Сез кем? Сапиосексуал түгелме?

«Сапиосексуал» дигән терминны безнең көндәлек тормышка Бөекбритания актрисасы, музыкант һәм җырчы Марианна Ивлин Фейтфулл кертте. Латин теленнән тәрҗемә иткәндә, «sapio» «акыллы, төпле булу, уйлап эш итү» дигәнне аңлата. Ә «сексуал» – «sexus» (җенес) дигән латин сүзеннән ясалган.

Сапиосексуаллар партнердагы интеллектны кешедәге иң кызыклы, башкаларны иң җәлеп иткән сыйфат дип саныйлар. Технологик прогресс вакытында бу феномен бик популяр булган, хәзер, технологияләр зур тизлек белән үскән чорда да, кешенең акылы, аның фикерләү сәләте белән соклану беренче урында тора.

«Сапиосексуал»лар турында соңгы вакытта еш сөйли башлауларының бер сәбәбе – кино һәм сериалларда югары интеллектлы геройларны күп күрсәтүләре белән дә бәйледер. Шерлок Холмсны гына искә төшерик: белеме, тапкыр сүзләре, тирә-юньдәгеләр турында әйткән фикерләре белән ул безне үзенә гашыйк итте ләбаса!

Социаль челтәрләр бүген яшьләр өчен аралашуның төп чарасына әйләнде. Анда язылган сүзләр – текст хәзер яңа бер кыйммәткә ия. Таныш кызларым арасында, ким дигәндә бишесе, әңгәмәдәшенең хата белән язганын күрсәләр, борын җыералар һәм ул кешене шунда ук «дуслар» арасыннан алып атарга ашыгалар.

Ә хәзер түбәндә тәкъдим ителгән берничә сорауга җавап биреп карагыз әле.

1.​ Акылсыз, аңгыра кешеләр сезнең ачуны китерәме?

2.​ Партнерыгызның аралашкан вакытта ялгышлар җибәрүе чыгырдан чыгарамы? Аның һәрвакыт дөрес сөйләве, сәясәт, бизнес, әдәбият, тарих белән бәйле сорауларда «судагы балык кебек йөзүе» сезнең өчен бик мөһимме?

3.​ Сөйләгәндә теле телгә йокмаган, әйтергә теләгән фикерен эзлекле, аңлаешлы, үтемле итеп җиткергән кешене тыңлап кына торасыгыз киләме?

4.​ Егетегез (кызыгыз) белән сез күбрәк көнкүреш мәсьәләләре түгел, ә югары интеллектуаль проблемалар хакында бәхәсләшәсезме?

5.​ Хыялыгызда йөргән ир-атны интеллектуальлар күбрәк булган җирдән – тренинглар, китапханәләр, галереялардан эзлисезме?

6.​ Сез җор, үткен сүзләр табып, әңгәмәдәшегезне шаярта аласыз һәм үзегез дә аның сүзгә тапкыр булуын көтәсезме?

 

Әгәр бу сорауларның күбесенә «әйе» дип җавап биргәнсез икән, димәк, сез, мөгаен, «сапиосексуал»дер. Юк, юк, борчылмагыз, бу куркыныч диагноз түгел, җенси ориентациягез турында да сөйләми. Алдарак әйткәнемчә, сүз заман җилләре китереп чыгарган яңа термин турында гына бара.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 21 апрель 2021 - 11:49
    Без имени
    И аллакаем, Тәрбия газетасын чыгарган Газинур дип аңладым инде. мин укытучы кеше бик күп ачык дәресләремне 10-15 еллап шул гэзетада бастырдым бит. ирле-хатынлы газета чыгардылар алар. Раббым сабырлык бирсен сезгә, балаларыгызга.
    Кияүгә сүз әйтмәгез!
  • 21 апрель 2021 - 11:44
    Без имени
    Әллә ничә кат укыдым да укыдым. Шулай искә төшергәләп тору киорәк икән дип уйладым тормыш һәм яшәү турында. бу турыда язып яхшы иткәнсез.
    Үреләм дә карыйм күңел түрләремә...
  • 21 апрель 2021 - 23:40
    Без имени
    Бик авыр хэллэр,ачы хэсрэт.Бу турыда укыганым булган икэн,исемэ тошердем.Куз яшьлэре ирексездэн ага гына.Бала хэсрэтлэрен курсэтмэсен,ходаем.
    ​Күбәләк булып очты...
  • 22 апрель 2021 - 05:54
    Без имени
    Бездэ энкэй дип йорет алар энинен энтченрахмат
    Якын ерак әбекәем
  • 22 апрель 2021 - 06:13
    Без имени
    Бик авыр хэл,Аллам сакласын ,куз яшьлэрсез укып булмый!!!
    ​Күбәләк булып очты...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»