Ир-атның күңелен хатын-кыздан нәрсәләр кире кайтара – белергә телисезме?

Үзләре алар бу хакта менә ниләр сөйли:
 
* «Кызлар сүгенә башласа мин әллә нишләп китәм. Кайберләренең сөйләшүе тоташ сүгенү сүзләреннән генә тора бит... Андый чакта минем чытырдатып күзләремне йомасым килә: юк, бу дөрес хәл түгелдер – колакларым ялгыш ишетәдер... Гүзәл затлар авызыннан шундый ямьсез сүзләр яңгыравы, нәрсә әйтсәң дә, гайре табигый күренеш инде...»

* «Бөтен нәрсәне дә үзем беләм дип уйлаган кызлар ошамый. Чынлыкта, андыйлар белергә кирәк булмаган нәрсәне, юк-барны гына белә».

* «Ә мин тәмәке тарткан кызларны яратмыйм. Кыз балага килешми инде тәмәке тарту, сәламәтлек өчен дә зыяны зур. Аннан – тәмәке исе килеп торган кыз белән ничек үбешәсең инде?!»

* «Һәр төрле яңалыктан уттан курыккандай өркегән кызлар бар. Андыйлар хәтта башка төрле фикерне тыңлап та тормый: әйттең ни, әйтмәдең ни... Андыйлар үзләренең хаксыз булуы белән беркайчан килешмәячәк».

* «Синең белән очрашуга килгәч тә телефоныннан аерыла алмаган кызлар бар. Дуслар белән күрешкәндә дә күзе гел телефонда аның. Синең яныңда күңелсез икән, әйтсен дә, китеп кенә барсын».

* «Нәрсә теләгәнен үзе дә белмәгән кызларны яратмыйм. Кайчак ике әйбернең берсен сайлау, чыннан да, кыен була – анысын аңлыйм. Әмма һәрвакыт бөтен нәрсәне мин хәл иткәнне көтү... Юк, монысы белән килешмим. Аның бит үз фикере дә булырга тиеш».

* «Үз-үзенә ышанычы булмаган кызлар янында кыен миңа. Бәлки моңа ул гаепле дә түгелдер... Әмма һәрвакыт зарланып, үзен түбәнсетеп торган кешегә ничек түзеп бетәргә соң?! Адым саен комплекс бит аңарда».

* «Ялганлаганны кабул итә алмыйм. Бертуктамый сине алдап торган кешеләрдән ераграк булырга тырышам. Дөресен сөйләү авыр түгел бит югыйсә. Үзара мөнәсәбәтләрдә шундый кирәк бит ул дөрес, ихлас булу!»

* «Синнән бертуктаусыз нидер таләп итеп, үзе берни эшләргә теләмәгән кыз кемгә ошасын?!»

* «Синең үзең турында түгел, кесәңдәге акчаң турында гына уйлаган кызлар бар. Мин аның өчен түләргә каршы түгел, әлбәттә, әмма кайчак, күңел өчен генә булса да: «Әйдә, яртысын үзем түлим!» – дисә дә була бит. Минем исәптән ашарга килгән бу, дип уйламас идем ичмасам».

* «Социаль челтәрләрдә генә яшәгән кызларны аңламыйм. Аларның һәр адымы шунда теркәлеп бара. Егет белән очрашуга килгәч ашаган ризыкның фотосын да нигә куярга ди инде?!»

* «Хатын-кызга ярдәм итәргә, аның янында үзен бераз рыцарь итеп тоярга теләмәгән ир-ат юктыр инде ул. Мин дә булышырга яратам. Әмма кулыннан берни килмәгән, бөтен эшне син башкарганны көтеп утырган хатын-кызга түгел!»

* «Хатын-кыз һәрвакыт үзе булып калырга тиеш. Миңа ярарга тырышу өчен генә, үзе яратмаганны нигә яратам дип әйтергә аңа?! Моннан ни үзгәрә? Чын күңелдән түгел икәне барыбер сизелә бит».

* «Үз-үзенә генә гашыйк хатын-кызлар бар. Беренче чиратта үзләре хакында гына уйлаганга ошамый да алар миңа».

* «Дус кызларын гел яманлап, сөйләп торган кызлардан ерак булырга тырышам. Бу сыйфаты аның үзенең холкы турында да бик күпне сөйли». 

фото: https://pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    1566
    22
    189
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5191
    2
    71
Реклама
Соңгы комментарийлар
  • 14 октябрь 2021 - 20:56
    Без имени
    Бик куркэм, эчтэлекле язма. Анда эйтелгэнчэ бэхет сезнен бн янэшэ йорсен.
    Оясында ни күрсә...
  • 14 октябрь 2021 - 20:30
    Без имени
    Бик матур унган, булган, топле гаилэ. Килэсе коннэре гез аяз, тыныч бэхет э утсен. Шундый язмалар килэчэк тэ дэ туып торсын.
    Оясында ни күрсә...
  • 15 октябрь 2021 - 08:28
    Без имени
    дус кызларны иялэштерергэ кирэкми икэн ул.
    Нигә мине чүпрәк итәләр?!.
  • 14 октябрь 2021 - 23:07
    Без имени
    "бала өчен дип" үзегезнең ахмаклыгызны гына бала бәхетеннән (һәм үзегезнең бәхетегездән дә) алда куймагыз. балага кирәк әти. балага кирәкми әтигә охшаган хәйван.
    Мәхәббәттән нәфрәткә бер адым икән
  • 14 октябрь 2021 - 22:31
    Без имени
    Огромное спасибо за информацию. Крурсы валют
    Бәхетле очрак-2
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан