Күпме газап, сагыш, кайгы күргән күзләренә карыйм тутырып

Авылдашыбыз, сугыш чоры баласы Сания апа Хаҗиева турында кызы Гөлнар Мөхәммәтшина язды.
Әнием Хаҗиева Сания Габдрахман кызы 1935 нче елның 16 нчы февралендә Баландыш авылында дөньяга килә. Сугыш башланганда Әнигә 6 яшь була. Әниемнең әтисе Габдрахман бабайны 1942 нче елда сугышка алалар. Өч малай арасында бер генә кыз булгангамы бабай әнине бик яраткан. Әтисен озатырга җигүле атка утыртып әнине дә балалар бакчасына кадәр алып чыгалар. Хәзерге мед.пункт урынында балалар бакчасы була. Әнине бакчага керткәндә әтисе аңа: «Зур булып үс, кызым, акыллы бул», –  дип, аркасыннан сөя. Минем бик тә атка утырып әти белән барасым килгән иде, ди әни. Бабай Суслонгер шәһәренә барып урнаша. Бабай киткәч бер атналык улы Сәфәргалине калдырып, сохарилар киптереп әби бабайга ашарга илтә китә. Бәбине бабайның анасы карап кала. «Бала имезүче хатыннар чиратлап килеп имезеп китәләр иде», –  ди Әни. Әби ике атналап юлда йөреп кайта. Бабайның хатында, башны да күтәреп булмый, ут эчендә ятабыз, бик каты сугыш бара, дип язылган була. Шуннан соң бүтән хәбәре килми. Хәбәрсез югала. Әни 8 яшендә укырга керә. Олы мәктәптә укый алмыйлар. Мәктәп янындагы кечкенә генә итеп төзелгән өйләрдә укып 4 класс белем ала. Олы мәктәпкә төрле шәһәрләрдән килгән ятим балаларны урнаштырып детдом ясыйлар. Аннан соң 3 ел буе укырга мәктәпләре булмый. Хәзерге Авыл Советы бинасы урынында мәчет була. Шуннан мәктәп ясап әниләрне 5 нче сыйныфка укырга алалар. Шунда укып 7 класс белем ала ул. «Басудан черек бәрәңге җыеп, басу кырыенда үскән үләннәрне җыеп кыркып алып кайта идек. Әни көне буе эштә. Безне әтинең әнисе – әби карады. Кич җиткәч лампа утлары күренмәсен дип, тәрәзәләрне каплап куя идек. Дошман самолетлары күрмәсен дип шулай кушалар иде», –  дип хатирәләрен кабат яңарта Әни. Хәзерге тормышлар бик рәхәт, әле бераз яшәсәк иде, дип тәмамлады ул сүзен.
Әниемнең шушы сөйләүләрен
Тын да алмый тыңлап утырдым.
Күпме газап, сагыш, кайгы күргән
Күзләренә карыйм тутырып.
Шартламасын бүтән туган җирдә
Дошман аткан корал, бомбалар!
Сугыш дигән куркыныч афәтне
Күрмәсеннәр безнең оныклар.
#тылбатырлары#сугышчорыбалалары#көтәбелгәннәрполкы#сөембикәжурналы
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    10815
    5
    138
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    6534
    1
    86
  • 7590
    2
    52
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    8612
    1
    48
Реклама
Соңгы комментарийлар
  • 23 сентябрь 2020 - 07:53
    Без имени
    Мондый Ир элэксэ бик эйбэт эле,
    ​Мин хуҗабикәне сайлыйм
  • 21 сентябрь 2020 - 21:33
    Без имени
    Нэкь шундый дип куз алдына китергэн идем.Ошыйсын Син мина Золфэт,кеше буларак,ир-ат буларак.Сойлэвеннэн ук эйтмэсэн дэ хатынны да балаларынны да яратуын сизелеп тора.Шундый гаилэлэр кубрэк булсын иде.Молодец!!!
    ​Мин хуҗабикәне сайлыйм
  • 21 сентябрь 2020 - 14:35
    Без имени
    Молодцы, Голнур да, Голназ да, афэрин сезгэ, кызлар! Бик матур килеп чыккан!)
    «Мин – Гөлназ Сәфәрова...»
  • 21 сентябрь 2020 - 22:04
    Без имени
    Акыллы ир,сырлап,матурлап тормый,турыдан,молодец!
    ​Мин хуҗабикәне сайлыйм
  • 21 сентябрь 2020 - 11:27
    Без имени
    Яхшы тәмамланды, ләкин бик кыска язма булды
    Җилбәзәкне өйләндерү
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...