баш режиссеры. - Фәрит Бикчәнтәевнең яшьләргә Кече сәхнәдә эшләргә мөмкинлек бирүе яхшы”.

Исегезгә төшерәбез, спектакль бүген, 4 февральдә, һәм 24 февральдә камал театрының Кече сәхнәсендә күрсәтелә.

Шигъри спектакль жанры театрларда актив кулланыла башлады. Ул юбилейларга багышлап бер күрсәтелеп кенә калмыйча, репертуарга алынуы белән кыйммәт. Бу жанрны беренчеләрдән булып зур сәхнәгә Тинчурин театры чыгарды. Хәзер аларның реперуарында Рәшит Заһидуллин куелышында өч әдәби спектакль бар – алар Габдулла Тукай, Разил Вәлиев һәм Мөхәммәт Мәһдиев иҗатына багышланган. Быел Туймазы театры да Казанга Роберт Миңнуллин иҗатына багышланган “Каеннарым белән...” шигъри спектаклен алып килгән иде. 

чыганак: http://tatar-inform.tatar/ http://intertat.ru/tt/

 

 

 

 

 

 

 

 

 

 

 

 

 

 

 


Рамиль ГАЛИ фотолары

чыганак: http://intertat.ru/tt

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Качу Туйды Гөлнара! Башка болай яшәргә теләге дә, көче дә юк. Үзе эшләп алган бердәнбер мөлкәте – кызыл төстәге ике ишекле генә машинасына утырды да, өстенә кигән киеме белән чыгып китте. Башка кайтмаска дип...
    11579
    1
    169
  • Яңа ел төне сере – Сәлам! Тагын бер ел үтеп китте. Очрашу төне җитте...  Телефон экранында көтелгән һәм таныш сүзләрне күрүгә Ләйлә  елмаеп куйды. Онытмаган! Быел да үзе беренче яза... Яңа ел төнен каршы алганда нәкъ төнге өчтә... Менә инде унынчы ел шулай...
    7594
    1
    57
  • Юлдаш Бүген – 2 гыйнвар. Алиянең генә туган шәһәрен инде өч ел күргәне юк. Күңел ярасы өч ел буе төзәлмәде... Төне буе елап чыкканнан соң кисәк кенә җыенды да, өч ел элек Мәскәүгә чыгып китте ул...
    5618
    0
    54
  • Ефәк яулык – Апам, менә сиңа тапшырырга куштылар, амәнәт диделәр. – Амәнәт? Марат үтә дә зәвыклы төргәкне Илсөягә сузды.
    5685
    1
    52
  • Тапкыр малай Әнисе тиз генә кайтмады. Ул, гомумән, кайтмады. Хәбәре дә юк, үзе дә. «Суга төшкәндәй югалды», – дип пошынып, елап-сыктап йөрде Фатиха апа. Әтисен госпитальдән кабат фронтка җибәргәннәр. «Хәдичә килеп җитә алмады», – дигән ул хатында. Ризык төягән Хәдичә, мөгаен, ач гидайлар кулыннан кичкәндер дигән уйда тукталдылар. 
    4890
    2
    50
Реклама
Соңгы комментарийлар
  • 18 гыйнвар 2022 - 21:04
    Без имени
    Ничек яхшы ирдән хатын китмәсен, бу киткән хатын нормаль хатын була аламыни, үз баласын бар дип тә белми. Ничек кенә китә әйбәт ирдән хатыннар, ирдән иргә сикереп йөри, мәхәббәт дия, дия...
    Нишләргә, ярату көтеп яшәргәме, әллә...
  • 18 гыйнвар 2022 - 20:50
    Без имени
    Молодец дорес эшлэгэнсен. Ул балаларга баребер урнэк эти булмас иде
    Ирсез дә яшәп була
  • 18 гыйнвар 2022 - 20:26
    Без имени
    молодец!👍
    Ирсез дә яшәп була
  • 18 гыйнвар 2022 - 18:33
    Без имени
    Бу егет номере буе энисе сузеннэн чыкмас Мамкин сын ,бу.Кемгэ кирэк,мондый жебегэн.
    Әни сүзе гел безнең арада
  • 18 гыйнвар 2022 - 16:05
    Без имени
    Айголгэ дэ,саф кызга да ойлэнмэячэк бу егет.Гомер буе энисе сузеннэн чыкмаячак.Айгол,яратам дип яшэсэгез ялгыз калачаксыз.
    Әни сүзе гел безнең арада
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда