Нигә мондый сынау?

Аңласа минем кебек хәлгә калган кешеләр генә аңлар хәлемне. Юк, аңламасалар да үпкәләмим. Әмма бер киңәш ишетәсем килә. Дөньяда бит әллә нинди хәлләр булып тора. Минем кебек хәлгә калган хатын-кызлар да бармы икән?

Унтугыз яшемдә, башымны югалтып, кара чәчле, зәңгәр күзле, озын буйлы бер егеткә гашыйк булдым. Хыялландым шул егет белән! Тормышымны шул егет белән генә күз алдыма китердем, һәр сүзенә ышандым. Аның җылы куллары мине бар әйбердән дә саклар, яклар кебек тоела иде. Әмма саклап җиткермәде шул... 
Кышкы салкын бер көндә мин үземнең авырлы икәнемне аңладым. Табиб 8-9 атналык срок куйды. Бу хәбәрне ишеткәч, егетем югалды. Дус кызларым ярдәме белән баладан котылдым, яңадан аякка бастым. 
Авыр булды. Әмма бирешмәдем. Укуымны тәмамладым, эшкә урнаштым. Эш буенча командировкага баргач, үземнән зуррак ир-ат белән таныштым. Арада мәхәббәт кабынды. Ике ел дуслашып йөргәннән соң туй иттек. Һәр яшь парлар кебек үк туйдан соң без дә бала хакында хыяллана башладык. Әмма барлык тестлар, анализлар тискәре нәтиҗә күрсәтте. Бала таба алмауның сәбәбен табиблар яшьлектә бала алдыруымнан дип аңлатты. Бала алдырганнан соң күп хатын-кызның баласыз калганы турында ишеткәнем бар иде. Әмма менә миңа кагылыр кебек түгел иде бу хәл. Элеккеге үпкәләрем, алдану ачысы яңадан калкып чыкты, төннәрен мине алдап калдырган егеткә рәнҗеп елый идем. Тормышыбызның бик авыр чоры булды ул. Төрттереп әйтелгән сүзләрне дә күп ишеттем. Ирем яхшы белгечләргә йөртте, психологлар тапты... Тормышны яңача кабул итәргә өйрәндем. Үземне башка яктан ачтым, күндем, килештем. Ирем белән икебез бергә, башка кызыксынулар белән яшәргә өйрәндек. 

– Гаилә бозылыр дип борчылма. Мин сине бик яратам. Икәүләп яшәрбез, мин сиңа дөнья күрсәтермен. Яралар төзәлгәч, бәлки, бала алырбыз. Мин синең белән, – диде ирем. Аның бу сүзләре күңелемә канат куйды. Баласыз гаиләләрнең бик сирәге генә бергә картая бит. Анысы турында да ишеткәнем бар иде. 

Күңелем белән эшкә бирелдем. Кичләрен кул эшләре белән утырам, балалар йортындагы балаларга күп итеп оекбашлар, бияләйләр бәйләп тапшырырга гадәтләндем. Ирем, чыннан да, мине бик еш төрле илләргә, шәһәрләргә сәяхәткә алып барды. Аллага шөкер, без бербөтен булып яшибез. Уртак кызыксынуларыбыз бар, сөйләшер сүзебез дә күп. 
Минем тарих менә шулай тәмамланырга тиеш иде кебек. Әмма юк! Тормышның без көтмәгән борылышлары да бар шул әле! 
Миңа 48 яшь. Дүрт көн элек мин үземнең бала көткәнемне белдем. Берәү булса шатланыр, биер иде бу хәбәрдән соң. Әмма минем бала табасым килми... Бала алып кайтыр өчен мин инде үземне шактый олы саныйм. Яшьтәшләрем арасында инде дәү әни булучылар бар. Бу хәбәрдән соң да күңелемдә әни булу теләге кабынмады. Аннары... Бу яшьтә бала табу – бала өчен дә куркыныч булырга мөмкин дигән уйлар да килә. Безнең яшь бара, ә без киткәч ул баланы кем карар, кем кулына калыр ул? Башымда мең төрле уй. Мин бит инде үземне ирем белән генә картаючы хатын-кыз итеп кабул иткән идем! Нигә тагын мондый сынау?!
Иремә әле бер сүз дә әйтмәдем. Аңа әйтсәм, ул әти буласына шатланыр, баланы алып кайтырга үгетләр дип куркам. Табарга теләмәвемне аңламаса, гаепләсә?!
Инде икенче кат әле тумаган бала каршында үземне гаепле хис итәм. Нишләргә дә белмим. Мине аңлап киңәш бирүче табылырмы?


Алсинә. Түбән Кама шәһәре.
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (23)
Cимвол калды:
  • 29 апрель 2021 - 15:15
    Без имени
    Әгәр кан басымыгыз уйнамый икән , нормада булса . күзләрегез яхшы күрсә . нерваларыгыз тыныч булса , башка хроник авыруларыгыз булмаса . баланы табарга кирәк . Әгәр инде авырлы , диеп . врачлар үзләре әйтсә . " Айлыкларыгыз " килмичәгәнгә генә , мин авырлы , диеп уйлыйсыз икән . бу климакс булырга мөмкин .Врачка барып тикшеренергә кирәк . аннары гына ирегезгә әйтергә .
  • 29 апрель 2021 - 00:10
    Без имени
    Сез бик эгоист икән... Әллә нинди уйдырмалар табып мин таба алмыйм дип акланып утырасыз... Ә син менә табып кара...
  • 28 апрель 2021 - 12:19
    Без имени
    Алсинә, баланы тапканыгызны белсәм, бик шат булыр идем. Монда язган кешеләрнең дә шулайдыр...
  • 28 апрель 2021 - 12:13
    Без имени
    Курыкмагыз, соң булса да, әни булуы тәмен татырсыз. Баланы имезәлсәгез, үзе бер блаженство (татарчасын белмим). Үзегезне саклагыз, озак яшәү серләрен өйрәнегез.
  • 23 гыйнвар 2021 - 20:15
    Без имени
    Конечно бала тудырырга. Мин 46 яшендэ таптым.👍
  • 23 гыйнвар 2021 - 08:12
    Без имени
    Эйе, 48 яшьтэ кеше топтэн фикер йортэ. Уйланмый гына булмас, билгеле. Хэзер бик нык тикшерэлэр, эгэр чыннан да бала турында уйласагыз дип эйтуем. Сезнен элекке гонахыгызны кичереп, сезне сынар очен бирэдер, бэлкем, Аллах бу баланы. Тагын утерсэгез, эш харап. Аллах хэерле тигез гомер бирсен сезгэ. Алып кайтыгыз, устерегез. Картаймыш конендэ укенмэссез. Узегезгэ бер терэк булыр. Э ятим калыр диеп курыксагыз, яшь кенэ парларнын да балалары ятим кала. Эле авария, эле авырып , яшьлэр дэ китеп тора. Нэрсэ язганын бер Аллах Узе генэ белэ. Алдан ук тумаган биянен билен сындырмагыз.
  • 22 гыйнвар 2021 - 07:20
    Без имени
    Табыгыз әлбәттә.Ул баланы кулыгызга алгач уйлаган уйларыныз өчен һкенәчәксез әле.Бер гөнаһсыз сабыйны ташламагыз,әле мин оныкларым өчен дә куанып ятам,аларның тәмлелеге,баланы кулыңа алгач үзең дә аңларсың җаным
  • 19 декабрь 2020 - 20:55
    Без имени
    Ходай сезгэ булэк жибэргэн,бу ходайдан булэк.Баланы тапмау турында муз Дэ булырга тиеш тугел!
  • 19 декабрь 2020 - 15:26
    Без имени
    Һеҙ бәхетле, әсә булыу бәхетен тағы ла һеҙгә Алаһы Тәғәлә бүләк итә, кире уйлай күрмәгеҙ, әлбиттә, табыгыҙ, берҙә һуң түгел, бәхет, сәләмәтлек теләйем һеҙгә.
  • 18 декабрь 2020 - 23:00
    Без имени
    Элбэттэ табырга, бала ул бит Аллаh булэге. Гел узегез турында гына уйламагыз инде. Ирегез сезне ташламаган, поддержал. Ирегезнен эти булырга хокукы бар.
  • 18 декабрь 2020 - 16:35
    Без имени
    Нинди муз 48 карт диеп Алла биргэн Балан,ны юк итэр иден, мени балам? Минем эни 9 бала тапкан,кече сен,лемне тапкан чакта,олы апамнын, улы тэпи йори инде. Берсен юк итеп,Зур гонах ясау житмэгэнме? Тагы юк итэргэ дигэн уй каян башыгызга килде? Баланын, тэмле Зур яшьтэ бигрэк тэмле була ул эле. Ислэре, кукрэк сотен имулэре,кутен убэ-убэ устереп ,менэ чын бэхетне шунда гына ан,лыйсын,!
  • 18 декабрь 2020 - 13:19
    Без имени
    Узен сэлэмэт булсан... Алып кайт, эни булудан да зур бэхет юук ❤️Бэхетле булыгыз амин...
  • 18 декабрь 2020 - 12:40
    Без имени
    Тилермэгез инде.ничэ яшьтэ булсагыз да Ходай булэген кабул итэргэ кирэк.ирегезгэ менэ дигэн булэк булыр бу...укенмэссез.
  • 17 декабрь 2020 - 22:50
    Без имени
    Врачлар нинди кинэш бирә сон? Сезне Аллаһы Тәғәлә гафу иткән
  • 17 декабрь 2020 - 21:09
    Без имени
    Сез узегез турында гына уйлаучы эгоистка. Купме еллар бала турында хыялланып инде хыялга юл ачылгач бернинди икелэнугэ урын да булырга тиеш тугел. Минем 34 яшьтэ,килендэшемнен 50 яшьтэ улларыбыз туды . Хэзер аларга 23 яшь Бу бит бэхет.Ирегезне шатландырыгыз. Бэхетле бала устерегез.
  • 17 декабрь 2020 - 20:49
    Без имени
    Аллаһы тәгалә биргәнне, рәхмәт әйтеп кабул итәргә кирәк.
  • 17 декабрь 2020 - 20:22
    Без имени
    РАББЫМАЛЛАҺ ахырларын хәерле итсен, сез баланы табырга тиеш, АЛЛАҺ биргән бала, һәр бала үз бәхете белән туа, اِنْ شَ اَللّهْ🤲🤲🤲، аборт кеше үтерү, зур гонаһ, АЛЛАҺка каршы бару, ирегездә сезне гафу итмәс, сезгә бәхетле киләчәк телим
  • 17 декабрь 2020 - 20:07
    Без имени
    Эгоистка булма, иренэ эйт, ул ни дисэ шул булыр.. Бала тугач эни хисе киллер Алла боерса..
  • 17 декабрь 2020 - 19:55
    Без имени
    Һәрбер бала үз ризыгы белән туа. Бала -Аллаһы Тәгалә бүләге. Картлыгыгызны уйлагыз, кем карар сезне, картлык һәр кешегә килә. Сезгә Аллаһы Тәгалә хәзер биргән сезне сынау өчен, ә аборт ясату- бик зур гөнаһ. Уйлагыз ...
  • 17 декабрь 2020 - 19:51
    Без имени
    Жулэрлэнмэ алып кайт баланны мине энием 46 яшендэ тапкан эле минем балаларымныда устереште рэхмэт укыйм
  • 17 декабрь 2020 - 19:34
    Без имени
    Бала үз ризыгы белән туа, бала-Аллаһы Тәгалә бүләге, димәк, сиңа шушы вакытта биргән, картлык килә ул, картлыгыгызда шул бала кулына калырсыз, Ин шәә Аллаһ. Тап балаңны, бала төшерү- бик зур гөнаһ. Аллаһы Тәгалә ярдәм бирсен, әәмиин.
  • 17 декабрь 2020 - 19:20
    Без имени
    Үпкәләмәгез, әмма сез электән үк бала яратмагансыз. Берне үтергәнсез, инде икенчесен дә үтерергә җыенасызмы?! Сезгә ир җенси теләгегезне канәгатьләндерер өчен генә кирәкме? Гаилә булыр өчен бала кирәк, һичьюгы сез берәр ятимне бәхетле иткән булыр идегез бу яшькә җиткәнче.
  • 17 декабрь 2020 - 18:33
    Без имени
    Аллаһ шул бала хакына гомеоегезне озынайтыр сәләмәтлек бирер иншә Аллаһ
Хәзер укыйлар
  • 7906
    1
    69
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    7888
    1
    55
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    5803
    2
    53
  • Югалткан мәхәббәт Фәридә Казандагы сәүдә йортында йөргәндә үзенең яшьлек мәхәбәтен очратып, имәнеп китте. «Айрат!» – дигән cүз әйтерсең хатынның теленнән кош кебек чыгып атылды.
    4157
    1
    46
Реклама
Соңгы комментарийлар
  • 12 май 2021 - 11:54
    Без имени
    Дура - бердэнбер туры килгэн суз. Ничек шулкадэр узенне яратмаска була ул,анламыйм
    Сабыр төбе – кара упкын
  • 11 май 2021 - 13:31
    Без имени
    Нигэ мэктэпкэ кереп балаларны.атып ктергэч кенэкуркыныч чаралары курелэ?Кая булган охрана?
    «Әни, аталар, без парта астында....»
  • 11 май 2021 - 14:59
    Без имени
    Аллаһы тзгалә сабырлыклар юирсен. Сабыйларга шифа бирсен Раббыбыз.
    Террорист кулыннан зыян күрүчеләр арасында хәзрәт балалары да бар
  • 11 май 2021 - 23:40
    Без имени
    Аллаһ ярдәменнән , рәхмәтеннән бер мизгелгә дә калдырмасын! Балалар исән - сау терелеп чыксыннар! Бик авыр кайгыгыз белән уртаклашам..Аллаһ Раббым сабырлык, түземлек бирсен. Әмин!
    Террорист кулыннан зыян күрүчеләр арасында хәзрәт балалары да бар
  • 12 май 2021 - 11:24
    Без имени
    Бик кызганыч.Яшь кыз баланың гомере өзелде.Ата- анасы,туганнары өчен бик зур кайгы. Хезмәт юлын күптән түгел генә башлаган укытучы,мәктәпне,балаларны яратып эшләгән бит ул. Авторга әйтәсе сүзем шул- Эльвира чын укытучы,шуның өчен үзенә авыр булса да мәктәбен,укучыларын калдырып китә алмаган.Мәктәп тормышы белән яшәгән,укучылары ,аның өчен,иң кадерле кешеләр булганнар.Ул җаны,тәне,йөрәге белән тырышып эшләгән.Эх,Эльвира кебек укытучылар күбрәк булсын иде.
    Эльвира Игнатьева: «Май аеннан яши башлармын...»
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»