Без сине яратабыз!

--, 19 декабрь 2019 - 10:45
1466
0
0

Көн бүген сүрән, караңгы дисезме?

Сизмибез!

Бездә редакциядә бәйрәм бит бүген! Эльмирабызның туган көне!

Кемдә – нәрсә, безнең Эльмирада быел музей елы. (Сез аны сизәргә өлгердегезме әле?!) Башта ул Алабуга музей-тыюлыгына чумды. Нәкъ менә чумды! Музейны республика, ил генә түгел, дөнья күләмендә таныткан тынгысыз хезмәткәрләрнең, тәвәккәл директорның һәр уңышын җентекләп өйрәнде, аннан бар туплаганын кәгазьгә төшерде. Кеше хезмәтен бәяләгәндә җөмләләр генә түгел, аерым сүзләр дә зур роль уйный: журналисттан гаҗәеп дәрәҗәдә сизгерлек таләп ителә. Эльмира үзалдына куйган бу бурычны «бишле»лек итеп үтәде! Бу язманы укыгач, алдагы җәйдә күрәсе килгән төбәкләр исемлегенә Алабуганы өстәп куючылар байтак булгандыр...

Ә «Казан Кремле» музей-тыюлыгы турында соңгы санда чыккан язмасы?! Ак ташлы Кирмәнебезнең үзе кебек үк затлы, бай, колачлы ул! Мондый язмаларны бездә Эльмира Закирова гына яза белә...

Хәер, ул судагы балык кебек йөзгән өлкәләр байтак: укучыга тәкъдим ителәсе хикәяне иң элек ул сайлый, шигырьләрне ул укый. Безнең һәркайсыбызның язмасы аның күңеле аша уза: кырыс каләме каядыр кызыл кара белән төзәтүләр кертә икән – шунда ук ризалашабыз. Туган телебезне Эльмира кадәр камил белгән, нечкә итеп тойган, һәр төсмерен аңлаган журналистлар безнең редакциядә генә түгел, татар дөньясында да сирәк бүген.

Без аны яратабыз!

Һәм үзен генә дә түгел. Аның бөтен дөньясын яратабыз: ире Илдарны, улы Алмазны, сеңлесе Ританы, Ританың улы Искәндәрне, кызы Альбинаны. Эльмира өчен иң кадерле җир булган туган авылын – Байсарны яратабыз! (Кайчак ул Төркия, Чехия кебек илләргә барып ял итүдән Байсарга кайтуны, андагы тынлыкны, Сөн өстендә чыккан кояшны, андагы шәфәкъләрне өстенрәк тә күрә!) Авылдашларын, күршеләрен яратабыз! Мәктәбен, укытучыларын! Актанышка барып чыксак, без сезнең, мөгаен, һәркайсыгызны таныр идек... Без аның студент елларда ук тапкан дусларын яратабыз!

Бүген аны туган көне белән котлыйбыз! Сизгер, нечкә күңелле, ихлас, самими җанлы Эльмирабызны... Исәнлек-саулык, җан тынычлыгы белән яшәвен телибез! Ходай аны иҗаттан, иҗатның татлы газабыннан аермасын...

Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    1474
    22
    185
  •  Алиментка бирсәң...  Мине әнием тәрбияләп үстерде. Миңа 3 яшь булган вакытта, әти башка хатынга өйләнгән. Ничек кенә авыр булмасын, әни зарланмады, сыкранмады.
    5806
    4
    77
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5113
    2
    70
Реклама
Соңгы комментарийлар
  • 14 октябрь 2021 - 20:56
    Без имени
    Бик куркэм, эчтэлекле язма. Анда эйтелгэнчэ бэхет сезнен бн янэшэ йорсен.
    Оясында ни күрсә...
  • 14 октябрь 2021 - 20:30
    Без имени
    Бик матур унган, булган, топле гаилэ. Килэсе коннэре гез аяз, тыныч бэхет э утсен. Шундый язмалар килэчэк тэ дэ туып торсын.
    Оясында ни күрсә...
  • 15 октябрь 2021 - 08:28
    Без имени
    дус кызларны иялэштерергэ кирэкми икэн ул.
    Нигә мине чүпрәк итәләр?!.
  • 14 октябрь 2021 - 23:07
    Без имени
    "бала өчен дип" үзегезнең ахмаклыгызны гына бала бәхетеннән (һәм үзегезнең бәхетегездән дә) алда куймагыз. балага кирәк әти. балага кирәкми әтигә охшаган хәйван.
    Мәхәббәттән нәфрәткә бер адым икән
  • 14 октябрь 2021 - 22:31
    Без имени
    Огромное спасибо за информацию. Крурсы валют
    Бәхетле очрак-2