Логотип
Бакча

Лалә үстергәндә еш җибәрелүче 5 хата

Яз көне купшы чәчәк аткан лаләләргә карап кайсыбыз гына хозурланмый. Күз җете төсләр тансыклаган мәлдә иң беренче булып алар чәчәк ата. Ел да шушы матурлыкка карап соклану өчен, биш әйбергә игътибар итегез. 

Яз көне купшы чәчәк аткан лаләләргә карап кайсыбыз гына хозурланмый. Күз җете төсләр тансыклаган мәлдә иң беренче булып алар чәчәк ата. Ел да шушы матурлыкка карап соклану өчен, биш әйбергә игътибар итегез. 

Беренче хата: утырту вакытын дөрес билгеләмәү. Безнең җирлектә лаләләрне сентябрь уртасыннан октябрь башына кадәр утырталар. Бу вакытта җирнең җылыгы якынча 7-10 градус җылы була. Җир туңганчы суганчалар тамыр бикләп калдырырга, ләкин тишелеп чыкмаска тиеш. Тамыр җибәрер өчен аларга 3-4 атна вакыт кирәк. 

Икенче хата: артык эре суганчалар утырту.  Иң яхшы утырту материалы – диаметры 3-4 см булганы. Суганчалар коры, авыр һәм тыгыз булырга тиеш. Күгәрек таплары булмасын. Көрән төстәге юка кабыгы булганы яхшырак. Әгәр дә көрән кабыгы калын икән, димәк, суганчаны соң казып алганнар. Аның тишелүе дә соңарак калачак. 
Утыртыр алдыннан суганчаларны марганцовка эремәсендә зарарсызландырып алырга кирәк. Суганчаларны сыек марганцовка эремәсендә ярты сәгатьләп тоталар. 

Өченче хата: утыртасы урынны дөрес сайламау. Лаләләр кояшлы һәм су җыелып тормый торган урында гына яхшы үсә. Туфрак ачы булса, лаләләр чәчәк атмый, моны да истә тотыгыз. Туфракның ачылыгын утын көле кушып киметергә мөмкин. Уңдырышлылык өчен, әлбәттә, черемә дә кертергә кирәк. 

Дүртенче хата: артык тирән күмдерү. Ничек тирән күмдерү суганчаның зурлыгына бәйле. Эре суганчаларны 12-14 см тирәнлектә, вагракларны 6-8 см итеп күмәләр. Ничек кенә булса да, 15 см да тирәнрәк күмәргә ярамый – яз көне алар тишелмәячәк.

Бишенче хата: суганчаларны җиргә батырып кертү.  Аларны җиргә батырырга түгел, казылган чокырчыкка куеп, туфрак белән күмәргә кирәк.  Тычканнардан саклар өчен, туфрак белән күмгәнче, суганчаларга мул итеп кызыл борыч бөркергә дә онытмагыз. 


фото: https://pixabay.com/ru

Теги: Гөлбакча

Следите за самым важным и интересным в Telegram-каналеТатмедиа

Комментарий юк

Хәзер укыйлар