Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битЗаман һәм безАктуаль тема → Һәр илнең ачкычы – тел

Һәр илнең ачкычы – тел

24 ноября 2017
590 карау
Менуи ГАСПАРЯН, Чирмешәндә икмәк пешерүче шәхси эшмәкәр:


Мине төп Чирмешәннеке дисәң дә була инде хәзер. 1981 елдан бирле биредә без. Ирем Усо Мхитарян белән ике бала үстердек. Үзем татарча аңлыйм, сөйләшә дә алыр идем, ләкин күп кеше алдында югалып калырмын да, кайбер сүзләрне дөрес әйтмәм төсле. Ә менә улыбыз Тигран да, кызыбыз Роза да татарчаны су кебек эчә! Мәктәптә шулкадәр яратып өйрәнделәр. Укытучылары әйбәт иде, аларга рәхмәт. Татарстанда яшәп, ничек инде шунда яшәүчеләр телен белмисең, ди! Яшәгән җиреңә, аның халкына рәхмәтле булырга кирәк. Ә телне белү – халыкка ихтирам билгесе ул. Оныкларыбыз да татарча сөйләшәчәк әле. Балаларыбыз әрмәнчә, русча, инглизчә, татарча сөйләшеп үсте. Әрмән телендә дә, татар телендәге кебек, «җ», «һ» авазлары бар бит. Инглиз телен өйрәнгәндә шул авазларыбыз да булышты аларга! Тигран хәзер юрист, тәрҗемәче. Студентлар программасы буенча АКШта да эшләп кайтты заманында. Анда әти-әниләр һәм балалар арасында бездәге кебек җылы мөнәсәбәтләр, якынлык, әби-бабайлар белән бергә яшәү дигән нәрсә бөтенләй юк икән, шул салкынлык ошамаган аңа. Розабыз мәктәптә укыган чакта ук «Мин татарча сөйләшәм!» акцияләрендә катнашып йөрде, чиста татарча сөйләшкән кыз буларак призлы урыннар яулады. Хәзер ул Казан федераль университетында дизайн факультетында укый.

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com