Укучы хаты

Кияүдә мин ундүрт ел булдым. Яшьли кияүгә чыктым, аңа ул вакытта утыз өч, миңа - унтугыз иде. Тыныч кына яшәп киттек ничектер. Ә менә бала тугач, ирем миңа суына башлады. Ничек суынмасын, улыбыз еш авырды, һаман саен больницага кердек. Анда үзеңне карау юк, больницадан чыккач та, саулыгын ныгытыр өчен чаптым - аңа бу кызык түгел иде. Прическа-макияж турында кем уйласын, балаң чирләгәндә, акчаның зур өлеше табибларга-даруларга киткәндә? 

Без чираттагы мәртәбә больницада ятканда, аның сөяркәсе бар икәен белдем. Ул кызга - унтугыз…
Ничек башым китмәгәндер!.. Улыбыз кислород маскасы киертелгән килеш ята, ә ирем больница ишегалдыннан көлә-көлә телефоннан сөйләшеп китеп бара…

Елый-елый гафу итүемне сорады. Иттем. Бергә калдык. Биш ел уздымы, ирем тагын шеннән соңарак кайта башлады, таныш-белешләрдән ямьсез хәбәрләр ишетә тордым… Турыдан-туры сорадым - берәрсенә гашыйк булдыңмы, дип. Юк, диде. Тормышыбыз дәвам итте. Минеке - улыбызны кайгыртып, аныкы - үз юлы белән. 

Ә аннары… аннары мин гашыйк булдым бер аерылган иргә. Ул да мине яратты. Иремнән китәргә булдым. Утырдык сөйләшергә. Иремнең менә өч ел инде сөяркәсе бар икәне ачыкланды! Өч ел элек тагын бер унтугыз яшьлек кызны үз иткән. Хәзер иремә кырык тугыз. Ирем аерылушуга каршы булмады.

Хис-тойгыларымны тасвирлый да алмыйм. Бик авыр иде миңа. Нишләп өч ел элек үк китмәгән ул миннән?! Нигә миңа ирек бирмәгәң, нигә ялганлаган?!
Бу өч ел тоташ ялганлаган ул миңа - берүземне калдырып, каядыр китеп барулары, бергәләп дуслар янына дачага барырга вәгъдә итеп, соңгы минутта ялгызы гына барырга карар кылулары, аны кемдер сихерләвенә ышандырып, берәр атнага «өшкерүче» әби эзләп китүләре…

Эмоциональ яктан бетерде ул мине. Проблема миндә дип, мин психологлар китаплары укыдым, тренингка бардым… Үземне дөрес тотарга өйрәндем… Ә аннары компьютерында бер хатын белән язышуын таптым - ул анда миңа булган үпкәсен белдерә иде, янәсе мин аңа басым ясыйм!
Әле мин балага узарга тырыштым. Ә узган булсам?! Башка ирләргә шул ялгызлыктан, кирәкмәгәнлегемне сизеп карый башладым бит инде мин. Җылылык эзләп.

Аерылыштык. Тагын тетрәндем - бергә торган ундүрт ел буена миңа хыянәт итеп яшәгәнен белдем… Барысы да яшьләр - унтугыз яшьлекләр. Боларны миңа мактанып сөйләде, диярсең… Уйлап карасаң, булдымы соң бездә гаилә? Юк бит! Юк!

Мин яраткан теге ирем… миңа өйләнергә телмәгәнлеген әйтте. Хатынына кайтырга карар кылган… Миңа исә сөяркәләр булып калырга тәкъдим итте. «Миңа синең белән сөешү ошый, - дип язды миңа ул, - Әйдә, дәвам итик бу уенны?» Мин хурландым. Төнлек ир табу проблемамыни? Мин аны бик яраттым бит… Ташлаштык.

Шулай итеп, миңа бер-бер артлы ике ир хыянәт итте. 

Юк, мин ялгыз түгел. Минем туганнарым, балам бар. Әмма… Кичә генә машинам ватылды. Утырып еладым. Янда ир кеше булмаганга. Проблемаларны үз җилкәсенә алырдай кеше, авырлыклардан ышыклаучы булмаганлыкны тоюдан…

Ардым мин.
Антидепрессантлар эчәм, психологка йөрим. Әмма терелә алмыйм… Ничек яшәргә? Мин белмим…

Сәрия.

фото: https://pixabay.com

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (13)
Cимвол калды:
  • 16 февраль 2021 - 20:53
    Без имени
    То кер барысына.кунел юа́нычын Балан, бар бит.
  • 16 февраль 2021 - 18:15
    Без имени
    Бәхет һичшиксез парлу булуда гына дигән уйны баштан чыгарып ташлау кирәк. Уйлап карасаң, сез бит бер дә бәхетсез түгел. Үзегезнең кадерен белмәгән ир кисәкләреннән котылгансыз. Балагыз бар. Аңлавымча, яшәр җирегез,хәтта машинагыз бар. Шулар өстенә, Аллагашөкер, кул-аягыгыз йөри, күзегез күрә, колакларыгыз ишетә. Просто сезгә урысча әйткәндә "перезагрузка" кирәк. Перепрограммирование себя.
  • 26 декабрь 2019 - 10:09
    Без имени
    Хэзерге чорда булдыксыз ир белэн яшэгэнче рэхэтлэнеп балан белэн тынычлыкта яшисен. Эшен булса рэхим ит : муж на час ,машина ватылса адым саен автосервис ,исэнлектэн ходай аермасын , ялгыз башын тыныч кунелен , тыныч колагын. Узенне яратырга кирэк беренче ,иренне тугел . Унышлар телим.
  • 12 декабрь 2019 - 12:17
    Без имени
    Эт БН мэчене сатып алмыйлар.Сезнен бэхеткэ дэ чыгар.Кеше элешенэ генэ кермэгеэ.
  • 11 декабрь 2019 - 19:47
    Без имени
    Рэхэтлэнеп улыгызны устерегез..яратканны,хормэт иткэнне табуы авыр .яхшы ирлэр аунап ятмый шул. Сэлэмэт булыгыз,иманлы,тэуфыйклы итеп улыгызны тэрбиялэгез.кунелдэ Булган мэхэббэтегезне улыгызга бирегез.
  • 11 декабрь 2019 - 16:44
    Без имени
    Машина ватылу хазер проблема мени.чакырттта эшлет.минеи ирем бар,но анардан бик толк юк.мин узем ойде ботен проблема ны решать итеп яшим.уйлап куям кайчак ир булмаса белки мин лучше яшэр идем наверное.хазер нормальный ирлернен хатыннары чат ябешкен.и жунле ир буйдак йорми.адарны жунсез хатыннар электереп ала.живи и радуйся,тем более есть сын и родственники.
  • 10 декабрь 2019 - 16:52
    Без имени
    Комментарии языйм эле диеп, башта кем нэрсэ язганны укыдым! Барыгыз белэн дэ килешэм! Кияугэ чыккач проблема бетэ диеп уйлап, ирле булгач шул проблемалар башланды да инде дигэнне укыдым куптэн тугел. Тормыш коткэн хатын бит сез! Юмор дисэм тагын инде! Хорошие мужья на улице не валяются, они на диване валяются! Кайсы ирлэр гаилэдэ, кайсы в местах не отдалённых, кайсысы берсен берсе ярата, кайсы алкаш, кайсы теге доньяда! Рэхэтлэнеп исэн сау яшэгез, балаларыгыз, оныкларыгыз белэн жаныкайларым!!!
  • 2 август 2021 - 08:13
    Без имени
    Мин дэ шулай уйлыйм.Бэхетле булыр очен кемдер кырыенда булырга тиеш дигэн скз тугел .Крыенда ирен булса дв ул машинаны узен ясаткан булыр иден эле. Остеннэн йорегэн ир бн топганчы рэхэтлэнеп узен генэ яшэвен мен артык.узенне яратырга ойрэн.
  • 2 август 2021 - 08:13
    Без имени
    Узегезгэ тин булмаганнарны якын итэсез. Уз-узегезгэ ышану житми, ярата белмисез узегезне. Антидепрессантлардан жайлап кына чыгарга кирэк, шулардан башка яши алмый башласагыз- начар. Хэер, узен ышанычлы тоткан, узенэ узе юату сузлэре тапкан кешегэ андый препаратлар кирэкми дэ.
  • 2 август 2021 - 08:13
    Без имени
    Тагын: проблемалар гаилэдэ уртак. Аларны бергэлэп чишэргэ ойрэнегез, ботенесен узегезгэ ойсэгез, ирегез булса да, булмаса да- барыбер ялгыз булачаксыз, мондый хатын-кыз бэхетле була алмый.
  • 2 август 2021 - 08:13
    Без имени
    Тазалык сорагыз , ходайдан! Узегезге, балагызга, туганнарыгызга! Сезнен бу проблемагыз чуп кенэ, борчылып сэлеметлегез беткеч , сон була!
  • 2 август 2021 - 08:13
    Без имени
    Рэхэтлэнеп ,тынычлыкта балагыз ,узегез исэн булып ,ул юнсез ирлэргэ бирешмичэ яшэгез.Кунелегездэ тынычлык була,узегезгэ узегез хужа.Ин мохиме картлык конегездэ балагыз сезне хормэт итсен.
  • 2 август 2021 - 08:13
    Без имени
    Машина ватылганнан гына да утырып еламагыз инде. Тапкансыз кайгы. Минеке ватыла тора, көйләнә тора аллагашөкер. Булмаган ирне көтеп утырмадым, машина да алдым, мунча да салдым, өйне дә ремонтладым аллагашөкер. Ирләр эшен дә үзем эшлим. Аллакаем саулык кына бирсен. Андый ир белән яшәгәнче ялгыз яшәве җиңелрәк. Просто сез әле моны аңларга өлгермәгәнсез. Бәхетле булуны кемгәдер бәйләргә кирәкми. Ялгыз да бәхетле итеп тоярга була үзеңне.
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9460
    10
    114
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9589
    8
    78
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    5273
    4
    62
  • Көтеп алынган бәхет Әллә күзенә күренәме, сискәнеп китте Гөлгенә. Каршысында пәйда булган Гамилне күргәч, ни уйларга да белмәде, чөнки бу  очрашу көтмәгәндә, кинәт булды. Унсигез еллап гомер үтсә дә, шундук  таныды  аны: шул ук озын буй, киң җилкә, серле караш, тик куе кара чәчләренең чигә тирәләренә ак бәс яткан. Күзләрендә ниндидер сагышмы, назмы...
    4055
    0
    44
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6474
    2
    30
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан