​Зәмирәдән кунак сые

Зәмирә РӘҖӘПОВАны күпләр телевидениедә эшләгән чагыннан ук беләдер. «Мәдәният дөньясында», «Җырлыйк әле», «Татар моңы», «Җомга көн кич белән» – ул иҗат иткән тапшыруларның берничәсе генә әле болар. Бүген Зәмирә ханым Халыклар дуслыгы йортында режиссер, бәйрәм кичәләрен оештыручы булып эшли, Аяз белән Данилнең газиз әнисе, ире Максимның сөеклесе, дуслары өчен уңган хуҗабикә... Хуҗабикә дигәннән, тәмле ризыклар пешергәндә җаным ял итә, пешерергә бик яратам, ди ул үзе дә. Мастер-класста пешереп күрсәткән бу пирожныйларны аннан хәтта заказга пешереп бирүләрен дә сорыйлар икән. «Кунаклар киләсе булса, торт алмыйм, шушы ризыкны пешерәм. Авыз иткән кеше, кәгазь-ручка сорап алып, рецептын язмый калмый», – ди Зәмирә. Дөрестән дә, авызда эреп китә, бик тиз әзерләнә аның профитрольләре.
Пешереп, сез дә сыйланыгыз әле!
 

Кирәк:

(камыр өчен)
* 1,5 стакан су;
* 150 г атланмай;
* 1,5 стакан он;
* 5 йомырка;
* бер чеметем генә тоз.

(крем өчен)
* 500 г кибет каймагы (20% майлылыктагысы);
* 250 г «Маскарпоне» сыры;
* 1 стакан шикәр комы.
 

Эш барышы:

Чүмечкә су салып, кайнатырга куябыз. Су кайнап чыккач, бүлмә температурасында йомшарган атланмайны салабыз. Май эреп беткәч, чүмечне уттан алып,
бер чеметем генә тоз сирпибез.

 Онны 2-3 тапкыр иләктән иләп (бу бик мөһим, югыйсә ризыгыбыз күперенке булмый), азлап-азлап кына чүмечтәге сыеклыкка салабыз, төерләре калмаслык итеп, яхшылап туглыйбыз.

 Камыр бераз суынгач, бер-бер артлы йомыркаларны сытабыз. Сыткан берен яхшылап болгатабыз. Үзле, төерләрсез, йомшак камыр булырга тиеш.

 Әзер камырны кондитер капчыгына бушатып (моның өчен катык яки сөттән бушаган полиэтилен каплар да бик кулай, бер почмагын чеметеп кенә кыеклап кисеп аласы гына бар), пергамент кәгазь җәелгән табага кечкенә чүмәләчекләр итеп кысып чыгарабыз. Араларын бушрак калдырырга кирәк.

 Профитрольләрне ярты сәгатькә 150-180 градус кызулыктагы мичкә тыгабыз. Алар күпереп менгәнче, мич ишеген ачмый торырга кирәк. Өсте кызаргач, әзер була.

 Алар пешә торсын, без крем әзерләп алыйк. Тирән эчле савытка каймак белән шикәр комын салып, шикәр комы эреп беткәнче туглыйбыз. 

 Аннары сырны салып, туглауны дәвам итәбез. Кремда вак төерчекләр калмаслык булсын.

 Бераз гына суына төшкән профитрольләрнең бер ягыннан кашык белән ачып (аларның эче куыш, «авызы» тиз ачыла), эченә крем тутырабыз.

 Пирожныйларны зур тәлинкәгә өеп, өстеннән калган кремны сибәбез, матурлык өчен какао порошогы бөркибез.

Ашларыгыз тәмле, көннәрегез ямьле булсын!

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    6112
    1
    44
  • Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
    7109
    0
    32
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    3812
    0
    30
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    1907
    0
    26
  • Менә шулай... Чәй кайнар суга эләгү белән куе булып чыга башлый. Буяу бит инде. Шайтан алгыры!..
    2046
    0
    18
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда