Мәскәү егетләренең барысы да шундыймы? 

 

Динә мине үзенең абыйсы белән таныштырам дигәч, бик теләп риза булдым. Ринатның ике атна элек кенә Мәскәүдән кунакка кайтканын ишеткән идем инде. Мәскәү егетләре бөтен кешегә эләкми ул, танышам әлбәттә!  

Беренче очрашуыбызны  минем эш урынымнан ерак түгел, үзәктәге ресторанда булыр дип күзаллаган идем. Динә белән кайвакыт шунда төшке ашка кергәлибез без. Яңа күлмәк алдым, чәчемне кистереп кайттым. Ринатка бик чибәр булып күренәсем килә иде.  Без паркта очраштык.  

- Саф һавага ни җитә! – диде Ринат. – Агачларның яшел яфракларына сокланып, кошлар сайраганны тыңлап узыйк әле, менә шул сукмаклардан... 

- Әлбәттә! – дидем елмаеп. Мәскәү кешесе белми әйтмәс! Бер чәшкә каһвәне саф һавага алыштыралармы ни?! 

Ринат белән уртак телне тиз таптык. Рәсем сәнгате турында сөйләштек, аннары яраткан киноларыбызга күчтек. Китапларга килгәндә – мин романтик әсәрләр яратам, ә ул финанс үсеш турындагыларны укый икән. Матур гына саубуллаштык, мин автобуска утырып киткәндә ул ягымлы итеп кул болгап калды.  

Без очраша башладык. Ринат мине эштән каршы ала да, икәүләп яраткан сукмакларны таптыйбыз. Парктагы һәр агач, һәр сукмак белән танышып чыктык инде. Беркөнне үзем кафега керергә тәкъдим иттем. Урамда суык иде. 

Кафеда мин кайнар каһвә алдым, ә ул су сорады. Кафеин зарарлы икән, миңа да артык мавыкмаска киңәш итте.  

Берничә көннән, афиша тактасы яныннан узып барганда премьера буласын күреп алдым. Барырга сөйләштек. Ринатның да күптән татарча спектакль караганы юк икән. Премьера буласы көнне егетем белән театр каршында очраштык. Ул миңа Чакыру билеты тоттырды. Кайчандыр бергә укыган группадашы аша тапканын бик зур батырлык итеп, озаклап сөйләде ул. Билет тикшерүчеләр яныннан тыныч күңел белән узсак та, Чакыруга урыннар язылмаган иде, ул театрга узу өчен генә булган икән. Шуңа күрә башта баскычта озаклап башка тамашачылар кереп беткәнне көтеп торырга туры килде, аннары, билетлар сатылмаган урыннарга кереп утырдык. Урыннар гына икесе ике рәттә иде... 

Дус кызым кунакка чакыргач, Ринат бүләккә үзе яңа гына укып бетергән китапны алып барырга тәкъдим итте. Миңа кунакка килгәндә торт яки башка тәм-том урынына, романтика оештырабыз дип, фильм карар өчен үзенең проекторын алып килгән иде. Уф... 

Беркөнне әни, әбиемә күчтәнәчләр, азык-төлек илтеп килергә кирәклеген әйтте. Казанга якын бер районда яши ул. Мин Ринаттан ярдәм сорадым. Аның җавабы һәрвакыттагыча, бик позитив иде, теләп ризалашты. Кичтән, маршрут автобусының йөрү вакытын белештек, иртән, икебез дә зур сумкала күтәреп әбием янына кузгалдык. Ринат белән юл йөрү ошады миңа, төрле кызык тарихлар сөйләп көлдерде, икебезнең дә кәеф күтәренке иде. Әбиемдә бергәләп утырып чәйләр эчкәч, кайтырга кузгалдык. Шәһәргә килеп җиткәч, Ринат саубуллашырга ашыкты: «Минем стоянкадагы машинага вакытында акча түләргә кирәк, ярты сәгатькә генә соңга калсам да штраф булачак,» – диде. «Синең стоянкада машинаң бармы ни? – дидем исем китеп. – Мин бит сине поезд белән кайткансың дип аңлаган идем. Ә нишләп соң без бүген автобус белән йөрдек?» Ринат миңа бензинның артык кыйбат булуын, машина белән йөрү уңайсыз икәнлеген аңлатты. Дәшмәдем. Саубуллаштым да, трамвайга утырып өемә кайтып киттем. Өйдә уйланып утырганнан соң, Ринатка хәбәр юлладым: «Бергә үткәргән көннәр өчен рәхмәт. Башка очрашмавыбыз хәерлерәк булыр. Саранлыкта гаепләмим, һәркемнең үз яшәү рәвеше. Әмма мин башка төрле яшим.» дидем. Җавап озак көттермәде. «Бәхет акчада түгел. Шуны аңлагач, кабат аралашырбыз!» дигән иде ул.  

