Хатын-кыз белән ир-ат дус була аламы? 

Халисә Ширмән

Баеп килгән кояшның кызыл шәүләсе бит алмаларыңда уйный.

Борылып, күзләремә карыйсың да, моңсу гына елмаеп: 

– Нишләп булмасын инде? Менә без – дуслар бит, – дисең. Аннан минем җавап итеп елмайганны күреп, кызык кына кыяфәттә: – Дуслар бит?! – дип кабатлыйсың... 

Әйе инде, дуслар.  

Мин – Казанда, ә син – еракта. Бик сирәк күрешәбез. Ярый әле, хәзер интернет, What’s App бар. Киңәш кирәк булса, күңелгә моң-зар тулса, язам, шалтыратам. Син дә шулай. Кайчагында язганыңа җавап та бирмим – вакыт җитми. Син дә мине «оныткалыйсың». Кыскасы, бер-беребезгә тагылмаган. Шулай да, кайдадыр еракта, өч йөз чакрым ераклыкта, эч серләрен сөйләрлек якын дустым барына мин бик шат. Син дә шулайдыр... 

...Еллар узган саен, гомер юлында дуслар сирәгәя. Кайберсе тугрылык сынавын үтә алмыйча, башкалары «сертотмас» исемен күтәреп, тормыш арбасыннан төшеп кала. «Үзләренә кирәк чакта дус»лар да югала. Дөресрәге, югалтам. Андый «дус»лар ник кирәк? Тукта, ничек инде «ник кирәк»? Дус кешеләр алар ни өчендер, нәрсәдер кирәк булганга гына дус дип саналамыни? Ярдәм көтеп яшәгәнгә генә кирәкмени?!. 

...Авыр булып китә. Чынлыкта бит, дуслардан без, беренче чиратта, мораль яки физик ярдәм көтәбез. Эч сереңне сөйләү, шатлыгыңны йә кайгыңны уртаклашу, киңәш сорау – мораль ярдәм алу бит инде ул. Җавап итеп, үзең дә шундый ук ярдәм күрсәтергә тырышасың...  

Дуслык – ялгызлыктан котылуның бер чарасы гына.  

...Талгын гына ярга каккан дулкыннар шавына кушылып, сиңа эндәшәм: 

– Минем сиңа ярдәм иткәнем дә юк ич... Дуслар ярдәм өчен кирәк бит инде алар. 

...Күзләрең – офыкта. Анда кояшның соңгы нурлары болытларның йөзен кызарта. 

– Миңа ярдәмең кирәкми. Үзең булуың җитә. Бул гына.  

Тынлык. Кояш югала, җир өстенә кинәт кенә эңгер-меңгер иңә. Әби әйтмешли, «шайтаннар туй итә» торган вакыт. 

Борылып, елмаясың. Күз карашыңда нидер «кабына», ирен читләреңдә әйтелмәгән сүз канат кага башлый. Әйтергә ярамый торган сүз икәнен аңлагандай, елга ярына куелган эскәмиядән җиңел генә торам да, кулымдагы сумканы болгый-болгый, машина юлына таба атлыйм. Кичке саф һавада чикерткәләр сызгыруын басып, көлеп сиңа эндәшәм:  

– Әйдә, киттек! Хатының югалткандыр инде үзеңне! Сиңа да, миңа да эләгә хәзер! 

...Юл чатында торган светофор безне ике якка аера. Җай чыккан саен кайтырга вәгъдә итеп, үз юлыма ашыгам. Хатын-кыз белән ир-ат дуслыгы киләсе очрашуга кадәр чакрымнар карамагына тапшырыла. Хуш, сау бул, дустым! Мине Казан көтә! 

Поделиться:
Комментарийлар (1)
Cимвол калды:
  • 31 октябрь 2019 - 03:28
    Без имени
    Хаерле иртэлэр! Хатыны белэн якын булмаганга, рэхэтлэнеп уй фикерлэрен сойлэшэ алмаганга, бу дус-хатын килеп кергэн тормышына. Гэудэсе генэ хатыны янында булып чыга. Э бу дус-хатын ялгыз, кияудэ тугел, анлавымча...
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    7359
    0
    78
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    6756
    2
    68
  • Ялгыз торна Коллективта биш кеше, шуларның икесе генә шәһәрдә туып үскән.  Шунсы кызык – коллективта эшләүчеләрнең берсенең дә шәхси тормышы барып чыкмаган: икесе аерылган, ялгыз бала үстерәләр, өчесе бер тапкыр да кияүгә чыгып карамаган кызлар. Җәмилә арада иң олысы...
    3958
    1
    50
  • Кайту Безне ташлап киткән иремнең сөяркәсе шалтыратты...
    5742
    2
    38
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3054
    1
    35
Реклама
Соңгы комментарийлар
  • 20 май 2022 - 17:55
    Без имени
    Оч Кон гомерен калса да, сонгы коненне никахта уткэр,сойлэмэ серлэренне, балалар тарафыннан хормэт юк, они эгоисты, жил янгыр тидерми устергэнсез бит инде, Каждая женщина рожает детей для себя, пусть сами и воспитывают . Бэхеттэ шатлыкта муллыкта яшэргэ язсын🤲🤲🤲🤲🤲
    Кызларым каршы булса да, кияүгә чыгаргамы?
  • 20 май 2022 - 19:41
    Без имени
    Минемчэ, тэрбядэн дэ тора мондый хэллэр. Кайбер кеше, эллэ нинди атказанган булса да, гаилэсенэ, баласына тиешле ихтибар бирми, бу купчелек шунын нэтижэсе дип тэ уйлыйм...
    «Әнине картлар йортына урнаштырырга телим!»
  • 20 май 2022 - 11:45
    Без имени
    Матур гына хикая охшады
    Хәерлесе шул икән...
  • 20 май 2022 - 19:55
    Без имени
    Эгоистка устергэнсез, чынлап та. Ике дэ уйламагыз. Яхшы кешелэр сирэк хэзер, Аллага тапшырыгыз. Беркемне тынламагыз, тулке уз йорэгегезне тынлагыз. Бэхетле булырга беркайчан да сон тугел. Бэхетле булыгыз!
    Кызларым каршы булса да, кияүгә чыгаргамы?
  • 20 май 2022 - 01:10
    Без имени
    Әлһәмдүлилләһ
    «Иреңнең әнисен ярат!»