Июль, 2016

Кучкар. Моңарчы җыелып килгән эшләрне җәһәт кенә башкарырлык көчегез пәйда булыр. Күп өлкәләрдә уңыш сезнең якта булса да, зур акчалар белән бәйле эшләргә тотынмый торыгыз. 

Үгезбозау. Күңелегез романтикага тартылыр. Төзелеш, сәүдә өлкәсендә эшләүчеләр уңышка ирешәчәк. Иҗат белән шөгыльләнүчеләргә дә илһам елмаячак. Яхшы гына акча эшләп алу җае чыгар.

Игезәкләр. Тормышыгызның сез уйлаганча гына бармавы куйган максатларыгыздан ераклаштырырга мөмкин. Күп нәрсәгә ачуыгыз килер, үзегезне кулда тотар өчен көч туплагыз. Яңа эшләр башлар өчен яхшы вакыт түгел.

Кысла. Эчке сизгерлегегез искиткеч, үз-үзегезне тыңласагыз, ялгышмассыз. Хыялларыгызны тормышка ашыру өчен менә дигән мөмкинлек булырга тора. Хәзер башлаган эшләрегез уңыш китерәчәк.

Арыслан. Бөтен җирдә тәртип урнаштыру, иске-москыдан котылу теләге туар. Зур әйберләрне шушы айда сатып алырга тырышыгыз. Көчегезне сынап карарга менә дигән мөмкинлек булыр, әмма конкурентларга каршы көрәшергә дә туры килер.

Сөмбелә. Киләчәк тормышыгызга йотынты ясардай карарлар кабул итәргә туры килер. Югарырак эшкә, хәтта бүтән шәһәргә күчәргә тәкъдим итәрләр. Ашыгып кабул ителгән карарның ялгыш булуы бар.

Бизмән. Рәхәтләнеп ял итү, тынычлану өчен шәп форсат туар. Ял итү мөмкинлеге булмаса да, кайгырмагыз. Бу айда зур мәшәкатьләр, авырлыклар көтелми. Финанс ягы куандырачак. Тормышыгызга үзгәрешләр кертергә теләсәгез, уңышлы булыр.

Чаян. Алдыгызда менә дигән перспектива ачыла һәм камиллекнең чиге булмауга хәзер генә ышана башларсыз. Теләсә кайсы мәшәкать җиңел генә хәл ителер. Идеяләрегезне тормышка ашыру җае килеп чыгар.

Укчы. Эшләрегезне төгәлли алмауга бимазаланырсыз. Сезне йомшак дип уйлап йөрүче­ләргә сүзегезне кистереп әйтергә туры килер, моның уңай нәтиҗәсен дә күрми калмассыз. Дәрәҗәгез үсәр, керемегез артыр.

Кәҗәмөгез. Җан тынычлыгы, күңел көрлегенә ирешерсез. Уйламаган җирдән сәфәр чыгуыгыз ихтимал. Финанс ягыгыз җайланыр. Сәламәтлекне кайгырту өчен шәп вакыт. Авантюралардан сакланыгыз, ышанучанлыгыгыз аркасында авыр хәлдә калмагаегыз.

Сукояр. Дусларыгыз алдында бер башка үсеп китәрсез. Моңарчы уйлап та карамаган сәләтегез ачылыр, ә бу исә эшегездә уңыш китерәчәк. Бу айда акча белән бәйле эшләрне калдырып торыгыз һәм бурычка беркемгә дә акча бирмәгез.

Балык. Идеяләрегезгә ирек бирегез. Иң кыю фикерләрегез көтелмәгән уңыш китерәчәк. Көнкүреш техникасы сатып алу өчен яхшы вакыт. Сәламәтлегегезгә игътибарлы булыгыз. Көтелмәгән җирдән керем алуыгыз ихтимал.

Реклама