Ачкыч табарга: йолдызлык билгесенә карап ничек мөнәсәбәт корырга?

 

Әңгәмәдәшеңнең кайсы йолдызлыкта туганын белсәң, мөнәсәбәтләрне җиңелрәк корырыга була, ди астрологлар. Сынап карыйк.  

Кучкар  

Сезнең белән сөйләшкәндә әлеге йолдызлыкта туган кешеләр бар нәрсәне контрольдә мин тотам дип уйласын. Аңа шундый шарт тудырыгыз. Идарә дилбегәсен аңа тоттырыгыз да, казанышлары турында бик озак вакыт тыңларга әзерләнегез. Тик артык мавыгып китмәгез. Кирәк, кирәкмәс урында баш кагып тормагыз. Болай эшләү Кучкарның ачуын  гына китерәчәк. Бары тик аның белән кызыксынуыгызны гына күрсәтегез.    

Үгезбозау  

Үгезбозауның үзегезгә карата теләктәшлеген алырга телисез икән, нәрсә уйлаганыгызны йөзенә бәреп әйтергә өйрәнегез. Тирәләп сөйләшкәннәрне җеннәре сөйми. Гомумән, әле йолдызлыкта туучылар алдарга теләгән, ялагайланган кешеләрне яратмыйлар.   

Игезәкләр 

Бу йолдызлыкта туганнар белән аралашканнар белә: аларның игътибарын тотып тору бик авыр. Дөрес, аларны кызыксындырып сөйләшә башлау җиңел, тик аралашуны очына кадәр алып бару зур хезмәт сорый. Алар кызыксынуларын бик тиз югалта. Игезәкләр белән элемтә булдырасыгыз килсә, бер темадан икенче темага сикерергә әзер булыгыз. Креатив идеяларыгызны әйтергә ашыгыгыз. Алар моны бәяләячәк.  

Кысла  

Иң идеаль  әңгәмәдәшләр.  Аларга кызыксыз икәнсез, йә әлегесе моментта сезгә ярдәм итәргә теләмиләр икән,  алдап тормаячаклар, турыдан ярып  әйтәчәкләр. Кыслалар белән мөнәсәбәт коруда уңышка ирешәсегез килә икән, сабыр запасыгыз зур булсын. Аларга канәгать булмавыгызны беркайчан да күрсәтмәгез.  

Арыслан  

Бу йолдызлыкта туган кешеләр белән  дуслашасыгыз килә икән, аның абруен тануыгызны, тыңларга әзер булуыгызны күрсәтегез. Шул ук вакытта аларның һәр күрсәтмәләрен үтәргә кирәк түгел. Тик  ул сезнең ярдәм итәргә әзер торуыгызны сизәргә тиеш. Артык ялагайлана күрмәгез. Арысланнар моны бик тиз сизеп алак һәм кирәкле нәтиҗә ясаячак.  

Сөмбелә 

Һәрвакыт нәрсә белән булса да мәшгуль булган Сөмбеләләргә сезгә игътибар күрсәтергә авыр булачак. Тик кызыклы тәкъдимегез булса, йә  тиз рәвештә ярдәме кирәк икән, берничә минут вакыт табачаклар. Алар белән бизәкләп, матурлап сөйләшергә кирәкми, сүзегез эш буенча һәм бик кыска булсын.   

Үлчәү 

Үлчәүгә эшегез  төшә икән, иң элек аның кәефенә игътибар итегез. Ә аларның аздан гына кәефләре китәргә мөмкин. Алар белән һәр сүзне үлчәп сөйләшергә кирәк! Бөтен мәгълүматны йөрәкләренә якын кабул итәләр. Бик каты үпкәләүләре бар.  Ә үпкәләткән кешене алар онытмыйлар. 

Чаян  

Бу йолдызлыкта туганнар бик шәп манипуляторлар. Кармакларына каба күрмәгез, алайса алар кубызына биюегезне сизми дә калырсыз. Моннан кала, алар алдауны һәм этлекне күрә алмый. Әгәр сезнең яктан берәр нәрсә сизенәләр икән, тиз арада мөнәсәбәтләрне өзәчәкләр. Алар белән сөйләшкәндә ихлас булыгыз.   

 Укчы 

Бер кайгысыз һәм аралашырга яраткан Укчылар әңгәмәдәшләреннән әллә ниләр көтми. Бары тик ихлас булсын һәм аның белән кызыксынсын. Бу йолдызлыкта туганнар үтә актив. Аның гениаль идеяларына теләктәшлек белдерергә әзер булып торыгыз. Киресенчә булса, сезгә  карата кызыксынулары бик тиз югалачак.  

Кәҗәмөгез 

Эш сөючән һәм тыйнак Кәҗәмөгезләр һава торышы хакындагы һәм мәгънәсез сөйләшүләрне яратмый. Әгәр эчкерсез булмавыгызны сизенәләр икән, бик тиз арада аралашуга нокта куячаклар. Алар бәхәсләшергә ярата. Табигый фәннәр, сәнгать, тарихны яхшы беләләр. Бу темаларны сез дә үз итүегезне күрсәтегез. Шул вакытта Кәҗәмөгез белән менә дигән мөнәсәбәт корачаксыз.  

Сукояр  

Бу йолдызлыкта туган кешеләр кечкенә балалар кебек. Дөньяга гаҗәпләнеп карыйлар, аны өйрәнергә мөмкинлек туса, ике дә уйламый ризалашачаклар. Алар менә дигән әңгәмәдәшләр. Аралашу канәгатьлек хисе генә бирәчәк. Тик сөйләшкән  вакытта юрганны үз ягыгызга тартмагыз һәм гайбәт сөйләргә генә керешмәгез.   

Балыклар  

Хыялланырга яраткан Балыклар гадәттә сөйләшү инициаторы булырга яратмый. Алар  бик тә тыңларга ярата, сер саклый белә, кирәк вакытта иницатива күрсәтә. Ышанычларын югалтасыгыз килмәсә эчкерсез булыгыз.  

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 7142
    1
    64
  • 6971
    0
    58
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    4805
    2
    50
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    6947
    1
    48
Реклама
Соңгы комментарийлар
  • 30 апрель 2021 - 20:44
    Без имени
    Егет кешене күп кызлар ярата , концертына агылачак .Озак " мин егет " - диеп йөрер әле Ришат .
    Ришат ТӨХВӘТУЛЛИН: «Чак кына соңрак туганмын» 
  • 1 май 2021 - 21:53
    Без имени
    Ин яраткан жырчым.Телевизорда Ришатнын жырларын тапшырсалар, бар эшемне ташлап залга йогереп чыгам.Балалар да кунектелэр,тиз бул,дип,чакыралар.
    Ришат ТӨХВӘТУЛЛИН: «Чак кына соңрак туганмын» 
  • 2 май 2021 - 10:03
    Без имени
    Әйтер сүз юк...Гыйбрәтле хикәя! Без, татар хатын - кызлары, үз теләгебезне гел соңгы чиратка куеп өйрәнгән...тик, иң мөһименә кемнәндер рөхсәт сорамыйча үзебез дөрес дип санаганча карар кабул итәргә өйрәнсәк иде. Бу менә шушы очрак... Күңеле теләгәндә кайта алмавы гомере буена исеннән китмәячәк!!! Безнеке үтте...кире кайтарып булмый. Яшьләр, сезгә сүзем: ирне дә кимсетми үз теләгегездә нык торып, күңелегез кушканны үз акылыгызга, хисегезгә таянып гамәлгә салырга өйрәнегез!!! Без теләгегебезне аңлап үтәү түгел үтәргә теләмәгән дә ир кешене акларга тиеш түгелбез! Бу хикәяне укытып күптәннән әйтәсе килгән фикеремне Аллаһ фарыз итте күрәсең!!!
    SOS! Җанымны коткарыгыз!
  • 2 май 2021 - 15:11
    Без имени
    Бик яраткан артискам. "Сүнгән йолдызлар" дагы Сәрвәре генә дә аның буй җитмәс талантка ия икәненә дәлил.
    Җаным монда кала...
  • 2 май 2021 - 23:15
    Без имени
    Гажэеп дэрэжэдэ талантлы актриса турындагы язма очен рэхмэт. Олкэнэя барган саен, матурлыгы арткан кешелэр була. Аларнын эчке матурлыгы тышкы гузэллеккэ кушыла. Флера Хэмитова шундйлардан. Сабырлыгы,горурлыгы,гузэллеге белэн сокландыра ул. Хаман да сокландыра...
    Җаным монда кала...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»