Легендар журнал бәйгесе!

Май – бәйрәмнәргә бик бай ай ул. Тынычлык, Хезмәт бәйрәме безне Бөек Җиңү бәйрәменә якынайта. Аннары – радио көне. 19 майда – Татарстан журналистлары бәйрәме! Быел исә ул тагын да үзенчәлеклерәк, истәлеклерәк булачак: татар матбугатына нигез салынуның 110 еллыгын билгеләп үтәчәкбез! Милли журналистиканың чишмә башы Санкт-Петербургта дөньяга аваз салган беренче татар газетасы«Нур»га барып тоташа. Ә бүген Татарстан Республикасы мәгълүмати тәэмин ителеш ягыннан Россиядә иң алдынгы позицияләрне били. Журналистлар, матбугат хезмәткәрләре, хәбәрчеләр һәм укучыларыбыз урамында чын-чынлап олы бәйрәм бүген. Сезне ихластан котлыйбыз, кадерле дуслар! Безне сайлап алуыгыз, яратып укуыгыз, һәр яңа башлангычка битараф калмавыгыз фикерләрегезне кыю җиткерүегез, яраткан басмагызга тугрылыгыз өчен рәхмәт сезгә!

Бүген исә сезгә яңалык җиткерергә ашыгабыз. 12 майдан 15 сентябрьгә кадәр Татарстан Республикасында «Татмедианың легендар брендлары» конкурсы кысаларында он-лайн тавыш бирү уздырыла. Конкурс барышында җиңүче басмалар билгеләнәчәк. Мәртәбәле жюри бәясеннән тыш, халык сүзе, укучылар фикере дә исәпкә алыначак. «Легендар газета», «Легендар журнал» («Сөембикә» журналы өчен тавыш бирү - http://tatmedia.ru/legends/69/ ), «Легендар телерадиокомпания», «Легендар мультимедияле редакция» дип исемләнгән 4 төркемнән үзеңә ошаганын сайлап алырга кирәк.

Бәйгегә инде старт бирелде! Сез безнең белән бит? Ашыгыгыз! Тизрәк-тизрәк! Сезнең тавыш хәлиткеч көчкә ия! 

#syuyumbike #сююмбике