Камал театры артисты, Татарстанның халык артисты Илдус ГАБДРАХМАНОВ турында 18 факт

1. Илдус – Апас егете. Әнисе – укытучы, әтисе заманында райкомның беренче секретарен йөртә. Район үзәге Апаста, партия райкомы бинасы каршында ук 8 фатирлы ике катлы беренче таш йорт салынгач, аларга шуннан фатир бирәләр. Әмма ишегалдында кечкенә генә бакчалары да була, сарайда тавыклар да асрыйлар. «Дәү әни исә кәҗә дә, сарыклар да асрады, – ди Илдус. – Ул укытучы иде. Шуңа күрә, ел саен аңа печәнне дә, саламны да китереп бирәләр иде. Без шуны өябез генә. Тавыклар шул печән эченә кереп, качып күкәй сала, минем яраткан шөгылем аларның ояларын эзләп табу иде». 

2. «Район үзәгендә яшәсәк тә, мин чалгы да тота беләм, – ди Илдус. – Бабай – Сәлимәнең әтисе – куяннар асрый, җәен ялда булганда, куяннарга печән чабып кайткаларга туры килә».

3. Илдуслар гаиләдә ике бала – ике ир малай үскәннәр. Әмма абыйсы мәрхүм инде хәзер. 

4. Театрда, зур сәхнәдә уйнаган иң беренче роле – Таҗи Гыйззәтнең «Акбаш вакыйгасы»нда комсомол егет.  

5. Уйнаган рольләрен Илдус санап бармый, шулай булгач, ул аларның санын белми. Ә без алай да берничәсен искә төшерик әле: Ромео («Ромео һәм Джульетта»), Тукай («Казан егетләре»), Альдемаро («Биюче»), Алмаз («Шулай булды шул»), Севрюгин («Телсез күке»), Илгизәр («Илгизәр плюс Вера»), Фәридун («Баскетболист»), Руфин («Хафалы биюләр)... 
 

6. «Миңа дошман чырайларын уйнап карау ошый. Көнбатыш драматургиясенең романтик каһарманнарын уйнаганда сәхнәгә киң читле эшләпә киеп, гитара уйнап чыгу да ошый», – ди Илдус.

7. Журналистлар биргән сораулар арасында иң ошатмаганы: «Ә иң яраткан ролегез нинди?» 
«Ничек инде аларны аерып алып булсын?! – дип шакката ул. – Һәрберсен яратмасаң, әйбәт килеп чыгамени алар?»

8.  Иң беренче тапкыр тамашачы алдында балалар бакчасында бии ул. Матрос биюе! 

9. Илдус Габдрахманов Мәскәүдәге данлы Щепкин исемендәге югары училищесын тәмамлый. Диплом алганда, бию дәресләре остазы Виктор Тейдор аңа: «Синдә бик шәп балет биючесе югалган бит, егет», – ди.

10. Илдусның биюдә кумиры – американ Фред Астер. Мәскәүнең «Иллюзион» кинозалында Фред Астерлы фильмнарга атна буе йөри Илдус. Атна буе Мәскәү урамнары буйлап степ биеп кайта.



11. «Степ» шаукымы кузгалуга Фәрит Бикчәнтәев 1995 елда Илдус Габдрахманов өчен махсус куйган «Биюче» (Лопе де Вега) спектакле дә зур этәргеч була.

12. Ә атаклы «Шәкертләр биюе» Илдусны Парижга кадәр алып бара! «Казанның меңьеллыгы алдыннан булды ул хәл, – дип сөйли Илдус. – Шәп кунакханәдә, люкс номерларда тордык. Тәрәзәдән Эйфель манарасы күренеп тора! ЮНЕСКО оештырган Казанның меңьеллыгын презентацияләү чарасында «Шәкертләр биюе»н биедек. Европа безне болай да Нуриев, Мөхәммәдов аша биюче халык дип таный иде. Шулар исемлегенә менә без дә кушылдык».

13. Илле яшьлек юбилеена Камал театры сәхнәсендә махсус куелган бер пәрдәлек «Бию пәрие» спектакленә әзерләнгәндә Илдус 7 килограммга ябыга. (Сүз уңаеннан, юбилей кичәсенә килгән тамашачы бу спектакльне бик яратты. «Бию пәрие»н театрның репертуарына кертергә кирәк», – дигән тәкъдимнәр дә шактый булды.)

14. Илдуснең хатыны – Татарстанның атказанган сәнгать эшлеклесе, балетмейстер Сәлимә Әминова. Беренче тапкыр «Боз астында дулкын» спектаклендә очрашалар алар. Эскәмия өстендә икәү биергә тиеш булалар. Армиядән кайткан яшь артист Илдус Сәлимәсенә шунда гашыйк була да инде... . 



15. 2006 елда Россия экраннарына чыккан «Прорыв» (режиссер В. Лукин) фильмында Илдус Габдрахманов ефрейтор Каюмовны уйный. «Сарман буйларын» җырлап сугышка кергән татар малаен хәтерләп кала тамашачы. Шул фильм чыккач, Илдус, хәтта, Мәскәү вахтерлары да танып ала торган артистка әйләнә.

16. Рульгә 37 яшьтә генә утыра Илдус. «Башкортстанга, Сәлимәләргә кайтып йөрергә кирәк булганга гына машина йөртә башладым, – ди ул. – Ике ел автобуста, поездда йөри-йөри арган идем инде. Үземне тәртипле машина йөртүче, дип әйтә алам. Куаламыйм. Узып китим әле дип ашкынмыйм. Трассада йөргәндә дә тизлекне 110 километрдан арттырмыйм. Очып бармыйм. Нәрсәгә кирәк ул? Шумахерлык юк миндә. Рульгә соң утырдым, бәлки шуңадыр».

17. Классташлары белән элемтәне эзгәне юк Илдусның. Ел саен очрашып торалар. Хәтта елга берничә тапкыр! Апас урта мәктәбен ике рус, ике татар классы тәмамлыйлар алар. Класслары искиткеч дус була! Алар мәктәпне тәмамлагач, класс җитәкчеләре Гөлфания Бариевна: «Мин башка балаларга ияләшә, алар белән эшли алмам», – дип мәктәптән үк китә. Берничә елдан соң гына эшенә кире кайта... 
Быел аларда – юбилейлар елы: илле яшьлекләрен бәйрәм итәләр. «Чакырган җиргә барырга тырышам, – ди Илдус. – Тик Сәлимә белән безгә кунакка йөрүләр сирәгрәк эләгә шул. Күп вакыт спектакльгә туры килә». Илдусның быел 28 май көнне Камал театры сәхнәсендә узган юбилеена да классташлары бик күп итеп килгәннәр иде. Бөтенесе бергә сәхнәгә дә күтәрелделәр. «Килә алмаганнар, телефон аша котлады, – ди ул. – Мәсәлән, «Азатлык» радиосының татар редакциясе җитәкчесе Рим Гыйльфанов Прагадан шалтыратты. Без аның белән бергә уйнап үстек».  

18. Яраткан ризыклар турында уйламыйча да җавап бирә ул: «сельд под шубой» салаты, шашлык һәм сарык ите. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4195
    10
    111
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    12524
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2595
    9
    86
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13107
    4
    72
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    10295
    12
    72
Реклама
Соңгы комментарийлар
  • 23 сентябрь 2022 - 03:35
    Без имени
    Ати анисе бирган акчагада хужа булмый а, биграк инде. Ул хадаре йыуаш булып ни. Ати анисе, акча бирган е, лучше диваны узларе алып бирсен нар иде дип та уйлап куйдым. Ул бианай оялмыйча шул акчаны алып, узена Яна диван алган что-ли? Ансын анламадым.
    Гомерем усал кайнана, исерек ир белән үтте 11
  • 23 сентябрь 2022 - 11:05
    Без имени
    25 яшендэ кияугэ чыккан, 10 ел баласыз торган, бэхетен 35 яшьтэ тапкан, а Айнурга 30 яшь. Барда дорес язылган бит?)))
    Бәхетле булырга хакым бар!
  • 23 сентябрь 2022 - 11:17
    Без имени
    шулай мыскыл итәләр шул үзләреннән артык уңган, булган киленне. Мине кайната белән кайнана малайлары үлгәнче, малайларыннан мыскыллатып тордылар. Малайларын аракы эчереп миңа каршы котырталар иде. Нормальный кеше малаен аракы эчәргә өйрәтми бит инде?! Малайлары эчеп кайтып тавыш чыгара иде, мин тормышны тартып яшәдем. Мин аллага шөкер, намазлы булып гомеремне дәвам итәм, малайлары үлде. Мин котылдым аллага шөкер, алар баласыз калды.
    Гомерем усал кайнана, исерек ир белән үтте 11
  • 22 сентябрь 2022 - 22:32
    Без имени
    Фагыйлэ остэп тэ жибэрэ ахры, купертеп арттырып жибэргэн урыннары бар.
    Гомерем усал кайнана, исерек ир белән үтте 11
  • 23 сентябрь 2022 - 18:07
    Без имени
    Автор "ыштанга ябышып " узен генэ мэсхэрэлэу тугел, балаларнын да жэллэмэгэн. Балалары кимсетелеп, комплексы булып ускэннэрдер. Авторы жэллэмим, отвращение.
    Гомерем усал кайнана, исерек ир белән үтте 11
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда