Солдатка «Көтәм!» дип калмагыз...

 Дамир абыемның сөйләгәннәренә ышанырга да, ышанмаска да белмим мин кайчак. Менә бу армиядә булган вакыйганы сөйләгәннән соң да, озак уйланып йөрдем...
Ул хезмәт иткән частьтә Дима исемле бик тыйнак егет була. Гади генә гаиләдән, артыгын сөйләшмичә, тыныч кына йөри торган яшь солдат. Дамир абый белән серләре бик килешә аларның. Таныша торгач, икесенең дә бер  шәһәрдән булуы ачыклана. Беркөнне Дима ачылып китеп, яраткан кызының аны озатып калуын әйтә, бик сагынуын сөйли. Кыздан хат килгәндә аңа ул хатны биетеп бирә торган булалар. Беркөнне, яңа хат алгач, Диманың йөзе караңгылана, ул мендәрен йодрыклары белән төя дә, кулындагы хатны бөкләп ташлап коридорга чыгып китә.  Хатта бик күңелсез сүзләр язылган була: «Гафу ит, минем башка егетем бар...» 
– Армиядә еш булмаса да яшь солдатларны аяктан ега торган мондый күңелсез хәлләр булып тора, – ди Дамир абый. – Дима башта беркем белән аралашмыйча, бик авыр кыяфәттә йөрде. Аннары ул кыз белән булган романтик истәлекләрне сөйләргә кереште. Соңыннан, гел үзен гаепләде. Җай табып армиядән каласы булган, диде, яки тиешенчә игътибар күрсәтә алмадым, дип үкенде. Кызганыч иде егет. Торган саен кечерәя, сүнә барды, без инде аңа бу хатны язган кызны барыбыз да күрә алмый башладык. Беркөнне безне кичке барлауга чакырдылар. Карасак, арабызда Дима юк... Рота белән егетне эзләргә керештек. Мин аның үзе генә каласы килгән вакытларда гарнизон амбарындагы почмакта утырырга яратканын белә идем. Егетләр белән шунда чаптык. Килеп керсәк – һавада киез итекләр селкенеп тора... Тиз генә, ничек кирәк шулай Диманы баудан кисеп төшердек. «Тагы бер-ике минут соңарган булсагыз, егет теге дөньяга китәсе иде», – диде соңыннан аны караган табиб. Дима менә шулай җиңел генә бәхетсез мәхәббәт газабыннан арынырга уйлаган. Госпитальдән чыкканнан соң да бик боек йөрде гашыйк солдат. Беркөнне Дима исеменә тагы хат килде. Башта ул аны кулына алырга да теләмәде. Аннары алып ачты да, гаҗәпләнеп хатны миңа күрсәтте. Хатка ниндидер ак чәчле, чибәр генә бер кызның фотосы салынган һәм кыска гына җөмләләр язылган иде: «Минем бар да әйбәт, эшкә урнаштым. Син ничек?» Әйтерсең лә иске танышына язылган хат! Адреслар буталган идеме, аңламадык, әмма шул көннән соң Димабыз үзгәрә башлады бит. Теге кызга җавап хаты язып җибәрде. Аңа кабат хатлар килә, ә без биетәбез... Әмма үз-үзенә кул салу очрагы тыныч кына узмады Диманың, аны тикшеренергә җибәрделәр, аннан өенә озатканнар, дип ишеттек. 
Армиядә хезмәт итеп кайтканнан соң, берникадәр вакыт узгач, Дамир абый исендә калган адрес буенча Дима дустын эзләп китә. Ишекне аңа шактый олы яшьтәге бер апа ача. Диманың әнисе булып чыга ул. 
Кереп, танышкач, Дамир абыйга бер гаҗәп тарих сөйли әни кеше. Өч ай элек Дима өйләнгән икән. Ә аңа чаклы... армиядәге проблемаларын җайлап бетергәннән соң, теге ак чәчле чибәр кызны эзләп китә ул. Хатта язган адрес буенча барып, ишек кыңгыравына баса. Кат-кат баса, әмма чыгучы кеше булмый. Инде нишләргә, дип ишек төбендә таптанып торганда күршедән бер яшь ханым чыгып  монда беркем дә яшәмәвен әйтә. Берничә ай элек бу фатирда яшәүче әбине җирләгәннәр икән, аның янына килеп йөрүче оныкларының инде күптән бу фатирга аяк басмаганын сөйли ул. Нәрсә уйларга да белмәгән Дима кайтып китә. Әмма икенче көнне, аны тагы ниндидер бер хис тартып китерә әлеге фатир ишеге төбенә, кабат кыңгырауга баса, ишекне кабат беркем дә ачмый. Яңадан күршедән әлеге ханым чыга, Диманы чәйгә чакыра, кат-кат килүенең сәбәбе белән кызыксына. Бу очрашулар ешая һәм менә, өч ай элек яңа гаилә туа!
 «Көтә белмәсәгез, солдатны «Көтәм!» дип, ышандырып калмагыз!» – ди Дамир абый усалланып. 
Ә мин бу тарихтагы вакыйгалар, күршедә яшәүче ханым турында уйланам, чын хәлме икән бу?!
Сезнең егетегезне армиядән көтеп алганыгыз бармы? Сөйләгез әле!


 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 31 июль 2020 - 18:30
    Без имени
    Анлашылмады,озатып калган кыз кая булды,бу егет курше ханымга ойлэндеме
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7178
    7
    65
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4465
    0
    43
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2940
    4
    36
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    4807
    0
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9623
    6
    35
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда