Алтын көз кызлары

Көз тибындагы хатын-кызлар алтынсу яки аксыл-сары йөзле (кояш начар алу белән аерылып торалар), бакыр, каштан, җирән чәчле; яшел, зәңгәр, соргылт-зәңгәр, көрән күзле була. Каш һәм керфекләре куе һәм аксыл. Еш кына мондый хатын-кызлар сипкелле дә әле. Сез үзегезне таныйсызмы? Сезгә нинди төсләр килешә соң? Шуның турында сөйләшик.
МАКИЯЖ. Үтәкүренмәле тональ кремның ачык тән төсендәгесен сайлагыз. Вак сипкелләрне буямагыз – алар сезне яшь, сөйкемле күрсәтә бит!
Бит иннеген караңгы пудра белән алмаштырсагыз да була – яңак сөяген каралту да җитә. Көз хатын-кызына салкын тонлы (алсудан алып шәмәхәгә кадәр) бит иннеге бөтенләй килешми!
Каш һәм керфекне, иң яхшысы, табигый көрән төскә буяу. Керфеккә кара яки яшел тушь та тидерергә була, кашлар исә чәч төсеннән караңгырак калырга тиеш.
Күз буяулары. Көрән һәм яшел тондагы җылы төсләр – сезнеке. Тутык төсмер кергән көрәннең – җылы сары, салат төсенең – алтынсу, күк төсенең кызгылт-көрән белән ярашуы бик эффектлы күренә. Салкын тоннар һәм перламутр турында онытыгыз, алар сезгә килешми.
Күз кабагын куе зәңгәр, шәмәхә яки миләүшә төсендәге күз каләме белән ассызыклый аласыз, әмма андый макияжга туры килердәй кием сайлау да бик мөһим. Кара каләм сезне ямьсезләр генә. Көз хатын-кызына көмеш перламутр кергән иннекләр килешми – алтынны сайлагыз.
Җемелдәп торучы ирен ялтыравыгын (блеск) игътибардан ычкындырмагыз. Сезнең төсләр – җылы кызыл, җирән әфлисун, куе бакыр, тутык төсе. Акцентны күздә ясарга теләсәгез, кызыл балык төсле иннек сайлагыз.
КИЕМ. Сезгә бер үк төснең караңгы һәм якты төсмерләреннән торган комбинацияләр, йомшак куе төсмерләр, «балчык» төсләре, хаки, көзге яшеллек төсе, алтын, тән төсе, горчица, кызгылт-көрән, шампан шәрабы төсләре килешер. Ак күлмәк һәм кара костюм – сезнеке түгел! Ак урынына якты какао һәм фил сөяге төсен, кара урынына куе көрән яки куе яшелнең җылы төсмерләрен сайлагыз. Ә менә соры, күк, салкын алсу, якты әфлисун, зәңгәрсу кызыл төсләр сезгә бөтенләй бармый.
Сезгә бик туры килүче стиль – фолк, спорт һәм кантри.
Киемне сайлаганда нигез итеп алтынсу тән төсен, сары төсмерле куе яшелне, җирәнне алып, кызгылт көрән, куе зәңгәр, җылы зәңгәрсу-яшел өстәмә төсләр белән тулыландырыгыз.
Драп, твид, замш, велюр, мохер, вельвет, букле, постау, ялтыравыксыз күннән тегелгән киемнәр – нәкъ көз хатын-кызлары өчен!
Бизәнү әйберләре. Сары алтын, бакыр, агач.
ЧӘЧ. Көз хатын-кызлары, гадәттә, прическа турында уйламый – алтындай куе чәчләре җилкәләренә таралып та бизи аларны.
Чәчне буяганда да алтынсу төсмерләрдән чыкмаска тырышыгыз. Кына чәч төсен тагын да көчәйтер, ялтыратыр.
ХУШБУЙ. Төрле тәмләткечләр салып әзерләнгән хушбуйлар сезне тагын да тирәнрәк ачар. Исләрнең куе, нәфис, элегантларын сайлагыз.
Башка типлар өчен әлеге хушбуйлар авыр санала, әмма сезнең өчен алар бик табигый. Сезгә туры килүче ислемайлар төсләре буенча җәй һәм яз хатын-кызларыныкыннан караңгырак. Хушбуегыз шәрык исле булырга тиеш – составына канәфер, имбир яки кориандр керә. Шулай ук ислемайга лимон, әфлисун майлары, пачули яки мирра өстәлә. Баллы җиләк, тропик урман, дымлы мүк исләре – шулай ук сезнеке. Сандал агачы, мускус, гамбәр, иланг-иланг исле хушбуй да сезгә туры килә.
фото: http://pixabay.com
Татар хатын-кызлары өчен кызыклы язмаларны Сөембикә Telegram-каналында укыгыз
Хәзер укыйлар
-
Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
-
Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
-
Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
-
Хыялдагы ир-ат Үсмер чакта ук ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак.
Соңгы комментарийлар
-
26 май 2022 - 20:32Без имениУкып торасым да килми, ташладым. Уз рэхэтеннэн китеп, кайнанайны курэ-ишетэ торып, ниемэ кайтырга иде? Бала карар, ашарга пешерер дип ометлэнеп? Уз тарткан картасы, тарта-тарта ашасы. Чык та китИнде минем чират...
-
27 май 2022 - 06:58Без имениБезнен, тормышлар уртак та кебек автор белан. Мин дэ иремне дэ, баламны да Ходайдан сорадым. Хэзер аллага шокер баламда туды, иремдэ бик эйбат кеше.Мин аны Ходайдан сорап алдым
-
26 май 2022 - 15:03Без имениДингэ беренче куп урлаган, карак, гонахсы зур булган кеше килэ. Улэр вакыты житкэч, исенэ тешэ, курка башлый, жавап бирэсе булса, нэрсэ дип, жавап бирермен, дип ,курка.Дингә кеше кайчан күбрәк килә?
-
25 май 2022 - 22:40Без имениСез гел балалар дип яшәгәнсез, инде үзегез өчен яшәргә вакыт. Аларның үз тормышы, вакыт узгач алар сезне аңлар дип ышанасы килә.Кызларым каршы булса да, кияүгә чыгаргамы?
-
Ханбикәләребез Кем ул ханбикә? Дөресен әйтик, бәгъзеләребез аны көнгә биш-алты күлмәк алыштыручы көяз хатын, ефәк тотканнан да кулы кабаручы назлы җан итеп күз алдына китерә. Әлбәттә инде, иркә, тәкәббер вә кыланчык..
-
Кадерле Мәрьям апа Шундый язмышлы кешеләр була, күзгә-башка әллә ни чалынмыйча, тыйнак, гади генә яшиләр дә тыныч кына китеп тә баралар.
-
Сугыш өзгән хыял Сәхнәдә В. Асафьевның «Бахчасарай фонтаны» балеты бара. Уланованың Мариясе шулкадәр табигый, чын, ышандырырлык итеп үлә – ирексездән күзләргә яшь тула.
-
Шәфкать иясе Шәфика Сәнгать күгендә кыска гына вакыт балкып янган Шәфика Котдусованы атылган йолдызга тиңлиләр.