Блоги
Бер кеше үзе белән ничә кешене алып китә?
...Балалар кечкенә иде әле. Кабак чистартып утырабыз. Тәмле кабак инде, сап-сары...
...Балалар кечкенә иде әле. Кабак чистартып утырабыз. Тәмле кабак инде, сап-сары... Үзен генә пешерергә дә, бәлеш салырга да, боткага кушар өчен дә менә дигән. Матур-матур эре төшләре бар. Алары да тәмле. Балалар кабак төшен яратмыйлар. Ә мин яратам, шуңа күрә киптергәнне дә көтмичә, кайберләрен авызга озата барам. Олы улым миңа карап торды-торды да, әйтә куйды:
– Әни, беләсеңме, ничә кабак ашадың син? Мильон! (аның өчен иң зур сан инде бу)
– Нишләп миллион булсын инде, улым. Биш-алтыны гына ашаганмындыр.
– Юк! Үзең әйттең, менә бу бер төшне утыртсаң, яңа кабак үсә. Аннан тагын шууууууның кадәр төш чыга. Аларны утырсаң, тагы күүүүүп кабаклар үсә. Тагы, тагы... Син мильон кабак ашадың. Мильон кабак үсми калды!
* * *
Кычкырып көлгән идем ул вакытта. Менә бүген дә кабак чистартам. Сап-сары, төшләре дә эре, матур... Орлыкларын кулга алам да, кире куям. Яңа гына ишеткән хәбәр күңелгә тынгы бирми. Бүген көне буе мин сокланып йөргән, дөньяны каплап яуган кар аркасында килеп чыккан юл һәлакәтендә ике яшь егетнең гомере киселгән...
Ике генә түгел, миллион кеше үлгән... Һәр өзелгән яшь гомер үзе белән миллион кешенең гомерен алып китә...
Сакланыгыз һәм бер-берегезне саклагыз!
-
Күңелеңә җыйма
Чын мәхәббәт бар ул, бар!
Мәхәббәт... Ап-ак кар явып, бераз буранлап торган кичтә кап-кара тун киеп килеп керде ул минем тормышыма. Әйе, әйе, ак атка атланган ак киемле принц түгел, нәкъ менә кара тун кигән егет. Ясалма мехтан тегелеп, елкылдап торган андый тун модада булса да, аны кулга төшерү шактый кыен иде әле ул заманда. Егетем дә аны ЦУМда эшләүче танышы аркылы юнәткән булган. Әгәр дә мин утырып кайтасы автобус шоферының игезәк туганында да андый тун булмаса, бу мәхәббәт кыйссасы, бәлки, язылмый да калыр иде.
-
Күңелеңә җыйма
«Хезмәтче булудан туйдым!»
Бала тугач, ярты елга дип кенә күченгән идем, ә биш елга калдым. Һәм әни булудан туктадым. Бу хатамны төзәтергә булдым.
-
Арабыздан беребез
Бәхетнең дүрт исеме
Мин дүртенче баламны 47 яшем тулып биш ай үткәч алып кайттым. Ягъни әкренләп 48 яшемә таба «үрмәли» барганда.
-
Арабыздан беребез
Сагышлы шатлык
Кышкы фасыл берара уйнаклап, шаяргалап йөрде дә, үз хокукын барлап, җиргә мамыктай ак карларын түшәде. Әлфия кибет тәрәзәсеннән кышкы гүзәллеккә сокланып күз салды. Күр бу сылу чыршыларны! Ямь-яшел чыршы ботакларында күпереп торган ак карлар еракта калган туган өйне, әнисе салган ак күмәчләрне хәтерләткәндәй булды. Әй ул уйланулар, сагышланулар – төпсез кое сыман. Баштагы уйларга йөгән кигереп булмый шу-у-ул! Эш белән булашып бераз гына онытылып торса да, ялгыз калды исә һаман шул туган авылы Усть-Узанын, әнисен, абый-апаларын сагынып, сагыш дәрьясында йөзде ул.
-
Күңелеңә җыйма
«Кышкы чия». Җыр тарихы
«Кышкы чия». Сылу, чая, янып торган хатын-кызның эчке дөньясын, матурлык серен, нечкә күңелен ача торган җыр ул. Хатын-кызның бәхете – яратуда, мәхәббәт газапларында. Шул халәтендә ул тулышып пешкән, төрле төсләре белән балкыган кышкы чияне хәтерләтә, диләр...
Комментарийлар
0
0
Урыны оҗмахта булсын ! Шундый яратып...үз итеп укыдым Ахмадуллина хакында. Зур рәхмәт бу сәхифәне әзерләгән кешегә.
0
0
0
0
Бик матур,дөрес,төпле фикерләр. Шул кечкенә гади бер башта милҗон кешенең йөрәген кузгатырлык уйлар...
0
0
0
0
Бик матур,дөрес,төпле фикерләр. Шул кечкенә гади бер башта милҗон кешенең йөрәген кузгатырлык уйлар...
0
0
0
0
Тема буенча булмаса да, язарга булдым әле. Фейсбукта атып карыйм бу теманы карыйм - тынлык... Харассмент Татарстанда бармы ул? Татарларда бармы ул?Әллә юкмы? Яки киресенчә, соңгы 30 елдагыча ул һаман пачутта, шуңа тынлыкмы?
0
0
0
0
Харассмент бездә генә ничек булмасын? "Сөембикә"нең март санында шул хакта сөйләштек менә. Исемнәрне әйтеп язсаң, өч билгеле шәхес хакында зур тавыш чыгар иде... Әмма безнең максат башка бит – андый җитәкчеләрнең йөзен ачу түгел, бу хәлгә тарган хатын-кызларга киңәш бирү.
0
0