Ул – редакциябезнең сәламәтлек саклау, социаль яклау, авыл хуҗалыгы министры бугай... Парламент пулы... Бала хокукларын яклаучы, аналарны кайгыртучы журналист тагын... Спорт – яраткан темасы... Әйтсә – өздереп әйтә! Эшләсә – яндырып эшли! Хаклыкны даулап ярсып чыга!
Бар ишекләрне ачтыра белә, диләр аның турында. Таңнан командировкаларга чыгып китеп, әллә нинди проблемаларны чишә, күпләргә – ярдәм итә, кемнәрнедер утлы табага бастыра... Ул кем? «Сөембикә»не укучылар табышмакны шундук чишәчәк: Мәдинә Авзалова!
Тәвәккәл, җитез, кыю, баш бирмәс чын егетләр холкына хатын-кыз йомшаклыгы, уңган хуҗабикә осталыгы, сер сыяр кайнана зирәклеге, ягымлы дәү әни юмартлыгы, сылу хатын көязлеге дә кушыла да, ул кабатланмас Мәдинә апабызга әйләнә!
Комментарий юк