Кыяфәтең ни сөйли?

Кемнең генә төз гәүдәле, яшь, матур һәм сәламәт буласы килми икән? Тормышта үз урыныңны табу, уңышка ирешү өчен дә иң мөһим шарт бу. Эшләре гөрләп барган чакта кеше ару-талу белән исәпләшми. Эшлекле, дәртле, бүтәннәрнең игътибарын җәлеп итәрлек сылу-чибәр булып күренү кайчакта кешенең үзеннән дә тора. Һәрхәлдә, «Уң килгән, уңышлы кеше» имиджын булдыру һәм саклау  турында уйлану зарур. Кием-салымына, төс-кыяфәтенә, үз-үзен тотышына игътибарлы шәхес хакында бу бик булдыклы, уңган, эшлекле дип уйлаулары табигый.

Әминә, мин кара төсне яратам: өстемә киеп йөри торган киемнәремнең күбесе кара икән. Бу төс миңа килешә дип уйлыйм. Ә тирә-юньдәгеләр гел карадан киенә торган хезмәттәшләрен ничек кабул итә икән? Мин бер фирмада бухгалтер булып эшлим. Ачык, чуар, бизәкле киемнәр миңа бигүк килешеп бетми дип уйлыйм.
– Әгәр сез бухгалтер икән, кара төс сезгә кирәкле имидж тудырырга булыша дип исәплим. Җитди, эшлекле сөйләшүләр алып барганда караңгырак төстәге кием кию урынлы. Ә кара төс белән мавыгуыгыз тиздән узачак. Кара төс сексуаль – җенси дәрт өсти торган төсләрдән санала. Дөрес, ул берәүне дә яшь­рәк күрсәтә торган төс түгел. Тормышыгызда үзгәрешләр булгач, төсләр палитрасына карашыгыз да үзгәрәчәк. Күңелегез күбрәк ачык-якты төсләргә тартылачак.

Җәй җитүгә калын, авыр киемнәрне салып ташладык. Җиңел, юка күлмәкләр рәхәт бит. Ләкин тулы гәүдәлеләргә артык килограммнарны яшерү авырлашты.
– Әйе, җәйге әсседә күләмле киемнәр артык. Дөрес, 2010-2011 елгы көзге-кышкы модалы киемнәр коллекциясендә зур күләмле әйберләр дә шактый. Әлбәттә, күләмле әйберләргә, артык авырлыкны яшерер чамасы булганнар сөенә. Ка­гыйдә буларак, күләмле әйберләр кешене ябык, җыйнак итеп түгел, ә бәлки зур, авыр гәүдәле итеп күр­сәтә. Ә менә ярымсыланып торган (кием белән тән тиресе арасында 2-3 сантиметр ара калырга тиеш), җиңел, шома, шуышучан тукымалардан тегелгән киемнәр теләсә кемне зифа, сылу итеп күрсәтергә мөмкин. Һәр очракта да гәүдә, тән төзелешен истә тотып әш итү мөһим. Артык авырлыкны яшерүнең хәй­ләләре күп. «Алма» тибындагы гәүдәле булсагыз бил, арка тирәсе калыная, ә аяклар, бот тирәсе төз килеш кала. Киң туника, бил өлеше күтәренкерәк итеп тегелгән җәйге җиңел-иркен күлмәкләр аларга ае­руча килешә. Ә «груша» тибындагы тулы гәүдәлеләргә билдән ки­ңәеп киткән клеш итәк һәм киң чалбар кулайрак.

Мин бизнес белән шөгыльләнәм. Партнерлар белән килешүләр төзегәндә төпле, җитди, ышанычлы ир-ат имид­жы мөһим. Кеше күрке — кием. Бу очракта нинди киемнәр отышлырак?
– Психологлар шундый эксперимент үткәргәннәр. Юлны аркылы чыгарга тротуарда күп халык җыелып тора икән. Яшел ут кабынганын көтеп тормыйча джинс, свитер кигән яшь егет юл аркылы чыга, әмма аңа берәү дә иярми. Килешле яхшы костюм, ак күлмәк кигән, галстук таккан ир, кызыл ут янып торуына карамастан, юл аркылы чыга башлагач, җыелып торган төркем дәррәү аның артыннан иярә. Караңгырак төстәге яхшы костюм, аксыл күлмәк, модалы галстуклар олпат, күренекле, төпле итеп күрсәтә, кешегә җитдилек өсти.

Җәй көне урамда, транспортта кайбер ханымнардагы бижутериягә күзем төшә дә, кызыгып куям — гап-гади материалдан, пластиктан гына әшләнгән булсалар да, ул муенса-алкалар гаҗәеп матур күренәләр. үземнең дә шундыйларны тагасым килә килүен дә, тик икеләнәм: андый бизәнү әйберләре кияр яшьтән чыкмадыммы икән әле мин?
– Затлы, кыйммәтле бизәнү әйберләре хатын-кызның дәрәҗәсен, статусын билгели, аның җәмгыяттә тоткан урыны турында сөйли. Унҗиде-унсигез яшьлек туташлар алтын бизәнү әйберләре такканда, әлбәттә, үз яшьтәшләреннән өлкәнрәк тоелачак. 

Яшьрәк күренергә теләгән клиентларыма исә мин гади бижутерия тагарга киңәш итәм. Бигрәк тә җәй көне. Күктә кояш балкып торганда, бөтен җирдә гөлләр чәчәк атканда, якты, җете ачык төсле бижутерия һәркемгә килешәчәк. Аның үзегез яратканын, күзегезне, күңелегезне сөендергәнен сайлап алу исә бер дә авыр булмас.

Реклама

Иң мөһим һәм кызыклы язмаларны Татмедиа Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 25 февраль 2020 - 22:48
    Без имени
    Вакытында кияугэ чыгып, балалар тапсан, иренне яратсан, куп хатынлылык турында авыз ачмас иден, син уз иренне башка хатын белэн булешер иденме? Авылларда егетлэр буа барлык, берэрсен шул квартирана алып кил дэ, юып, чистартып, коен койлэп, ашатып,жыештырып яшэ, я узен авылга кайтып эшлэп яшэ. Кеше ирен аздырып, анын оенэ балаларына кайтасы акчасына, типтереп яшэуче хатыннар кубэйде шул. Син узеннен иренне булдыр, кеше оясы на кукэй салып бэхетле булырмын, дисенме? Ул ирнен гаилэсендэге куз яшьлэре, рэнжешлэр тошэ, сезнен азгынлык очен балалар авырулары белэн тули, алар да бэхетсез тормыш тозы, бэхетсезлек чылбыры буыннан- буынга
    Ирек хакы
  • 25 февраль 2020 - 22:51
    Без имени
    Кеше куз яшьлэрендэ бэхет тозелми бэхетсезлек чылбыры буыннан - буынга озыная бара, бумеранг законы эшли, онытмагыз
    Ирек хакы
  • 25 февраль 2020 - 23:00
    Без имени
    Рахмэт укый башлагач туктап булмый айбэт язылган.
    Ай сылуы-5
  • 26 февраль 2020 - 00:29
    03yeh68
    безда нак шулай уйный идек. кулмактер чалбардыр .... .... ..... барысы бар бар иде.
    “Ыштан” кыйссасы
  • 26 февраль 2020 - 00:05
    Без имени
    мин да шулай 35 ел бертуктаусыз кайтып йордем. гел эшладем. жир казыйсын баранге утыртасын кумсен кортын чуплисен аласын базга салысын печан чабасын чогендер аласын. ойга остап ой салдым эниларга. коймаларны круговой 2 тапкыр агачтан алыштырдым. тамам тугач тимер баганалар калай койма куйдым. абзарны уртасыннан трактор белан утешле итеп ферма салдым 6 бура куйдым. бер кешеда ярдам итмаде. 26 яшемда ойланам дип эйткач эни ойландермаде - ирта эле диде. тагы 3 туганым бар. только туганнар узларе очен туганнар. ой тубасен япканда абый аракы эчеп кул буенда ятты. 32 яшемда ойландем. барысы да бар минем. 3 булмале квартира, шахар читенда ике йортым да бар. машиналарны сангада кертмим. соглы елларында эни бик нык чирладе хам жафалады. гел сукте мине. эзрак башы киткан иде мэрхумнен. бик авыр булды. башынан уткан кеше гена бела аны. бар пычрагы астында. хазер инде узем беттем пенсияга эле ерак так вот топ мысыл --- юлар булганмын 35 ел буена кайтып йореп. узема гена эшларга кирак булган.
    «Ирне ташлап йөрү буламы?!» 
Реклама
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...