Менә шундый хәлләр, кызлар. Арагызда Мәскәү егетләре белән очрашучылар бармы? Барлык Мәскәү егетләре дә шундыймы ул, Ринат кынамы?..  

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 31 май 2020 - 18:42
    Без имени
    Яшь вакытта акчага тыйнак кеше олыгая бара бик саранлана, вакчылга эйлэнэ, факт
Хәзер укыйлар
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    8785
    1
    58
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    6351
    3
    55
  • Югалткан мәхәббәт Фәридә Казандагы сәүдә йортында йөргәндә үзенең яшьлек мәхәбәтен очратып, имәнеп китте. «Айрат!» – дигән cүз әйтерсең хатынның теленнән кош кебек чыгып атылды.
    4774
    1
    48
  • SOS! Җанымны коткарыгыз! Бу язма – Бөек Ватан сугышы фронтларының алгы сызыгында көн саен үлем белән очрашып та исән-сау әйләнеп кайткан, ләкин гаиләдә икенче сугышка, ир тарафыннан җәбер-золымга эләгеп, дөньядан вакытсыз китеп барган хатын-кыз язмышы турында...
    5174
    1
    40
Реклама
Соңгы комментарийлар
  • 17 май 2021 - 10:17
    Без имени
    Авыр кайгыгызны уртаклашам Илсия усканем. Сезнен барыгызга да Аллах тагалэ сабырлык бирсен.
    Илсөя Бәдретдинова авыр кайгы кичерә
  • 17 май 2021 - 11:08
    Без имени
    Ускэнем, романтиканы уз семьянда да ясарга була. Иренэ карата рахмэтле булырга ойрэн. Узенэ карата кызыксындыру чаралары уйлап тап. Ял кеннэрендэ семья белэн бергэлэп паркка бару,урманга чыгу. Табигаттэ бик матур урыннар бар бит.Балалар да шат булыр,ирен дэ ,узен дэ.Кичен гади булса да матур итеп стэл эзерлэп, шэм яндырып, тыныч музыка куеп,матур итеп киенеп ирен белэн матур кичлэр ясагыз.Иренэ ни телэгэненне кайбер вакытта булса да анлатырга кирэк,такдим итэргэ. Кешенен кадерен бар вакытта белергэ кирэк.Ирегез дэ, узегез дэ ихтирамга лаек кешелэр бит сез. Ихтирамга лаек кешелэр яратуга да лаек.Сез хатын кыз да ,эни кеше дэ. Бер дигэн матур гаилэ.Бер берегезне куандырып матур итеп яшэу чарасын уйлагыз ускэнем.
    Хисләремне ничек йөгәнлим? 
  • 17 май 2021 - 13:42
    Без имени
    Минем кызым да шулай яшәде. 6 елдан соң бала белән ире кышкы салкында куып чыгарды. Соңыннан бик кайтарасы килде җибәрмәдем. Кабат кияүгә чыкты. Бусы кояшым дип кенә тора .3 кызлары бар хәзер.Ә теге ире өйләнсә дә бер хатын белән дә тора алмады. Кызыгыз бәхетен табар. Чир китә гадәт китми ул. Кире кайта күрмәсен.
    Дөньям җимерек 
  • 17 май 2021 - 15:09
    Без имени
    Их, кешегә киңәш бирүе җайлы да ул.... Притчасы да бик акыллы. Ә менә башка төшсә, акыллы сүз киңәшне үтәве кыен шул
    Син кем: кишер, йомырка яки кәһвә?
  • 17 май 2021 - 15:14
    Без имени
    Гаилэ тормышы таркалуда,хэрбер гыйбрэтне курсэткэндэ,рэхэт яшэгэн хатыннарыбыз хавалана,мактана."Ирлэрне ир иткэн дэ,хур иткэн дэ хатын.Койгэ килми торган ир булмый,акыл белэн ,койлэп яшэргэ кирэк",дип акыл сатарга ярата.Сезгэ Аллахе Тэгалэ тарафыннан бирелгэн язмыш булэген узегезнен тэрбия дип уйлыйсыз,сез акыллы булгач,тормыш майлаган кебек бара,дип хаваланасыз.Юк,мен тапкыр юк!!!Сезнен ирегезне бала вакыттан ук,акыллы эти-эни ,узлэре урнэгендэ дорес итеп тэрбиялэгэннэр.Бу сезнен заслуга тугел,кайната-кайнанагызга рэхмэт укып яшэгез,алар заслугасы,алар тэрбиясе.Сезгэ отышлы лотерея билеты элэккэн,авызыгызны йомыгыз.Менэ сез шушы язмадагы иргэ барыгыз да,акыл белэн,зирэклек белэн кеше ясагыз,шул вакытта,мин сезнен дорес кеше булып,матур сузлэр сойлэп утыруыгызга бэя бирер идем.
    Дөньям җимерек 
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»