Логотип
Күңелеңә җыйма

Иреңнең читтә баласы туарга тиеш диделәр

Минем урында булсагыз, сез нишләр идегез, зинһар, киңәш бирегез әле.

Минем урында булсагыз, сез нишләр идегез, зинһар, киңәш бирегез әле. 
Бер атна элек бер танышым, урамда очрап, иремнең тиздән читтә баласы туарга тиешлеген әйтте. Очраклы очрашу булмады бугай бу, махсус мине күрер өчен көтеп торган иде, ахрысы. 
Аның алдында сер бирмәскә тырыштым инде. «Чибәр, акыллы ир-атка мондый яла ягучылар күп инде, без ияләшкән. Җитәкче урында эшләгәч, акчасына да кызыга хатын-кыз, әллә нинди мәкерләр корып, үзенеке итмәкче. Шуларның чираттагысыдыр», – дигән булдым. 
Ә үземнең эчкә шик керде. Атна буе инде йокы күргән юк.
 Без ияләшкән, дидем дә, мондый ук хәбәр ишеткән юк иде бит әле. Дус кызлар арасында: «Бөтен ир-атлар хыянәт итә, синеке генә йөрми калмас инде», – дип әйтүчеләр еш булды анысы. Әмма иремнең миңа берни сиздергәне булмады моңарчы. Кеше әйтә дип кенә мин аны хыянәтче дип саный алмыйм бит инде...
Эштән соңарып кайткан чаклары булгалый, билгеле. Тик ул җитәкче кеше, билгеле бер сәгатькә генә килеп, эш сәгате тәмамлануга кайтып китә алмый. Соңара икән, гел шалтыратып хәбәр итә: мин аның кайда икәнен һәрвакыт белеп торам. 
Танышым: «Ул иреңнән бала табачак», – дигән кызны якыннан булмаса да беләм мин. Ирем оешмасында бер-ике ел эшләп китте ул. Кинәт кенә китеп баруы миңа бик аңлашылмаган иде ул чакта. Әйбәт кенә эшләп йөргән  җирдән китте дә барды. 
Атна буе иремә ничек сүз башларга белми йөрим. Әгәр бу хәлләр дөрес булып, аңа гаиләдән китәргә бер сәбәп кенә кирәк булса? Мин тавыш чыгарып, шул сәбәпне үзем ясасам? «Әти» дип өзелеп торган улым белән кызымны шулай итеп әтисез калдырсам? 
Шул ук вакытта эчемдәге шиктән дә котыла алмыйм. Аның белән яшәү дә бик авыр... Берни булмагандай элеккечә елмая алмыйм бит.
Әллә тагын бераз сабыр итәргәме икән, дим. Белмәмешкә салышсам хәерлерәк булмасмы икән? Ир-ат гаиләдән китәргә уйласа, аны барыбер туктатып булмаячак инде. Тәмам башым катты. Әнигә дә сөйли алмыйм. Кызу кеше ул безнең, аерыл дип әйтер дип куркам. Ә мин иремне яратам шул. Һәрхәлдә, моңарчы яратып яшәдем, хәзер белмим инде. 
Исемем редакция өчен генә. 


 

Следите за самым важным и интересным в Telegram-каналеТатмедиа

Комментарийлар

  • аватар Без имени

    0

    0

    Минэм ирнэн ике туганыннын куршэ кызынын баласы туды шул кыз тэки малай тапты хатыны бер суз эйтмэде торып яталар хатыны бэлэн ул тузе узе шул ир ичэ иде уткэп идэ ире теге кызга ойлэнмэдэ быел шул ир ичэп ульдэ.шул куршэ кызы яшь кыз тугэль 35 яштэ.наслетствосын кэрэп сорай башлады.син апай туз куып чыгарма аеылылма эйбэт булса.

    • аватар Без имени

      0

      0

      Һин йәш булһаң да бик сабырһың,аҡыл менән уйлап эш итә беләһең. Китер булһа,ирең күптән мең сәбәп табып,тауыш сығарыр ине. Ә теге ҡыҙ иреңдән ауырға ҡалып,анһат ҡына һинең урынды алырға уйлағандыр,тик планы килеп сыҡмағас,хәҙер һин тауыш сығарһын,ирен ҡыуһын тип көтәлер. Өндәшмә әлегә,ауыр булһа ла балаларың,үҙең ,иреңде ҙур кеше итер өсөн түккән көсөң хаҡына түҙ. Артабан да йәшәй алһағыҙ,йылдар уҙғас,һорарһың. Ә инде ирең үҙе шулай аҫтыртын йөрөмтәл булып,тағы берәй ҡыҙҙан сәләм килә икән,пошёл он к чёрту тийәрһең.

      • аватар Без имени

        0

        0

        Ашыкма сенелем барда эйбэт булыр курэ алмаучылар куп хэзер сабыр ит!!

        • аватар Без имени

          0

          0

          Сабыр ИТ,са́бы́р тэбе-сары а́лтын-дилэ́р би́т.Барысы да жайланыр

          Хәзер укыйлар