Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЗаман һәм безАрабыздан беребез → Контактта - ​Әлфия Туфан кызы Миңнуллина

Контактта - ​Әлфия Туфан кызы Миңнуллина

19 января 2018
533 карау
Карьера: Бөтендөнья татар тонгрессы сайтының мөхәррир-модераторы 
Гаилә хәле: кияүдә, ике баласы, бер оныгы бар. 
Тормыш шигаре: Кеше һәрвакытта, һәркайда үзен уңайлы хис итәргә тиеш. Бу уңайлылык күңелдә дә, тәндә дә, көндәлек тормышта да булсын. 

Шәхси тормыш

Сөендерде: 
Юбилейларга әзерләнәбез 
Узган елга әтием Туфан Миңнуллин белән әнием Нәҗибә Ихсановага багышлап планлаштырган эшләремнең барысы да диярлек эшләнде. 
Әти сүзләренә язылган җырлар җыентыгы дөнья күрде. 
2018 ел – әнинең юбилей елы. Шуңа багышлап, Санкт-Петербург рәссамы Рәшит Гыйләҗев әнинең портретын язды. Әнинең бик матур буклеты басылып чыкты. Камал театрында юбилей кичәсе узачак. Әле шуңа әзерлек бара. 
Озакламый үземнең дә юбилеем җитә. 

Көендерде: 
Дус дигәнең дошман булса...
Миңа һәм безнең гаиләгә якын булган яки дустанә якынлыкка дәгъва иткән кайбер кешеләрнең чынлыкта андый түгеллеген ачыклау бик авыр булды. Кешеләргә ышанычым нык какшады. Бу хәл аяктан ега язды дисәм дә, арттырмам. Ләкин, шөкер, егылмадым, бирешмәдем. Алга таба да бирешмәскә исәп. 
 

Илдә

Сөендерде: 
Төшмәде дә, күтәрелмәде дә
Россиялеләр кебек кризисларга чыдам халык бармы икән дөньяда? Бер адым атлыйбыз да артка борылып карыйбыз дигәндәй, бераз акча күрсәк, кайчан кризис булыр икән, дип көтә башлыйбыз. Көтәбез дип... көтмибез инде, ул безнең чынбарлыкны ясый. 
Быел менә рубль артык төшмәде. Россия Үзәк банкы рәисе  Эльвира Нәбиуллина рәсми инфляцияне Европа күрсәткечләренә тигезләште дә, ул быел 2,5 процент булыр, диде. Ниһаять, без дә тотрыклылыкка ирешәбезме әллә? 

Көендерде: 

Тәнемдә җаным барда, ана теле өчен борчылам 
Җаны булган һәр татарны борчый бу сорау: Ана телебезнең хәле ничек булыр? Бүген Казан урамнарында кешеләрнең татарча сөйләшкәннәрен ишетеп йөрибез. Киләчәктә татарча бер сүз ишетергә тилмермәсәк ярар иде. Дога кылганда, балаларымны, якыннарымны рәхмәтеңнән ташлама дигән теләкләремә, халкыбыз, телебез яшәсен дип тә өстәп куям.
 

Дөньяда 

Сөендерде: 
Хатын-кызлар үзләрен үзләре яклый
 Соңгы вакытта мәгълүмат чаралары аша хатын-кызларга сексуаль бәйләнүләр турында күп ишетергә туры килде. Бу турыда хатын-кызлар үзләре әйтә башлады. Элек бу әйберне яшерәләр иде, бу турыда сөйләшү оят саналды, еш кына хатын-кызның үзен гаепле итеп калдыралар иде. Акча янчыгын урлаткан кешене «үзе белән йөртмәсен иде», дип гаепләп булмаган кебек, бөтен гаепне хатын-кызларга гына ягып калдыру дөрес түгел. Хәзер хатын-кызлар үзләрен яклый башлады. Әлбәттә, пычракта казыну матур күренеш тә түгелдер, ләкин бу турыда кычкырып әйтмичә, сөйли башламыйча, аннан котылып булмаячак. 

Көендерде: 
Ярымутрауларда һаман сугыш
Адәм баласы җиде кат күккә менә, су төбендә йөри, ә менә үзара тынычлык таба алмый. Быел Төньяк Корея белән АКШ арасында низаг кискенләште. Янә бөтен дөньяны атом-төш сугышы белән куркытып тора башладылар. Әйтерсең лә, атом-төш коралы – уенчык. Сугыш чыга калса, нәтиҗәләре бөтен кешелек дөньясына зыян салачак бит. Гап-гади кебек тоелган мәсьәләләрне хәл итү еш кына бик катлаулы булып чыга.  

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com