Зифа дөньясы

Казан Кремленең «Хәзинә» милли сәнгать галереясында кичә җылы, рәхәт, ихлас бер халәт иде. Залда – рәссам Зифа Мөхәммәтҗанова картиналары, ул бизәгән балалар китапларындагы рәсемнәр, «Ялкын» журналы тышлыклары, татар милли костюмнары эскизлары... Түрдә – җәй җиле чәчләрен сизелер-сизелмәс кенә тузгыткан Зифаның елмаеп төшкән зур портреты. Әйтерсең, Зифа: «Узыгыз, уз, кадерле кунаклар, өегездә кебек хис итегез!» – дип безне үзе каршылый. Менә хәзер ул һәрберебезне җайлап урнаштырыр, хәлләребезне сораштырыр, ул арада «Маратик, күр кемнәр килгән безгә!» – дип ире Маратка сүз катып алыр, «Альфиюша, нәрсәдән башлыйк?» – дип серле генә кызы белән киңәшкәндәй итеп куяр...

Чынлап та, Зифа дөньясы иде залда. Аның картиналары күргәзмәсе. Җылы, якты, кояшлы рәсемнәр. Чәчәкләр, табигать, яраткан атлары, эте Алиса, тавыклар, кәҗәләр, әкәм-төкәмнәр. Йә моңсу-уйчан алар, йә шук-тиктормас... Калфаклар, камзуллар, бәби итәкле күлмәкләр... Болары милли киемнәребез эскизлары...

Зифаның иҗат күргәзмәсенә дип тә җыелдык, аны сагынырга, искә алырга дип тә... Аерылмас дуслары Фәридә Хасьянова, Рита Трифонова, Розалия Нургалиева, Алсу Тимергалина, Гөлнара Сагиевалар... Сәнгать белгече Гүзәл Вәлиева-Сөләйманова, рәссам Григорий Эйдинов, «Ялкын» журналы редакциясендә бергә эшләгән хезмәттәшләре (ул «Ялкын»га килгәнче, бик яратып «Азат хатын» журналын бизәде – Э. З.), сеңлесе Рамилә, энесе Рамил... Оныклары – Рафаэль, Микаэль, Зифаны хәтерләтүче нәни Амелия... Барыбызның да үз Зифасы бар безнең! Һәрберебезнең Зифа белән бәйле үз хатирәләре, кадерле мизгелләре. Менә хәзер түгелеп, истәлекләргә күмеләбез.

Миндә дә күп, бик күп алар! Исәпсез! Ә шулай да Зифа Лондонда бакыйлыкка күчәсе иртәне мин Казанда гаҗәп бер төш күрдем. Редакция бүлмәсенә летучкага җыелганбыз. Барыбыз да шат. Көлешәбез. Зифа, гадәттәгечә, йөзек кашы сыман балкый. Кинәт бүлмәбез диварлары тоташ пыяла белән капланып, без, орбитадан ычкынгандай, нәшрият бинасыннан аерылып чыгып, Казанка, Кремль өсләреннән оча башладык! Искиткеч манзара ачылды! Куркыныч... һәм гаҗәп матур да! Аңлаталмаслык сәер халәттә без. Ничек очып киткән булсак, шулай урыныбызга кайтып төштек. Иртән эштәгеләргә төшне сөйләдем. Һәм шул ук көнне кайгылы хәбәр килеп иреште: Зифа вафат! Зифаның җаны яраткан Казаны, кайчандыр балконы аша 14 нче каттан күренгән Казанка, Кремльләр белән шулай хушлашкан дип юрадылар...
Тормышны, кешеләрне, иҗатны яраткан Зифа якты шәхес, зур талант иде. Ул бәхетле була белде, тирә-юнендәгеләрне дә бәхетле итте. Ул кайда да рәссам иде: аш-су әзерләгәндә дә, чәчәкләр үстергәндә дә, курчаклар ясаганда да, бүлмәсен бизәгәндә дә, кешеләр белән аралашканда да... Кыска гына гомерендә йолдыз булып балкыды да йолдыз булып атылды! Нәрсәгә генә тотынмасын, ювелир осталыгы белән башкарып чыкты! Зифаның санаулы гына көннәре калгач, кызы Әлфия бу хакта әнисеннән сораган:
–Бу камиллекнең берәр сере бармы, әни? Миңа ул серне чишәсеңме?
–Бар ул сер! Яратып, бөтен җаныңны салып эшләсәң, бар да бик әйбәт килеп чыгачак, кызым!

Әлфия җыелган кунакларга менә шул хикмәтле серне җиткерде. Зифадан соңгы алтын кагыйдә иде бу.        

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    8525
    0
    84
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    7746
    2
    75
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3778
    1
    42
  • Хыялдагы ир-ат  Үсмер чакта ук  ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак. 
    4793
    1
    40
  • Укытучым Их, вакыт дигәннәре! Ник сез шулай бик тиз агасыз соң? Азга гына булса да мәктәп елларына кайтып киләсе иде лә... Миңа инде 30 яшь, 16 яшьлек  чагым әле кичә генә кебек...  
    3635
    0
    28
Реклама
Соңгы комментарийлар
  • 27 май 2022 - 00:29
    Без имени
    Курячяк язмыш
    Инде минем чират...
  • 26 май 2022 - 20:32
    Без имени
    Укып торасым да килми, ташладым. Уз рэхэтеннэн китеп, кайнанайны курэ-ишетэ торып, ниемэ кайтырга иде? Бала карар, ашарга пешерер дип ометлэнеп? Уз тарткан картасы, тарта-тарта ашасы. Чык та кит
    Инде минем чират...
  • 27 май 2022 - 06:58
    Без имени
    Безнен, тормышлар уртак та кебек автор белан. Мин дэ иремне дэ, баламны да Ходайдан сорадым. Хэзер аллага шокер баламда туды, иремдэ бик эйбат кеше.
    Мин аны Ходайдан сорап алдым
  • 26 май 2022 - 15:03
    Без имени
    Дингэ беренче куп урлаган, карак, гонахсы зур булган кеше килэ. Улэр вакыты житкэч, исенэ тешэ, курка башлый, жавап бирэсе булса, нэрсэ дип, жавап бирермен, дип ,курка.
    Дингә кеше кайчан күбрәк килә?
  • 25 май 2022 - 22:40
    Без имени
    Сез гел балалар дип яшәгәнсез, инде үзегез өчен яшәргә вакыт. Аларның үз тормышы, вакыт узгач алар сезне аңлар дип ышанасы килә.
    Кызларым каршы булса да, кияүгә чыгаргамы?
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда