ТАТАРСТАН РЕСПУБЛИКАСЫ КӨНЕ КОТЛЫ БУЛСЫН!

--, 30 август 2018 - 00:00
497
0
0
Татарстан Республикасы Президенты Р.Н. Миңнеханов мөрәҗәгате

Хөрмәтле татарстанлылар!

Сезне Татарстанның дәүләт бәйрәмнәре арасында  иң  күренеклесе – Республика көне уңаеннан чын йөрәктән тәбрик итәм!

1990 елның 30 августында булган олы бу вакыйганың әһәмиятен еллар узган саен яхшырак аңлый барабыз. Егерме сигез ел элек күпмилләтле халкының язмышы өчен җаваплылыкны республика үз өстенә алды.

Бөтен Россия белән берлектә без күчеш чорының кыенлыкларын җиңеп чыктык, социаль-икътисадый һәм рухи-мәдәни үсешнең яңа баскычына күтәрелдек, татарстанлылар тормышының югары стандартларын тәэмин иттек.

Татарстанның сәяси тотрыклылык  нигезен милләтара һәм динара татулыкның күп еллар дәвамында булдырыла килгән  традицияләре, хакимиятнең барлык дәрәҗәләре һәм тармакларының каршылыксыз эшчәнлеге, граждан җәмгыяте институтларының уңышлы үсеше тәшкил итә. Бу тотрыклылык республика Конституциясе һәм законнары белән гарантияләнә.

Шушы казанышларга таянып, республика бүген илнең алдынгы төбәкләре сафында ышанычлы адымнар белән алга бара. Безнең башлангычлар Россия Федерациясе Президенты һәм Хөкүмәте  тарафыннан һәрчак хуплап кабул ителә.

Үсештә юл күрсәтүче маяклар буларак хәзерге вакытта Кама инновация территориаль-җитештерү кластерын, «Алабуга» һәм «Иннополис» махсус икътисадый зоналарын, социаль-икътисадый үсешнең алдынгы территорияләрен күрсәтергә мөмкин.

Без киләчәк буыннарның мул тормышта яшәвен тәэмин итәргә сәләтле  тиңдәшсез производстволар ачабыз.

Без юлларны, шәһәр һәм авылларыбызны төзекләндерәбез, заманча уңайлы торак төзибез.

Без яңа уку йортлары, сәламәтлекне ныгыту, дәвалану үзәкләре ачабыз. Боларда инде хәзердән үк яхшы белем һәм югары технологияле медицина ярдәме алырга мөмкин.

Казанда күптән түгел генә булып узган футбол буенча дөнья беренчелеге уеннары республикабыз башкаласының илкүләм һәм дөньякүләм дәрәҗәдә күренекле спорт мәркәзләренең берсе дигән статусын тагын бер кат дәлилләде.

Икътисадтагы, социаль өлкәдәге казанышлар, гаять үзенчәлекле тарихи-мәдәни мирасыбыз, ватанпәрвәрлек, Россияне, туган Татарстаныбызны ихлас ярату хисләре яшен-картын, милләте, дине, һөнәре төрле булган, төрлечә уйлаучы һәм фикерләүче кешеләрне берләштерә, якынайта.

Республикабызның тырыш хезмәткә, игелекле ниятләргә нигезләнеп, көчле үсеш кичерүче төбәк дигән шөһрәте,  халкыбызга хас кунакчыллык дөньяның төрле почмакларыннан Татарстанга сәяхәтчеләрне, кунакларны җәлеп итә һәм аларның саны көннән-көн арта бара.

Кадерле дуслар!  

Республика көнендә зур канәгатьлек һәм горурлык белән тормышыбызның барлык өлкәләрендә зур уңышларга ирешүебез турында әйтә алабыз.

Сезгә, хөрмәтле татарстанлылар, нык сәламәтлек, рухи күтәренкелек,  бәхет һәм иминлек телим.

Бәйрәм күңелле узсын!

Республика көне белән!

 ТР Президенты Матбугат хезмәте
Ошый
Поделиться:
Комментарийлар (0)
Cимвол калды:
Хәзер укыйлар
  • 7342
    1
    65
  • 7133
    0
    58
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    5003
    2
    50
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    7158
    1
    49
Реклама
Соңгы комментарийлар
  • 30 апрель 2021 - 20:44
    Без имени
    Егет кешене күп кызлар ярата , концертына агылачак .Озак " мин егет " - диеп йөрер әле Ришат .
    Ришат ТӨХВӘТУЛЛИН: «Чак кына соңрак туганмын» 
  • 1 май 2021 - 21:53
    Без имени
    Ин яраткан жырчым.Телевизорда Ришатнын жырларын тапшырсалар, бар эшемне ташлап залга йогереп чыгам.Балалар да кунектелэр,тиз бул,дип,чакыралар.
    Ришат ТӨХВӘТУЛЛИН: «Чак кына соңрак туганмын» 
  • 2 май 2021 - 10:03
    Без имени
    Әйтер сүз юк...Гыйбрәтле хикәя! Без, татар хатын - кызлары, үз теләгебезне гел соңгы чиратка куеп өйрәнгән...тик, иң мөһименә кемнәндер рөхсәт сорамыйча үзебез дөрес дип санаганча карар кабул итәргә өйрәнсәк иде. Бу менә шушы очрак... Күңеле теләгәндә кайта алмавы гомере буена исеннән китмәячәк!!! Безнеке үтте...кире кайтарып булмый. Яшьләр, сезгә сүзем: ирне дә кимсетми үз теләгегездә нык торып, күңелегез кушканны үз акылыгызга, хисегезгә таянып гамәлгә салырга өйрәнегез!!! Без теләгегебезне аңлап үтәү түгел үтәргә теләмәгән дә ир кешене акларга тиеш түгелбез! Бу хикәяне укытып күптәннән әйтәсе килгән фикеремне Аллаһ фарыз итте күрәсең!!!
    SOS! Җанымны коткарыгыз!
  • 2 май 2021 - 15:11
    Без имени
    Бик яраткан артискам. "Сүнгән йолдызлар" дагы Сәрвәре генә дә аның буй җитмәс талантка ия икәненә дәлил.
    Җаным монда кала...
  • 2 май 2021 - 23:15
    Без имени
    Гажэеп дэрэжэдэ талантлы актриса турындагы язма очен рэхмэт. Олкэнэя барган саен, матурлыгы арткан кешелэр була. Аларнын эчке матурлыгы тышкы гузэллеккэ кушыла. Флера Хэмитова шундйлардан. Сабырлыгы,горурлыгы,гузэллеге белэн сокландыра ул. Хаман да сокландыра...
    Җаным монда кала...