Жәлләмичә олактырыгыз!

 

Юктан да кызып китү, тиктомалдан эчегез пошу сәбәпләрен аңлата аласызмы? Шкафтан үтүкләнмәгән күлмәкне алсагыз да, юыну бүлмәсендә лампочка янып чыкса да, эзләгән кәгазьләрегезне табалмасагыз да нервылана башлыйсыз. Сезне бернәрсә дә сөендерми. Сез талчыгыр хәлгә җитеп арыгансыз. Болар бар да энергия юктан килә. Ни дә булса эшләргә кирәк булып та, һаман тотына алмый йөрсәгез, мәсәлән, өйне җыештырмасагыз, үтәлмәгән эш сезне чыгырдан чыгара. Һаман кул җитмәүгә үзегезне гаепле саныйсыз. Бу исә тәшвишкә сала, стресска, түбән үзбәягә китерә. Һәм, киресенчә: тәмамланган эш, бигрәк тә нәтиҗәсе күренсә, илһамландыра, тынычландыра, үзеңә ышанычны арттыра. 

Ул нинди эшләр  соң? Әйдәгез, иртәгәгә калдырылган шул эшләрне ахырынача җиткерик. 

 

1. Шкафка тәртип кертү. 

 

Берничә сәгать вакыт табыгыз: кирәксезгә урын алып, уралып йөргән иске киемнәрегездән котылу әмәлен табыгыз: 

а) әйберләрне 3 өлешкә бүлегез – калдырырга, ташларга, кемгәдер бирергә... Кыенсынмагыз: реюз, ягъни элекке киемнәрне кабат куллану модага керде хәзер, сезнең киемнәр тагын кемнәргәдер хезмәт итә ала. 

б) үзегездә калдырасы әйберләрне болай урнаштырыгыз: өскә – блузка, майка, футболкалар; аска – итәк, чалбарлар. 

 

2. Документларны тәртипкә китерү. 

 

Шулай ук яратмаган бер эш. Ләкин башкарып чыксагыз, үзегезгә рәхәт булып китәчәк. Һәр фатирда төрле кәгазьләр бик күп җыела гадәттә. Шуларны, кирәкме, түгелме икәнен ачыклап, җентекләп карап чыгыгыз да, кирәксезләрен чүп чиләгенә озатыгыз. Актуаль кәгазьләрне тематик папкаларга һәм файлларга урнаштырыгыз: медицина, уку, милек, финанс, шәхси кәгазьләр. Компьютердагы файлларны да классификацияләгез. Эш өстәлендә («Рабочий стол») ярлык, файллар мөмкин кадәр аз булсын. Компьютер тизрәк эшләп киткәнен үзегез дә тоярсыз. 

 

3. Срогы чыккан даруларны ташлау. 

 

Һәр препаратның кулланылу срогын карап чыгып, искергәннәрен ташларга кирәк. Мәсәлән, авырган балагызга 1 калак чамасы гына калган ютәл сиробының файдасы тими дә тими инде, аны саклап тору урынсыз. 

 

4. Косметичканы чистарту. 

 

Декоратив косметиканың актуальлеген тикшерү дә зыян итмәс. Кайбер искергән иннек, кипкән тушьларны ташларга вакыттыр. Пумалаларны сабынлап юып куегыз. Косметичканы да чистартырга онытмагыз.   

 

5. Кер юуны оештыру. 

 

Киемнәр турында сүз бармый. Йорт текстилен чистартабыз. Кояшлы көндә юрган, мендәр, җәймә, челтәр-пәрдәләрне юыгыз. Йомшарту һәм хуш ис өстәү өчен кондиционер кулланыгыз. Келәмнәрне, йомшак мебельләрне юып та бүлмәне сафландырып, яңартып була. 

 

6. Кухня шкафларын тазарту. 

 

«30 кирәксез әйберне ташла» принцибы тиз җыештырырга булыша. Тартмаларда ятып, кулланылу срогы чыккан кайбер продуктларны, китек чынаяк, чатнаган тәлинкәләрне, капкачсыз контейнерларны, буш банкаларны жәлләмичә олактырып була. Еш кулланыла торган әйберләрне якынгарак куегыз, әллә нигә бер тотылганнарын эчкәрәк куеп калдырсагыз да була. Ярмалар, тәмләткечләрне пакетларыннан махсус савытларга бушатыгыз. 

 

7. Балкон җыештыру. 

 

Бу инде җыештыруның финалы була. Батырлар гына балкон җыештырырга тотынадыр. Бик мәшәкатьле эш. Кирәксез әйберләр склады итмичә, ял итәр өчен уңайлы урын ясарга кирәк балконнан. Җайлы өстәл, урындыклар куеп, чәй урыны хәстәрләгез шунда. Кемгә дә ошар.. 

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    7028
    2
    50
  • Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
    7833
    0
    36
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4112
    0
    34
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2129
    0
    32
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    1936
    1
    23
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда